Imgerut 102:17 - Labrador Inuttitut Heritage Bible

¹⁷ Tâpsoma ᴋemaksimajut tuksiarningit sâvigivait, tuksiarningillo nachogingilait.

Imgerut 102:17 Iomraidhean Croise

Nehemia 1:11

ᴋanoktôk Nâlegak siutikik kamatsiarlik, kivgaᴋotivit tuksiarninganik, kivgaᴋotivillo assima tuksiarninganik, tussudlartut atit sivuragijomavlugo; kivgaᴋotillo uvlome sullitilauruk, napkiningneksiᴋolugolo angutib ipsoma kênangata sângane. Imiksaliorteôlaurama atannermut.

Nehemia 1:6

Siutikik kamatsiarliktôk, ijikiglo uitalerlîk, Tussarᴋovlutit kivgaᴋotivit tuksiarninganik, tuksiarutigijamnik mânna sângne uvlotilûgo unnuamelo, Israelitit kivgaᴋotitit pivlugit; ᴋanorlo Israelib ᴋitorngangita idluitulliningit, pinniarlauktavut ilingnut, kigligiutigigapkit; uvangalo atâtamalo iglomioᴋatangit idluitullilaurivogut.

Nehemia 2:20

Tagva uvanga kiovakka, oᴋarlungalo: ᴋilaub Gûdingata sullitiniarpâtigut tamattominga; uvagullo kivgaujogut tapsomunga, parngnaileromavogut, sanajomalutalo, ilipsele ilangiutiviᴋangilase, idluarneᴋaraselonêt, erᴋaumajaksaᴋaraselonêt Jerusaleme.

Imgerut 147:2

Nâlekab Jerusaleme sannavait, aijaliktaumajullo Israeleme kattersorpait.

Imgerut 22:24

Tâpsoma aklujub pattanganinga nochogilaungimago, allangoarnagolonêt; kênanelo ijilaungilâ tâpsomangat, ᴋaigarsugvigingmagolo tussalaukpâ.

Imgerut 69:23

Ijingit takpêlit tautuᴋonagit; koktorangillo ajalutsainarlit.

Imgerut 72:12

Piulijomârmago aklujok nipliajok, pattangajorlo ikajorteᴋangitok.

Imgerut 9:18

Tâpsoma aklujok puigormaringniangimago, pattangajullo neriungninget assioniangilak issoᴋangitomut.

Jesaiase 40:5

Nâlekab ânanaunersoanga saᴋᴋertitaujomârmat, uviniggillo illûnamasiatik takojomârpât; Nâlekab ᴋanninga oᴋarmat.

Jesaiase 44:26

Kivgamale oᴋausinginik nallautsititsijunga, tillijamalo kajusimautigijanginik nãmaksititsijunga, Jerusalemullo oᴋartunga: Inuᴋalerit! Jûdablo iglugasaksoanginut: Igloᴋaleritse! asserorsimajuniglo tagvane âᴋiksoivunga.

Jeremia 31:38

Ahâk, uvlut naliutijomârput, oᴋarpoᴋ Nâlagaᴋ, iglugasaksuit igloliortaujomârmatta Nâlakamut Hananêlib nuvugusinganit terreᴋub itertarvia tikidlugo.

Deuteronomy 32:36

Nâlekab inuᴋotine erᴋartoromârmagit kivgaᴋotinelo nâpkigilugit; takogame pitsartuerutingmatta, simnikoᴋarungnairmat ᴋomergutaujomiglônêt atuinaujomiglônêt.

Deuteronomy 4:29

Tagvangallo Nâlegak Gûdît ᴋenerungne, nagvâlârpat, ômamut tamânut tarnemullo tamânut ᴋenerungne.