Imgerut 107:2 - Labrador Inuttitut Heritage Bible

² Taimak oᴋarlît Nâlekab piulijangit, tâpsoma kappianartomit piulilauktangit;

Imgerut 107:2 Iomraidhean Croise

Imgerut 106:10

Iᴋajulaukpaillo tâpsoma illulugvigijingata agganginnit.

Imgerut 130:8

Tâpsomalo Israelitit piulijomârpait ajorninginnit illûnainit.

Imgerut 31:5

Aggangnut annernera perᴋovara; igvit piulilaukparma Nâlegak nertornartôjotit Gûde!

Exodus 15:16

Erᴋsinerub ᴋoaksârnerublo tupvigilârpait; tallerpikpit pitsartuningagut aulangilârput ujaraᴋtut; inuᴋotitit ᴋângiuterᴋârtinagit, Nâlegak, inuit pisiarijatit ᴋângiuterᴋârtinagit.

Jesaiase 35:9

Tagvane loeveᴋaromângilaᴋ, ômajomiglo kêsuktoᴋsoamik tagvûna pissuktoᴋaromângilaᴋ tagvanẽtoᴋaranelo. Uttertitaujulle pissugomârput tagvane.

Jesaiase 43:1

Manale, imâk oᴋarpoᴋ Nâlegaᴋ, pingortitit, Jâko, sanajit, Israêle: Sivoraniarnak, piuligapkit, attit taivlugo ᴋairᴋogapkit, perᴋutigigapkit.

Jesaiase 44:22

Idluitullinitit pêjarpakka nuvujatut (tiktautillugit) ajortullinitillo pujortut. Sâviginga, piuligapkit.

Jesaiase 62:12

Taijaujomârpullo inûᴋatigêksoarnik ivsornaitunik Nâlekab piulijanginik, igvillo taijaujomârpotit iglugasaksoarnik takojartortauvaktunik, ᴋemaktauniangitunik.

Jesaiase 63:4

Uvloᴋ akkiniarviksaᴋ kajusimautigigapko, jârelo piuliklerviksara nalliutingmat.

Jeremia 15:21

Piulijomavagillo idluitut agganginit; ᴋelujomavagillo erᴋsinartut agganginit.

Jeremia 31:11

Nâlakab Jâko sattôrmago, pisiaringmilugo pitsartuᴋijangata agganginit.

Migga 4:10

Anialerit, ilungertorillo saᴋᴋêjomavlutit ernisulertotut, Zionib paninga; mâna anijomâravit iglugasaksoarnit, naternamelo iniksaᴋalârpotit, Babilonemut aglât tikituksauvotit; tagvane ᴋelujaulârpotit; tagvane Nâlekab piulilârpatit ômigijivit agganginit.

Lukase 1:68

Nakoridlartaule Nâlegak, Israêlib Gûdinga, inuᴋotine nelipsarlugillo piulingmagit.

Lukase 1:74

Piulijauvluta akkerartortipta agganginit kivgartorᴋovluta tâpsominga inôtiluta sivôranata,

Lukase 24:21

Uvagulle Israêlitit piulijauniarasugivavut tâpsomunga. Uvlomelo uvlut pingatserput, taimangat taimailiormatsuk.

Galâtsiamiunut 3:13

Kristusible piulilauᴋpâtigut perᴋojat ômigijautitsininganit, nangmineᴋ ôminartitaulaungmat pivluta, aglaksimangmat: Ominarsile neliat ᴋejungme nivingajoᴋ.

Deuteronomy 15:15

Erᴋaijuksauvotillo kivgaulauravit nuname Egipteneme, Nâlekablo Gûdivît piulilaungmatit; tamanna pivlugo tamattominga perᴋovagit uvlome.

Deuteronomy 7:8

Nâlekable nagligidlarmase, angerninelo oᴋautigimariktane atâtapsingnut serᴋomitsomanginamiuk, Nâlekab tamaungautipâse aggangnut pitsartujunut, piuliluse iglomit kipalovingmit, Faraub, Egiptenib ataningata, agganginit.

Titusemut 2:14

Ingminik tunnilauktub pivluta, piulijomavluta idluitunit tamainit, ivsornaititsijomavlunelo nagminek inoᴋutiksaminik, ataruilijinik piniarnernut ajungitunut.