13 Sorlo atatab ᴋittorngat nâpkigingmagit, taimak Nâlekab sivôragijine nâpkigivait.
ᴋillaub pôktoningatut nunamit, taimak angitigijôvok saimarveᴋarninga, sivôragijinginut.
Nâlekable saimaveᴋarninga soraijuipok issoᴋangitomit issoᴋangutomut, sivôragijinginnut; idluarningallo ᴋittorngat ᴋittornganginut;
Nâlekab sivôragijine ᴋuviagivait, pitsiarninganik sungertuteartut.
Nâlekab nagligijane sugiarmago; ᴋuviagivâlo sôrlo atâtab ernine ᴋuviagingmago.
Efraim ernerivigo erdlingnartôᴋ? Kitorngauvâ ᴋuvianartôᴋ? Suadlarlugo oᴋarvigijarangapko, sulle nagligilugo erᴋaumavara; tamanna pivlugo iluga aulavoᴋ tâmna pivlugo; nâpkigijomadlarpara ila, oᴋarpoᴋ Nâlagaᴋ.
Keavlutik tamaungaromârput, ᴋenutilugillo tassioromârpakka; ingerartitsomârpakka kôt imalît saningine, apᴋome naggojome nâkliveᴋangitome; atâtaugama Israêlimut, Efraimelo ernerivara angajuklerpâk.
Taimaigaloartilugole, ômigijimik nunanganêtilugit ajaktormarigomângilakka, taimâglo angitigijomik maᴋojugijomângilakka nungutaumariᴋovlugit, angerneralo tâpkonunga serᴋomiᴋovlugo; Uvangaugama Nâlegak Gûdigijangat;
Ilipsingnulle attimnik sivôrajunut nuijomârpoᴋ idluarnerub seᴋininga, inûlinartunik esarolik; anijomârposelo ᴋiggertarluselo noggaktitut tuktuvaᴋautimit pijutitut.
Uvanga inuit tamakkoa tamaita ᴋitorngarivakkâ? Uvanga ernerivakkâ, oᴋautjiᴋovlutit uvamnik, Sarliarkit, sorlo immuᴋartûb amâmaktoᴋ sarliarmago, nunamuat ngerutigilauᴋtarnut atâtanginût?
Makkoa tamaita nalojut pinasuarpait; Atâtapse ᴋilangmêtub ᴋaujimavâse, tamakkoninga tamainik pijariaᴋarapse.
Taimâk pivlugo imâk tuksiaritse: Atâtavut ᴋilangme! Attît nertortaule.
Jêsusib oᴋautivâ: Aktorniarnanga, takpaungarsimanginama sule Atâtamnut. Ailerille ᴋatangutimnut oᴋautilugillo: Takpaungarniarpunga Atâtamnut Atâtapsingnullo, Gûdimnut Gûdipsingnullo.
Ilipse angutit ᴋatangutigêt, Abrahab kinguvângita ᴋitorngangit, Gûdemiglo sivôrajut ilipsingne, oᴋautsit piulijaujutiksamik tamattominga tilikliutjauvut ilipsingnut.
Tâpkoa ilûnatik iglugasaksoangolauᴋput pinnailutaᴋarlutik ᴋarmanik poktojunik, upkoaᴋsoaniglo, seningajuniglo; iglugasangniglo ama ᴋarmaᴋangitunik unuktunik.