Imgerut 1:3 - Labrador Inuttitut Heritage Bible

³ Tâmma nappârtotun-îpok illijaumajotut kôgut (imiggit) sinânut, paungalertotut nalliunermine; millukattanginniglo kunulerviolungitotut; sannaningillo sullitsiarput.

Imgerut 1:3 Iomraidhean Croise

Genesis 39:23

Pijaksarme nallianiglônêt parngnanairsimaviub angajoᴋânga kamajungnairpoᴋ, Nâlekab aiparingmago, sulijangillo Nâlekab piloriktingmagit.

Genesis 39:3

Angajoᴋângatalo malugivâ, Nâlekab aiparingmago aggangitalo sulijangit taimak Nâlekab piloriktingmagit.

II Atannit 18:7

Nâlekablo aipariva; ilunnanelo namut aivigijamine pillorilaukpok. Assiriamiullo atanningat allârpa nâlegungnailugolo.

I Kronika 22:11

Mânna Nalekab aiparilitit ernîk, sullitsiarᴋovlutit Nalekab Gûdivit igluksanga igluliorlugo piᴋovlutit, sorlo oᴋautigilaungmattit.

I Kronika 22:13

Tagva pilloridlarniarpotit, kamatsiaruvit Gûdib perᴋojangit, idluarijangillo, Nalekab perᴋolauktangit Mosesekut Israelitinut malliklugit pinniarᴋovlutit. Maksoalerit mungotaililutillo, sivoraniarnak, ᴋoaksanganaglo!

II Kronika 31:21

Pinniarnermine tamaine, pinniarnerijamine Gudib iglungane, innatsinelo, perᴋojanelo Gudine ᴋennerlugo; omamut tamânut pinniarpait, sullidlarlunelo.

II Kronika 32:23

Unnuktullo Nalegak pilliutinik âtsivigivât Jerusalemut, Hiskialo Judakut attanningat pivianartunik. Kingornganelo angijolaukpok innuᴋattigêksuit illunatik ijingita sângine.

Hiobe 14:9

Tagva sulle nutaijupsarivok naimanermut immermik, perorsalunelo perorsijaksatut.

Hiobe 22:28

Piniaromajarne tamaine, sulidlarniarpotit, ᴋaumajublo apᴋoserijat ᴋaumarniarpâ.

Imgerut 128:2

Aggakpît sullijangit inogutiksariniarpâttit; pilloringnarmêk igvit, issumanârpotit.

Imgerut 129:8

Sannerᴋotullo oᴋarniaratik: Nâlekab pitsartutitsiningata ᴋollangiarlise, saimausertauᴋovapse Nâlekab attingane!

Imgerut 92:14

Inutoᴋaunermingne sulle perorteromârput, ipteᴋarlutiglo ᴋunulijuitsomârput.

Imgerut 92:15

Oᴋarᴋovlugit Nâlegak idluarmat, ᴋairtorijara, idluineᴋangilarlo tâpsomane.

Jesaiase 27:11

Akkerᴋut pannilerunik navigomârput, arnallo pijartorlugit ikkomaksarivait, nunaᴋatigêt tâpkoa sillaitovaksôngmatta. Taimaimat sanajingata nâpkigijungnangilait pingortitingatalo ajungitullivigivlugit ajorpait.

Jesaiase 3:10

Iduartut oᴋautigisigik, illingatsiarmatta, piniarnerijangita malliktingit inûtigijomâramigit.

Jesaiase 44:4

Iviksukallo akkornganne peroromârput sôrlo ukpigait kôt sinningine.

Jesaiase 58:11

Nâlekablo tassiutsainaromârpâtit, tarnit nerritillugo nuname kângnartolingme saunitillo nakoᴋsitillugit, perorsêviktullo ᴋausertitaumajotut puilaviktullo imeᴋatsainartotut illingajomârpotit.

Jeremia 17:8

Itsomârpoᴋ napârtotut ilimajotut imelingme, issivitsijotut amângminik kôb sanniane, sivôrajariaᴋaromângilaᴋ kiaksoaᴋ tikigaloarpat, millukatangille tungujotsainaromârput; siarkleromângilarlo jâre silaluᴋangitoᴋ tikigaloarpat, saᴋᴋijârtitsijungnairomângilarlo paunganik.

Hesekiel 17:8

Ilijaulauᴋpoᴋ ivjoriktomut imatsiartub seniane, akkerotârᴋovlugo paungatârᴋovlugo vaineliksatalitsiangorᴋovlugo.

Hesekiel 19:10

Anânavit ilingnit adsigiluarpâ vaineliksatalik, imilitsiarmut ilijaumajoᴋ: paungatâdlarpoᴋ akkeroᴋadlarlunelo imeᴋadlarnermut.

Hesekiel 31:5

Tamanna pivlugo perorsêviub napârtunginit tamainit poᴋtonerpaulerpoᴋ; akkeroarsungillo unuksivut, akkerungillo takijororput imaᴋatsiarningata nuitingmagit.

Hesekiel 47:12

Kôblo sinâgingne tamangne perortoᴋaromârpoᴋ napârtunik sunatuinarnik paungalingnik nerrijausûnik, millukatangillo ᴋunoleromângilat, paungangillo katararomângilat; taᴋᴋit tamât paungatâlârput nutânik, imit ivsornaitovingmit pingmatta; paungangillo nerᴋiksaulârput, millukatangillo inûlinalârput.

Numbers 24:6

Naᴋsatitut issivitsiarput, perorsêviktitut kôb seniane, napârtutitut tipitsiariksautiksatitut Nâlekab ilijangititut, napârtutitut Sideretut imit seniane.

Mattêuse 13:6

Seᴋinerle nuingmat, kunorlersârput, amâᴋanginamiglo pannilerput.

Mattêuse 21:19

Napârtomiglo paungatannaᴋarpaktomik apᴋosiniub saniane takkogame, nelipsarpâ; merᴋutuinalik takkogamiuk, oᴋautivâ: Mattoma kingorngane ilingne perortoᴋarniarungnaimarigle paunganik. Napârtorlo paungatannaᴋarpaktok panersârpok tagvainak.

Mattêuse 21:34

Paungalle inilerviat naliutilermat, kivgane tilivait perorsêvilerijunut, paunganginik pilerᴋovlugit.

Mattêuse 21:41

Kiovât: Idluitulijoksuit ukkua toᴋoniarpait, perorsêvinalo perorsêvilerijut assinginut, paunganik ᴋaitsiniartunut, inerviat naliutikpat, pimajauᴋojomârpâ.

Johannese 15:6

Ilumnêtsainangitok egitauniarpok akkerᴋotut, panersârlunelo, katitauniarpullo egitaulutiglo ikomamut, ikoalajuksauvlutik.

Deuteronomy 28:8

Nâlekab saimanartok ilingnôrᴋolârpâ ᴋematulivingne, tamainelo aggakpît isautigijangine; saimartilârpâtit nuname Nâlekab Gûdivît tunijangane ilingnut.

Jûdasib 1:12

Tâpkoa mamaitoᴋsôjut ᴋuviasuluktut nerreᴋatigigangamise iktôratik nerridlarput; nuvujauvut imeᴋangitut, anoremut ingergartitaujut; napârtôvut palliovlutik paungaᴋangitut, maggoertorlutik toᴋungajut, amângerutjaumajut.

Takotitaunermik 22:2

(Iglugasaksuillo) apᴋosiningita ᴋerᴋane kôblo senîgingne tamangne napârtoᴋalaukpok ômanartunik; tâpkoa 12 inik ingmigôlingajunik paungaᴋalaukput, takᴋinelo tamaine nutânik paungaᴋaᴋattarput, napârtullo millukatangit atsuiligutiksauvut nelojunut.