Imgerut 10:16 - Labrador Inuttitut Heritage Bible

¹⁶ Nâlegak attanniotsainarpok issoᴋangitomut; nallojut nunanganit nungutaujomârput.

Imgerut 10:16 Iomraidhean Croise

I Kronika 29:11

Igvit, anginek, pitsartunerlo ânanaunerlo, sâlaᴋarnerlo, ussornarnarnerlo pigivattit. Ilûnaita ᴋilangmêtut nunamêtullo nangminerigangne. Igvit Nalegak nalegaunek pigivat, pôktojovaksôvotit angajoᴋaksoangolutillo ilûnainut.

Imgerut 145:13

Nâlegauvît nâlegauviôvok issoᴋangitok, attanniôtinillo îtsainarpok sorairane.

Imgerut 146:10

Nâlegak attaniôvok issoᴋangitomut, Gûdeotsainarpok illingnut Zion sorairane. Hallêluja.

Imgerut 29:10

Nâlegak iksivalaukpok ullitornivaksoaᴋartillugo, Nâlegarlo attanniovlune iksivajomârpok issoᴋangitomut.

Imgerut 78:55

Aulartilaukpait, tâpkoa sivurngane innuᴋattigêksuillo kingormgutijaᴋartilugillo imeraut malliklugo, taipkoalo iglunginne Israelib kinguvârêngit inneᴋarᴋovait.

Imgerut 9:15

Nallojut kivisimavut ittersame sannalauktamingne; ittiggangit pijauvut nullutjannut ningitilauktamingnut.

Imgerut 9:5

Nallojut suarpâttit, Gudeᴋangitullo toᴋᴋopâttit; attingit nungupattit issoᴋangitomut.

Imgerut 9:8

Tâpsomalo nunamiut erᴋartoromârpait idluartomik, innuillo aulatitsomârpait namaktomik.

Imgerut 93:1

Nalegak attaniôvok, ânanaunelijarlunelo pinarnadlartomik, Nâlegak ânanaunelijarpok, tapseruseruteᴋarporlo pitsartunermik; tamanna pivlugo nunaksoak pallangilak aularanelo.

Exodus 15:18

Nâlegak ataniovok isoᴋangitomit isoᴋangitomut.

Jesaiase 33:22

Nâlegaᴋ erᴋartuijigivavut, Nâlegaᴋ ajoᴋertortigivavut, Nâlegaᴋ attanerivavut; tâpsoma piulivâtigut.

Jeremia 10:10

Nâlagarle Gudeovoᴋ mikseᴋârtoᴋ; Gudeovoᴋ ômatsainartoᴋ, ataniovlunalo issoᴋangitoᴋ; tâpsoma ningaumajârningane nuna sajukpilakpoᴋ, inôᴋatigêksuillo tâpsoma silungninga sappilerpât.

Jeremiab Ogguarutigijangit 5:19

Igville, Nâlegak, soᴋosijuitôvotit; iksivautaᴋsuit kinguvârênit kinguvârênut ipok.

Daniel 4:34

Uvlulli tâpkoa nângmatta uvanga Nebukadnezarib ijîkka arlortipâkka ᴋilangmut, silatuniralo utipoᴋ uvamnut, ᴋotsingnipângojorlo nitorpara, issoᴋangitomullo inôtsainartoᴋ nakorivara opigilugolo; tâpsoma nâliugauninga nâligauniongmat soraiviᴋangitoᴋ, nâligauvingalo kinguvârênit kinguvârênut itsainarmat.

Daniel 6:26

Piᴋojivunga ataniovingma nunangini tamaini inuit sajuktuksaungmatta sivôralutiglo Danielib Gudingata sângani; tâmna Gudeongmat ômajoᴋ, itsainartoᴋ issoᴋangitomut, ataniovingalo assirojuitôvoᴋ, nâligauningalo naggatiᴋarniatsangilaᴋ;

Deuteronomy 8:20

Inôᴋatigêksoatitut, Nâlekab nungutautitangititut sâpsingne, taimak nungutaulârivose, Nâlekab Gûdipse nippinga nâlagomanginapsiuk.

I Timôteusemut 1:17

Gûdele, atanivik issoᴋangitok, nungusuitorlo, takuksaungitorlo silatujotôjorlo nâlengnarsile nakoridlartaulunelo issoᴋangitoksoarmut. Amen.