Imgerut 10:14 - Labrador Inuttitut Heritage Bible

¹⁴ Takkolaukpotit; ᴋannoêtut kappianartullo tautukpâttit; illijaksauvut aggangnut; aklujut perᴋovât illingnut; ikajorteôvotit illiârsungnik.

Imgerut 10:14 Iomraidhean Croise

Genesis 21:17

Tagva Gûdib nukapiab nippinga tussarpâ. Gûdiblo engelingata ᴋilangmit Hagare nipliavigivâ oᴋautilugo: Hagare, suvêt? Sivôraniarnak, Gûdib nukapiab nippinga tussarmago inninganit.

Genesis 31:12

Oᴋautivângalo: Takosarit takovlutillo: angusaluit ilûnatik nergjutinut nuliartut tagva ᴋoppugârtut millaktallo okkileriallo, tamaita takogapkit, ᴋanoᴋ Labanib iliorvigingmattit.

II Samuel 16:12

Imakkâ Nalekab ajulernera takkonârniarpa, pitsiarnermullo akkinniarlunga tapsoma oᴋarnerlotjininga uvlomênitak pivlugo.

II Atannit 9:26

Ahamarik, Nâlegak oᴋalaukpok, Nabotib aunga, erningitalo aungit ikpeksak takkolaukpakka, uvangalo kigluvigijomavagit tamattominga perorsêvingme tamattomane. Taimak tiguleruk manna egilugolo perorsêvingmut tamattomunga, Nâlekab oᴋausingit malliklugit.

II Kronika 24:22

Attanniublo Joasib napᴋoarnek erᴋarlaungila, Jojadab Zachariasib atâtangata pinniarlauktanga tapsomunga; innuarpâle erninga. Toᴋᴋovlunelo oᴋarpok: Nalekab takkova, akkiniarutigivâlo.

II Kronika 6:23

Tagva igvit tussalaurit ᴋillangmit, pinniarlutillo, kivgatillo erᴋartorkit, passijaksak akkiniarlugo piᴋovlutit, agvertarningalo pitilugo niaᴋoanut, idluartorlo idluarnerarlugo piᴋovlutit, tunnitsivigilugolo idluarninga malliklugo.

Imgerut 146:9

Nâlekab tujormitjat sapputivait, illiârsuillo uigarnerillo pattangaitipait, Gûdeᴋangitullo apᴋosininget mumiktipâ.

Imgerut 22:11

Ungasingniarnak uvamnit, kappiasungnek ᴋannidlarmat; mâne ikajortiksaᴋalungimat.

Imgerut 31:8

Unertutiginangalo ômisuktub agganginnut, ittiggakkalo pitipâttit initojomut.

Imgerut 35:22

Igvit Nâlegak takkovet, niplinginiarnak! Nâlegak ungasingniarnangatôk.

Imgerut 55:22

Tussunitit pitikit Nâlekamut, tâpsoma pattangaitiniarpâtit, idluartorlo inilangajuinermêtsainarᴋoniangilâ soraijuitomik.

Imgerut 68:5

Atâtaujok illiârsungnut, idluarsaijôjorlo uigarnernut; Gûdeojok inimine ivsornaitome.

Imgerut 68:6

Gûdeôjok ᴋittorngisuitunnik tunnijijok ᴋittornganik iglungit tattalugit; parngnanairsortaujunnik annitsijok nalliutome idluartome, ᴋemaijuniglo (Nâlekamik) ajoksarnartovingmêtsainarᴋojijok.

Exodus 2:25

Gûdiblo Israêlikut takonârpait isumagivlugillo.

Exodus 22:22

Kapiasuktitsijuksaungilase uigarnerit nallianik, iliarsungmiglônêt.

Exodus 22:26

Tigusiguvit asivit annorânganik tauksiutiksautilugo, utertitaksarivat tâpsomunga seᴋinek nipilerᴋârtinago;

Salomob Okâl 15:25

Nâlekab pingijaitut iglungit imiktitsomârpait, uigarnerillo kiglilervingit soᴋosijuititsomârpait.

Salomob Okâl 15:3

Nâlekab ijingit ilûnanêmiunik tautukput, ilûnainik idluitunnik idluartunniglo.

Jesaiase 10:3

Kanoᴋ illioromavisê sugiartauvingme, asserortauvingme ungasiktomit ᴋaglilertome? Kimut ᴋemâjomavisê piulijaujomavluse? Nertornautigijaselo nane torᴋoromavisigîk?

Jeremia 16:17

Ijîngma tâpkoa apᴋotingit tamaita tautungmatikik; ijertaulungimatta kênamnit, idluituliningillônêt angiarijaulungilat ijimnut.

Jeremia 23:24

Inuk ijertorviksarsijungnarᴋâ uvanga takonianginapkô? oᴋarpoᴋ Nâlagaᴋ. Nâjimalungilangâ ᴋilangmik nunamiglô? oᴋarpoᴋ Nâlagaᴋ.

Jeremia 49:11

Iliarsugijatit taimailingatuinartikit, uvanga pairijomavakka; uigarnerijavillo tatigilinga.

Jeremia 51:56

Asserorsaijûb tikidlarmago tâmna Babilone, pitsartujungit tigujaudlarput, pitiksingit navlorsimavut; Nâlagaᴋ Gudeongmat akkiniartoᴋ, nalonangitomik akkiniaromârpoᴋ.

Jeremiab Ogguarutigijangit 3:59

Nâlegak, takonâlaukpotit idluitulivionimnik, pitjutiga idluarsalauruk.

Jeremiab Ogguarutigijangit 3:60

Takovotit akkiniarutigijanginik uvamnik kajusijutigijanginiglo tamainik uvanga pivlunga.

Hosea 14:3

Assurib piulinialungilâtigut; horsene ablangajomangilagut aggaptalônêt senajanginut oᴋarungnairomavogut: gudigivapse: ilingne iliarsuit nâpkigijauneᴋsingmatta.

Hosea 14:4

Kingupiartorsimaningit inûlijomavakka, ᴋunutuivlunga nagligijomavakka; ningarnera sangumat tâpsomangat.

Joel 3:4

Ilipselo Tiruse, Zidonelo, Filisterillo erᴋât, suksauvisê uvamnût? Akkiniaromavisê uvamnîk? Akkiniaraloarupsingalo uteromalerivunga tuavidlunga erinesuklungalo akkiniarniselo utertitsomavlugo niaᴋupsingnut.

Habakûb 1:13

Igvit ijeᴋartotit ivsornaitoᴋsôjûngnik idluitulinermik takonârungnangitûngnik, nelangainermiglo nâmaksarungnangitûngnik, suna pivlugo nelâgôngitulijut tâpkoa takonârᴋigît, nipangerlutillo idluitulijûb idluarᴋejane êngmago,

Deuteronomy 10:18

Iliarsuit uigarnerillo idluartomik piniarvigivait, takorngartarlo nagligilugo tunitjivigivâ nerᴋiksamik annorâksaniglo.

II Timôteusemut 1:12

Tamannatauk pivlugo taimâk kappiasuktitauvunga; kangusûtigingilarale tamanna; okpervigijara ᴋaujimagapko, nalutsanginivaralo, tâpsoma pigumitâk piksara saputijungnarmago uvluksak imna tikidlugo.

Ebrêerinut 4:13

Pingortitamiglo takuksaungitoᴋangilaᴋ tâpsomunga; ilûnamasiatigle ijersimanatiglo saᴋᴋersimavut ijîkita sângangne; tamanna oᴋautigivavut.

I Pêtrusib 4:19

Taimaimat Gûdib pijomajanga maliklugo âniatitaujut, tarnitik perᴋojaksarivait tâpsomunga, nertornarlune pingortitsijomut, ajungitulilutik.

I Pêtrusib 5:7

Siardlernise tamaita tâpsomunga pitisigik, tâpsoma issumagitsainarmase.

Idluarsaijut 1:7

Tagva Adoni Besek oᴋarpok: Atanit 70 git kippiviomajut kublomingnik aggangine, puttogomingniglo itigangine, kattersoilaukput nerrimârvingma atâne. Sorlo mânna uvanga pinnialaurama, taimak Gûdib akkinniarvigivânga. Atauvorlo Jerusalemut, toᴋolunelo tagvane.