Imgerut 104:2 - Labrador Inuttitut Heritage Bible

² Annorâᴋotit attortat ᴋaumaniôvok; ᴋillak issivipet tulleraraktut.

Imgerut 104:2 Iomraidhean Croise

Hiobe 36:30

“Ahâk, ᴋaumanine issivipâ avatiminut, ulligêrpaillo imarbiub amângit.

Hiobe 9:8

ᴋillak issivipâ inutôlune, pisuklunelo imarbiksûb mallingita ᴋânginne.

Jesaiase 40:22

Tâmnauvoᴋ nunaᴋsûb angmalokitâb ᴋollâne inneᴋartoᴋ. Inungit piglertaujârtutitut illingavut (takpiksomunga). Kilangmik issivitaksatut issivitsivoᴋ tassiterlugo tuppersoatut, inûb iglogijaksangatut.

Jesaiase 45:12

Uvanga nuna sanavara, uvangalo inuit nunamẽtut pingortipakka, uvanga aggamnut ᴋilak issivipara, pitanginullo illũnamasianginut Nâlegauvunga.

Daniel 7:9

Takonârpunga iksivautaᴋsuit ilijauᴋârtinagit, uvlullo inuᴋoartungat ingipoᴋ; annorângit aputitut ᴋaᴋortigivut, niaᴋungatalo nujangit saukat miᴋungititut iput; iksivautaᴋsoanga ikoâlajoinaujotut ipoᴋ, aksaloangillo ikomauvut ikoâlajoᴋ.

Habakûb 3:4

Âkᴋisungningalo ᴋaumanertun-ipoᴋ; issagutâᴋarpoᴋ agganginit anijunik; tâpkonanelo pitsartuninga ijersimavoᴋ.

Saggaria 12:1

Oᴋausek oᴋumaitok Nâlekab oᴋauserijanga Israêle pivlugo. Imâk oᴋarpok Nâlegak, ᴋilangmik isivitsijok, nunamiglo tunganilêjok, inûblo anerninganik ilumigijanganik pingortitsijok:

Mattêuse 17:2

Ananausijauvorlo sângane, kênangalo seᴋinertut ᴋaumatigilerpok, annorângillo ᴋaᴋorsidlarput ᴋaumaneᴋtut.

I Timôteusemut 6:16

Toᴋosuitotôjok tâmna, ᴋaumajome tikiviksaujungnangitomêtok; inûb atautsiblônêt takolaungitanga takojungnangitangalo, tâmna nertortaunermik pile nâlegauvingmiglo issoᴋangitomik! Amen.

I Johannesib 1:5

Tamadjalo oᴋausiᴋ tâpsomangat tussilauᴋtavut, ilipsingnullo kigligiutigijavut: Gûde ᴋaumaniongmat, tâpsomanilo tâᴋtoᴋangilaᴋ.