Imgerut 103:17 - Labrador Inuttitut Heritage Bible

¹⁷ Nâlekable saimaveᴋarninga soraijuipok issoᴋangitomit issoᴋangutomut, sivôragijinginnut; idluarningallo ᴋittorngat ᴋittornganginut;

Imgerut 103:17 Iomraidhean Croise

Imgerut 100:5

Nâlegak illanâᴋarmat, saimarveᴋarninga issoᴋangitôvok, mikseᴋârningalo soraijuitôvok.

Imgerut 111:3

Tâpsoma pinniarninga nertornarpok ânanaudlarlunelo, idluarningalo itsainaromârpok issoᴋangitomut.

Imgerut 118:1

Nalegak ᴋujagissiuk illanâᴋarmat, pitsiarningalo îtsainarpok issoᴋangitomut.

Imgerut 22:31

ᴋaijomârput, idluarningalo unipkautigijomârpât inugasaksoarnut erniangojomârtunnut, tâmna piniarlaungmat tamattominga.

Imgerut 25:6

Nâlegak nâpkoarnît, pitsiarnîllo erᴋaumakik, issoᴋangitomit pingmanik.

Imgerut 90:16

Nâlekablo Gûdipta illanâᴋarningata ᴋollangiarlitigut; aggaptalo pinniarningit igvit sullitilaukittôk!

Exodus 20:6

Nâpkiningnermigle sakᴋertitsivunga tausendeoᴋatartune nagligijimne perᴋojamniglo nâlaktune.

Jesaiase 41:8

Igville Israêle kivgara, Jâko anerijara, Abrahab nagliktima kinguvânga,

Jesaiase 46:13

Idluarsaiviksara ᴋannitomut pitipara, ungasigungnairpoᴋ; piuliklerviksara mullutsangilaᴋ. Piuliklerteojomârpunga Zioneme Israêlelo ânanausilerlugo.

Jesaiase 51:6

Kilak ârlorvigisiuk, nunalo ᴋilaub attânẽtoᴋ ullernairsiuk! Kilak iserluktut nungujomârpoᴋ, nunalo annorâtut sujugomârpoᴋ, inuillo nunamẽtut toᴋojomârivut. Piuliklerviksarale sorairomângilaᴋ issoᴋangitomut, idluarsaiviksaralo asserortaujomângilaᴋ.

Jeremia 31:3

Nâlagaᴋ saᴋᴋilauᴋpoᴋ uvamnut ungasiktomit, oᴋarlune: Naglingnermut soraijuitomut nagligivagit, taimaimat pitsiarnermut amuarasuarpagit.

Daniel 9:24

Vôgit 70 kititaumavut inôᴋatingnut iglugasaksoarnullo ivsornaitoᴋotingnut, tapatoniᴋ sorairᴋovlugo, nâmangitulinilo noᴋarᴋovlugo, idluitulinilo pêjartauᴋovlugo, idluarnilo nâksaungitoᴋ itititauᴋovlugo, takotitjutillo nalautainilo nâmaksititauᴋovlugit, ivsornainipâglo mingoartauᴋovlugo.

Migga 6:5

Inuᴋotikka, erᴋainiarsâritse mâna Balakib, Moabib ataningata, aperᴋutinganik, Balamiblo, Beorib erningata, kigusinganik; Sittimimit Gilgalemut aulajileritse, ᴋaujiᴋovluse Nâlekab piniarninginik ajungitunik.

Rômiunut 1:17

Tamakutigûna nalonarungnaititaungmat idluarsititauneᴋ, nâmagijaujoᴋ Gûdib sângane, tamanna okpernermit okpernermut pijoᴋ, sorlo aglaksimangmat: Idluartub okpernine inôtiginiarpâ.

Rômiunut 15:8

Oᴋarpungale: Jêsuse Kristuse kivgaulauᴋpoᴋ kipineᴋartunut, Gûdib mikseᴋârninga pivlugo angersimaneᴋ atâtanut pijoᴋ soᴋosijuerᴋovlugo.

Deuteronomy 10:15

Nâlekable atâtagijatit ᴋuviagilaukpait nagligijomavlugit, tâpkoalo kingorngane kinguvângit annerivait, tagva ilipse, inôᴋatigêksoarnit tamainit, sorlo uvlome ingmat.

II Timôteusemut 1:9

Tâpsoma piulilaungmatigut, ᴋaiᴋolutalo ᴋaiᴋojinermut ivsornaitomut, piniarnivut pitjutiginagit, issumasimanerminulle saimanerminullo tunitsivioniptingnut Kristûseme Jêsuseme silaksoak pigiarᴋârtinago;

II Pêtrusib 1:1

Simon Pêtruse, Jêsusib Kristûsib kivganga Apôstelingalo. okpernermik pivianartomik uvaptitut pimaᴋatiptingnut idluarnerme, Gûdipta piulijiptalo Jêsusib Kristûsib pititsininganut.