Imgerut 112:9 - Labrador Inuttitut Heritage Bible

⁹ Kangasuivok tunnijilunelo aklujunut; idluarninga îtsainarpok issoᴋangitomut; naksunga ᴋongmuartitauvok nertortauvlune.

Imgerut 112:9 Iomraidhean Croise

Imgerut 111:3

Tâpsoma pinniarninga nertornarpok ânanaudlarlunelo, idluarningalo itsainaromârpok issoᴋangitomut.

Imgerut 112:3

Akluinek pittaᴋaloringnerlo iglunginêtsomârpuk, idluarningallo itsainaromârpok issoᴋangitomut.

Imgerut 75:10

Gûdeᴋangitullo naksungit illunaita serᴋomitsomavakka, idluartut naksungit ᴋongmuartitauᴋovlugit.

Imgerut 92:10

Naksugale ᴋongmuartiniarpat, tuktûjârtub naksungatut; mingoartauniarpungalo orksumut nutâmut.

Imgerut 92:11

Ijimalo ᴋuviagijane takkoniarpâ ômigijimne; siutimalo ᴋuviasutigijane tussarniarpâ kassêtune, akkerartortimne.

Salomob Okâl 14:24

Ilisimajut akluinitik niaᴋotigivait; silatulle silainingit silainiutsainarput.

Salomob Okâl 19:17

Aklujomik napᴋiniktok, attartortitsivok Nâlekamik; tapsoma akkivigijomârpa ajungitullininginik.

Salomob Okâl 21:26

Tussuvok tussulunelo uvlok nâvlugo; idluartorle aitortuivok kippilungilarlo.

Okaluktok 11:6

Uvlâkut kângasûteᴋotitit kângasorkit, unnungmelo aggaktit allartailitikit; ᴋaujimanginavit tamanna imnalônêt sulingitailigalloarmangât; tamarmiglo sulingitailinajarpânik, nâmanerpaunajarpok.

Okaluktok 3:6

ᴋenernek, assiojinek nelliuneᴋarpok; pekᴋainarnek, egitsinek nelliuneᴋarpok.

Jesaiase 32:8

Ajungitorle ajungitunik issumaᴋarpoᴋ, ajungitullo allalungilait.

Jesaiase 58:10

Kâktorlo ikligijarnik tunidsivigigungne, tarnelo ajoᴋsadlartoᴋ nãmaksitilerungne, tagva ᴋaumartiksat nuileromârpoᴋ tâᴋsoarme, tâᴋtorlo illingne uvlub ᴋetterarningatut-itsomârpoᴋ.

Jesaiase 58:7

Ammalo: Kâktoᴋ aitoruk nerᴋiksarnik, ajulertut inniksaᴋangitut iglomut itterᴋokit; annorâᴋangitomiglo takoleruvit, annorâᴋartileruk, uviniᴋaᴋatit allarniarnago.

Mattêuse 6:4

Tunijatit sagvartauᴋonagit. Atâtavillo, sagvangitomik tautuktub, akkileromârpâtit sagvartome.

Markuse 14:7

Aklujunik illaᴋatsainarpose; ajungitulivigijomagupsigiglo pituinariaᴋarpose; uvangale najortigitsainarniangilapsinga.

Lukase 11:41

Ahâk, perᴋutipsingnit tunijiniaritse (Aklujunut), ilûnatik sujungaijutiksauniarput tagva ilipsingnut.

Lukase 12:33

Perᴋutise niorvgutigisigik tunergutigivlugillo. Pôksiniaritse pitoᴋauniangitunik, perᴋutitârniardluselo ᴋilangme asserojuitunik, tigliguillo sapertanginik, ᴋaurulillo asserorungnangitanginik.

Lukase 16:9

Oᴋaupapselo: Ilannâksarsiniaritse nunab pinginut idluangitunut, ajoksarupse ilaliortauᴋovluse iglunginut nâksaungitunut.

Lukase 18:22

Jêsusible tamanna tussaramiuk, oᴋautivâ: Atausek sulle pingilat. Perᴋutitit tamaita niorvgutiginiakit, aklujunullo piliutigilugit, tagva perᴋuteᴋatsiarniarpotit ᴋilangme; ᴋailerillo maliklunga.

Johannese 13:29

Ilangit isumavut, Jûdase pôksalijarmat, Jêsusib oᴋautingmago imâk: Pisiniarit ajortaptingnik uvloᴋsiorvingmut! Ubvalo, tunijerᴋovlugo aklujunut sumik.

Apostelit Piniarningit 20:35

Nangminek ᴋaujitilaukpapse tamainik, taimâk sanajuksaugapta, sangêtut ikajorlugit, Nâlekablo Jêsusib oᴋausingit erᴋarlugit, oᴋarmat: Tunijinek piloringnarnersauvok pilitaunermit.

Apostelit Piniarningit 4:35

Ilivlugillo Apostelit itiganginut; ajoksartullo ilûnaita tunitjiviovut ajortanginik tamakkonangat.

Rômiunut 12:13

Ivsornaitut ajoᴋsarninginut angajoᴋauniaritse; siniktarviojomatitse.

II Korintemiunut 8:9

Nâlegapta Jêsusib Kristûsib saimarsautâ ᴋaujimagapsiuk, akluitoᴋsôgalloardlune aklulilaungmat pivluse, akluninganut akluititauᴋovluse.

Deuteronomy 15:11

Aklujokarungnainiangimat nuname, tamanna pivlugo perᴋovagit, oᴋarlunga: Aggatit issivitaksarivatit ᴋatangutingnut ajoksartomut, aklujomullo nunangne.

Deuteronomy 15:14

Tunitjivigijaksarivalle saugakotingnit, senaugaksaniglo katjugvingnit, vainemiglo iptêjaivingnit; sorlo Nâlekab Gûdivît tunitjivigingmatit, taimak aitortoraksarivat.

Deuteronomy 24:13

Nelunaikutarijanga aumitinga ᴋepingalo utertitaksarivat tâpsomunga seᴋinek nipilerᴋârtinago, ulikopalijarlune inilagungnarᴋovlugo, pilloriktitauᴋojiᴋovlugolo ilingnik; tamanna idluarᴋutiginiarpat Nâlekab Gûdivît sângane.

I Timôteusemut 6:18

Pitsiarnerᴋovlugit, ajungitulinermiglo akluiᴋovlugit, ᴋununatik tunijerᴋovlugit ikajorᴋovlugillo assimingnik;

Ebrêerinut 13:16

Avâgosungneᴋ aitortuinerlo puigorniarasigik; tunergutit taimaitut Gûdib ᴋuviagingmagit.

Ebrêerinut 6:10

Gûde idluitôngimat, puigorniarlugit piniarnise senaniselo naglingnermut, tâpsoma attingane pijase, ivjornaitut kivgartulaurapsigik, sullelo kivgartorapsigik.

Takotitaunermik 22:11

Idluitomik piniartok idluitomik pitsainarle; ipektujorlo ipektutsainarle; idluartorle idluatsainarle, ivjornaitorlo ivjornaitsainarle!

I Samuel 2:1

Hannalo tuksiarpok oᴋarlunelo: Omattiga ᴋuviasukpok Nalekame, pitsartunera angijorortitaumavok Nalekame, ᴋannera angmarmarikpok omigijikka pivlugit; piuliklernît ᴋuviasutigigapko.

I Samuel 2:30

Tamanna pivlugo Nalegak Israelib Gudinga oᴋarpok: Oᴋalaukpunga, igloᴋotit atâtagijavillo iglunga agvertartuksaungmatta sâmne sorairatik. Mannale Nalegak oᴋarpok: Ungasigle uvamnit, opigosuktorle uvamnik, tamna opigijomagivara; uvamnigle nachojok, tamna nachogijaujuksaugivok.