Imgerut 10:17 - Labrador Inuttitut Heritage Bible

¹⁷ Pattangajut tussuningit tussalaukpâttit, Nâlegâk; igvit ômattingit ᴋollarungnaitimarikpâttit, siutivît kamagingmagit.

Imgerut 10:17 Iomraidhean Croise

I Kronika 29:18

Nalegak, atâtagijapta Abrahab, Isaakiblo, Israeliblo Gûdingat, inuᴋotivit omatingine taimaitunik issumaᴋartitsitsainalaurit, erᴋarsauteᴋartitsitsainarlutillo isoᴋangitomut, omatingillo torartilaukit illingnut!

II Kronika 29:36

Hiskialo ᴋuviasulaukpok innugasaksuit illunatik illagilugit, Gudib innugasaksuit oppalungaijarlaungmagit, tagvainak pinniartaulaungmat.

II Kronika 30:12

Nalekab aggangita Judakuttauk tikkipait adsigêktunik issumaᴋartimagit, pinniarᴋovlugit attanniub angajoᴋaunerôjullo perᴋojangat, Gudib oᴋausinginit pijok, malliklugo.

II Kronika 34:27

Tamanna pivlugo omattit auksititaumangmat, manigotitilauravillo Gudib sângane, oᴋausingit tussarlaurangne, iglugasaksuit makkoa pivlugit, innungillo pitjutigellugit, manigotitilauravillo sâmne annoraᴋotitit allilaurangne, ᴋugviolauravillo sâmne, tagva uvanga tussarlaurivagittauk, Nalegak oᴋarpok.

Imgerut 102:17

Tâpsoma ᴋemaksimajut tuksiarningit sâvigivait, tuksiarningillo nachogingilait.

Imgerut 145:19

Piniarpok Gûdemik sivôrajut ᴋajungerninginnik, niplianingillo tussarpait ikajorlugillo.

Imgerut 34:15

Nâlekab ijikita idluartut kamagivait, siutikitaklo nipliadlarningit.

Imgerut 37:4

Nâlegak ᴋuviasutigiuk; tâpsoma tunnitsiviginiarpâtit ômattivît tussugijanganik.

Imgerut 9:12

Tâpsoma tapᴋoa aungit erᴋaromangmagit apperᴋutigilaitalo; aklujut niplianingit puigorlungilait.

Imgerut 9:18

Tâpsoma aklujok puigormaringniangimago, pattangajullo neriungninget assioniangilak issoᴋangitomut.

Salomob Okâl 10:24

Gûdeᴋangitub sivôragijangata tikkitsomârpâ; idluartullo tussugijanginik tunnitsivioniarput.

Salomob Okâl 15:8

Gûdeᴋangitut tûnnergutingit Nâlekab makkojugivait, idluitailijulle tuksiarningit ᴋuviagivait.

Salomob Okâl 16:1

Inuk issumaksarsioralloarpok ommatimine, oᴋable oᴋautigijaksanga Nâlekamit pivok.

Jesaiase 65:24

Imaitsomârporlo: niplialerᴋârtinagit kiojomârpunga, oᴋartillugit sulle tussaromârpunga.

Mattêuse 5:3

Piloridlarput aklujut anernerme: nâlegauvik ᴋilangmêtok pigileramitsuk.

Rômiunut 8:26

Taimaktauᴋ sangêniptingne Anernerub ikajorpâtigut. Tuksiarnermik ᴋanoᴋ nâmaktomik nalogapta; Anerneruble nangmineᴋ akkisartorpâtigut anersaumijunut oᴋautaujungnangitunut.

Efêsusemiunut 2:18

Tâpsomûna tamapta apᴋotiksaᴋarapta Atâtamut anernerme atautseme.

Efêsusemiunut 3:12

Tâpsomûna sivôranata apᴋotiksaᴋarapta tatiksaᴋalaptalo, okpernermut tâpsomunga.

Jâkobusib 4:10

Nikanarsâritse Gûdib sângane, tâpsoma tagva angijorortitsomârpâse.

Jâkobusib 4:6

Anginersamigle saimarsaumik tunijidlarpok. Taimaimat aglait oᴋarput: Piojorijut Gûdib akkerartorpait, piojorijuitullo saimauserpait.

I Pêtrusib 3:12

Nâlekab ijîkita idluartut takonârmagit, siutîkitalo tuksiarningit (tussarpait); Nâlekable kênangata (torârpait) idluitulijut.

I Pêtrusib 5:5

Taimaktauᴋ ilipse inôsuktôjose inutoᴋaujut nâleksigik. Ilûnase nâlektigêgitse, piojorijuinermik ataruilititse. Pimariutertut Gûdib akkerartormagit, piojorijuitulle nâpkigivait.