Imgerut 101:5 - Labrador Inuttitut Heritage Bible

⁵ Inuᴋattiminik angigutsivlune kiggoijok nungupara. Tâmna pijomalungilara piojorijomik tautugaᴋartok, angutausertomiglo ômattelik.

Imgerut 101:5 Iomraidhean Croise

Imgerut 138:6

Nâlegak ᴋotsingmat, takkonârlunelo erᴋanangitunnik, piojorijorlo illitarivâ ᴋanningitomit.

Imgerut 15:3

Oᴋaminut mangatsilungitok, assiminullo idluitullilungitok, innuᴋattiminiglo oᴋarnerlotjilungitok.

Imgerut 18:27

Innugasaksuit ajulertut ikajorangne, ijillo pimariutertut manigotitipâttit.

Imgerut 50:20

Iksivavotit ᴋattangutillo oᴋautigilukpat; anânavîllo erninga mangarpat.

Exodus 20:16

Inôᴋatitit saglôtigivlugit oᴋartuksaungilatit.

Exodus 23:1

Unipkausiksaliortuksaungilatit mikseᴋârtôlungitomik; aggatit ilautailitikit idluitulijunut kigligiudjijôjomavlutit nalâgôngitomik.

Salomob Okâl 10:18

ᴋanît nallangaitut omisungnermik ijersivut; mangatsivlunelo pijok, silaitovok.

Salomob Okâl 20:19

ᴋaujijaujuksaungitunik nellonaijaijok mangatsijotun-ipok; ᴋaneᴋadlartomiglo ilaᴋarniarnak.

Salomob Okâl 21:4

Ijit pingijaitut, ômallo piojorijok, Gûdeᴋangitullo ᴋaumautigijangit ajorniôvut.

Salomob Okâl 25:23

Attuarnek silarnerluksoarmik ᴋaitsivok, oᴋarlo issibsuktok kênarnik anûtunnik.

Salomob Okâl 30:13

Inungnik, ijeᴋartunnik pingijaitunnik, allortunniglo piojorinermut;

Jesaiase 2:11

Inuit piojorijutitut tautusôngojut kattalungatitaujomârput, inuillo pimmariutertut suksaujungnairtitaujomârput, Nâlegarlo kissime angijôjomârpoᴋ nalliutome taipsomane.

Hesekiel 22:9

Ilipsingnêlauᴋput angutit terliarkataijut aungmik kovisijomavlutik, ilipsingnelo nerrivut ᴋaᴋᴋane; ilipsingnelo kangunartulivut.

Daniel 4:37

Mânalo uvanga Nebukadnezar ᴋilaub ataninga nitorpara angijôtilugolo opigilugolo; tâpsoma piniarningit ilûnamatsiatik miksiᴋârtôngmatta, apᴋotingillo idluartoᴋsôngmatta; piojorinimilo arvitartut tâpsoma miklilititsungnarpait.

Leviticus 19:16

Arvertartuksaungilatit mangatsilutit inôᴋativit akorngane; nangertuksaungilatillônêt inôᴋativit aunga kigligiutjilukautigilugo; Uvanga Nâlegauvunga.

Lukase 18:14

Oᴋaupapse: tâmna aipaminit ajornerminit issumagijaujungnainersauvlune atersârpok iglominut. Ingminik angijorortitok miklilertitaujomârpok, ingminiglo miklilertitok angijorortitaujomârpok.

I Korintemiunut 5:11

Mânale aglagvigilaukpapse, taipkoa illagijaksaringinapsigik, imâgle: ᴋatangumik taijaujomajok assiniarteokpat, pijomatudlartiokpallônêt, Gûdiungituniglônêt kivgartortiokpat, mittautiksarsiorteokpallônêt; tallateokpallônêt arᴋtaijeokpallônêt taimailiortok nerreᴋatigijaksaringilase aglât.

I Timôteusemut 3:11

Taimâktauk nuliangit ilusitsiariktuksaugivut, terliaᴋataitaililutik idluartomik iliortuksauvlutik, nertornartuksauvlutiglo ilinganerne ilûnaine.

Titusemut 2:3

Taimaktauk ningiut ivsornaitutitut inôniarᴋovlugit, terliaᴋataisuerlutik, vainetuluadlaratik, ajungitomik ajoᴋertuivlutik.

I Samuel 2:3

Nertudlartinise, pingijaidlarniselo sorairlit, ᴋannipsingnêtoᴋarungnairle pimariuternermik; Nalegak Gudeôngmat kammatsiartok tamattominga, kajusinerlo taimaitok sulliᴋolungila.