Imgerut 114:4 - Labrador Inuttitut Heritage Bible

⁴ ᴋakᴋat ᴋiggertalaukput saugârsuktitut, ᴋakᴋârulaillo saugarᴋatitut.

Imgerut 114:4 Iomraidhean Croise

Imgerut 18:7

Nuna sajukpilalaukpok, aulatitaulunelo, ᴋaᴋᴋiallo tungavingit aulavut sajukpilalutiglo ningaumajartillugo.

Imgerut 29:6

Kiggertartilaitalo nochaktut, Libanon, Sirionelo tuktuvaraktut.

Imgerut 39:6

Tachaktut kissiane innuk arvertarpok, sunaungitotuinak pivlugo perajarneᴋartitsivut; kattersuivut ᴋaujimanatiglo kia piginiarmangâgit.

Imgerut 68:16

ᴋaᴋᴋaujose kingiktose sôg takkosarᴋise? Gûde ᴋuviasuteᴋarpok ᴋaᴋᴋame ômane ineᴋaromavlune, Nâlegarlo tagvanêtuatsainarivok.

Exodus 19:18

ᴋakᴋarle Sinai ilûnnane iserludlarpok, Nâlekab akᴋarvigingmago ikomakut; iserlungalo ᴋongmuarpok sorlo ikomaksoaᴋarviksûb iserlungatut, ᴋakᴋarlo ilûnnane sajukpiludlarpoᴋ angijomik.

Exodus 20:18

Inuillo ilûnnatik malugivait kalluit, ᴋaumalaillo, tiptulautiblo nipinga ᴋakᴋaublo iserlungninga: inuillo tamanna takogamitsuk nûput, alivasiktomelo nangerput.

Nahum 1:5

ᴋaᴋaksuit sajukput sângane, ᴋaᴋallo auksivut; tâpsoma najorningane nuna aulajâdlarpok, ilâ, silaksoak, tamaitalo tagvane ineᴋartut.

Habakûb 3:6

Nangilauᴋpoᴋ nunaᴋsoarlo ôktorpa; taᴋosarpoᴋ, inôᴋatigêksuillo siamartipait; ᴋaᴋaksuillo isoᴋangitomit isoᴋangitomut pijut serᴋalijauvut, ᴋaᴋallo nungusuitut okᴋovut; tâpsoma apᴋotingit soᴋosijuitôvut.

Habakûb 3:8

Nâlekab kôksuit nakêlijutigilauᴋagît? Ningarnivît kôksuit pilauᴋagît, ningaumajârnivîllônêt imarbingmut tôᴋᴋâ, horseᴋotingne ikimavlutit ingeraravit, ᴋamutîngne piuliklerutinê?

Takotitaunermik 20:11

Iksivautaksoarmiglo ᴋaᴋortamik takogivunga, tâpsomanelo iksivajomik; tâpsoma kênanganit nunalo ᴋilaglo ᴋemâvuk, tâpkungnungalo iniksamik nagvârtoᴋangilak.