Imgerut 103:18 - Labrador Inuttitut Heritage Bible

¹⁸ Tâpᴋonane angersimaninganik nâlektunne, erᴋaumajunnelo perᴋojanginik, tâpkoa malliklugit arvertaromavlutik.

Imgerut 103:18 Iomraidhean Croise

II Kronika 34:31

Attannerlo nangerpok innimine, angerᴋattigêngneᴋartitsivorlo Nalekab sângane, Nalegak malliklugo agvertaromagamik, perᴋojangillo, illusioᴋojangillo, idluarijangillo malligomavlugit omamut tamânut, tarnemullo tamânut, angernerub oᴋausertangit aglaksimajut aglangne tapᴋonane tamaita malliklugit pinniaromagamik.

Imgerut 132:12

ᴋittorngaᴋotivit angernera nâlangniarpatsuk, kigligiutsineralo ajochertutiginiartara tâpkonunga; tagva ᴋittorngangittauk iksivajuksauvut iksivautarne sorairatik.

Imgerut 25:10

Nâlekab apᴋosiningit pitsiarniotuinarput, mikseᴋârniôtuinarlutiglo, tapkonunga angerninganik kigligiudsininginniglo nâlaktunnut.

Exodus 19:5

Mânnalo nipiga nâlagomagupsiuk nalâgut, angerutigalo nalautsitilugo, tagva pivianartoᴋutiksaunersaulârpose adseogase uvamnut inungnit tamainit: tagva nuna ilûnât pigivara:

Exodus 24:8

Mosesiblo auk tiguvâ serᴋerautigilugolo inungnut, oᴋarlunelo: Ahâk tagga, tamadja angerᴋatigêngnerub aunga, Nâlekab ilipselo angerᴋatigêgutigijase oᴋautsit tamakkoa pivlugit.

Salomob Okâl 3:1

ᴋitorngak, malligaksauᴋojamnik puigornak, ommativîllo perᴋojakka torᴋorligit.

Jesaiase 64:4

Itsaᴋsoarnit tussartoᴋangimat, missigijoᴋaranele takojoᴋaranelo ijikut Gûdemik assingnik, piniutjijomik tattigijiminik.

Numbers 15:40

Erᴋaiᴋovlusele piniarᴋovluselo perᴋojamnik tamainik, ivsornaiᴋovluselo Gûdipsingnut.

Mattêuse 28:20

Ajoᴋertorsigiglo malerᴋovlugit tamainik perᴋojamnik ilipsingnut, Ahâglo, uvlut tamaita najutsainarniarpapse, silaksûb naggatânut.

Lukase 1:6

Tamarmigle idluarpuk Gûdib sângane, Nâlekablo perᴋojangit pijomajangillo tamaita nâletsiarpait.

Apostelit Piniarningit 24:16

Tamattomanele idluartomik isumaᴋarasuarpunga ilûnâne Gûdemullo inungnullo.

Deuteronomy 4:23

Udjertoritse nangminipsingnik, puigorᴋonase Nâlekab Gûdipse angerutigijanganik ilipsingnut, adsingoaliorᴋonaselo sunab adsinganik Nâlekab Gûdivît inerterutigijanganik ilipsingnik.

Deuteronomy 7:12

Imailarporlo, idluarsautiksat makkoa tusârangne, kamagilugillo, piniarlugillo, Nâlekab Gûdivît angerutigijane nâpkiningninelo oᴋautigimariktane atâtagijarnut, nelautsitilârivait;

Deuteronomy 7:9

Taimaimat ᴋaujijuksauvotit Nâlegak Gûdît Gûdeongmat; Gûde nelâgôrtok nelautsititsilune angerutigijaminik nâpkiniklunelo nagligijiminik perᴋojaminiglo nâlektunik kinguvârêt tausendit tikilugit.

I Tessalônikamiunut 4:1

Ama ᴋatangutivut, inaksorpapse kaiblarluselo Nâlekame Jêsuseme, nâmaksivalliarᴋovluse, sôrlo tussarapse uvaptingnit ᴋanoᴋ inôniariaᴋarnermik, Gûdemut ᴋuviagijauᴋovluse.