Imgerusersoak 8:1 - Labrador Inuttitut Heritage Bible

¹ ᴋannoktok anniginajarlagit, anânama iviangêgingnik amâmalauktok! Sillame naipinajarupkit, kunniklutit pijungnarajarᴋovlunga, kinamullo mittautigijauᴋonanga.

Imgerusersoak 8:1 Iomraidhean Croise

Imgerut 2:12

Ernek kunnissiuk, ningarᴋonago, nungutauᴋonaselo apᴋome; ningarninga ikkoalasarainiarmat; pilloridlarpulle illunatik tatteartut tapsominga.

Imgerut 51:17

Tunnergutit Gûdib ᴋuviagijangit, annerniôvut serᴋomisimajok; ômamik kappiasuktomik serᴋomisimajomiglo igvit Gûde nachoniangilatit.

Imgerusersoak 1:2

Tapsoma kuniklinga ᴋaningata kunningninganut; naglingnît nâmanersaungmat Weinemit.

Imgerusersoak 7:13

Dudait tippeᴋarput, upkoaptalo sângane perortoᴋarpok pivianartunik sunatuinarnik. Illanâk tamangnik komerguservigilaukpagit, mannanitanik sivurnganenitanniglo.

Imgerusersoak 8:2

Tassioromanajarpagit ittertitsomanajarlutillo anânama iglunganut, ajochertuivigijaksarnut uvamnik; tagvane immertitsomanajarpagit Weineᴋotimnik tauvluᴋutiksalingmik, paungâluillo Granatit iptinginnik.

Jesaiase 60:14

Okkuvlutik tikkitsomârivut illingnut aksorôtijivit erningit, mittautigijitillo illũnatik ittikkavit sângannut pâmakteromârput, taijomârpâtillo Nâlekab iglugasaksoanginik, Zionemik ivlernartitub Israêlikkune pinganik.

Jesaiase 7:14

Taimaimat Nâlekab nangmineᴋ nallunaikutamik tunitjivigijomârpâse. Ahâk, uigasuk singaivoᴋ ernermiglo ernijomârpoᴋ, tâmna Imânuelemik (imaipoᴋ: Gûdib illagivâtigut) atseraromârpâ.

Jesaiase 9:6

Nutarârsuk erniangongmat uvaptingnut, erneᴋ tunijaungmat uvaptingnut; nâlegauninga tuinganẽpoᴋ; atteᴋarporlo: tatamnadlartomik kajusimajomik, Gûdemik pitsartujoᴋsoarmik, Atâtaujomik issoᴋangitomut, Nâlekamik ullapirsaijomik.

Haggai 2:7

Inôᴋatigêksuillo ilûnnaita sajukpilâtitsomârpakka, inôᴋatigêksuillo ilûnatik ᴋilanârijangat tikitsomârpoᴋ, iglolo tamanna ilumilârpara ânanaunersoarmik, oᴋarpoᴋ Nâlegaᴋ Zebaot.

Saggaria 9:9

ᴋuviasudlarit, Zionib pania; ᴋaggudlarit, Jerusalemib pania; Ahâk, atanît ᴋaivok ilingnut: idluarpok ajugauvlunelo; sinaungaidlune, siuterᴋortojome iksivavlune, siuterᴋortojûblo nangmarpaktûb noggangata ᴋânganêdlune.

Mâlaki 3:1

Ahâk, sivorlerijara tilivara, tâpsomalo apᴋutiksaᴋ âᴋiksolârpâ sivunamne: Nâlegarlo, ᴋenertase, tikiaᴋilârpoᴋ katimaviksoaᴋôtiminut: angiᴋatigêngnerub sivorlerijanga, ᴋuviagidlartase, ahâk, tâmna ᴋaivoᴋ, oᴋarpoᴋ Nâlegaᴋ Zebaot.

Lukase 10:16

Ilipsingnik tussartub tussarivânga, ilipsingniglo Nachojûb nachogivânga; uvamnigle nachojûb nachogivâ tiliklertok uvamnik.

Lukase 12:8

Oᴋaupapsele: Uvamnik oᴋausilik inungnut, tâmna Inûb Erningata oᴋautigijomârivâ Gûdib Engelinginut.

Lukase 18:9

Ilangille ajungitônasugijut, assimingniglo nachojut mattominga adsiujomik oᴋautivait:

Lukase 2:38

Tâpsomatauk stundeme taipsomane tikipait, Nâlegarlo nakoridlarpâ, oᴋautigilâllo piulijiksamik utaᴋijunut tamainut Jerusalemêtunut.

Lukase 9:26

Uvamnigle oᴋausimniglo kangusuktok, tâmna Inûb Erningatatauk kangugijomârpâ, tikikune ânanaunermine, Atâtamelo Engelillo ajungitut (ânanauningine).

Johannese 1:14

Oᴋauserlo uviniolerpok, inôᴋatigilutalo, (ânanauningalo takolauᴋpavut, ernetuab Atâtamit pijub ânanauningatut) saimanelijartok, mikseᴋârnelijartorlo.

Johannese 13:3

Jêsuselo ᴋaujimagame, tunitjiviogame tamainik aggangminut Atâtamut, Gûdemillo pilaurame, Gûdemullo ainiarame;

Johannese 16:28

Atâtamit anilaukpunga, pilungalo silaksoarmut; amalo silaksoak ᴋemangniarpara, Atâtamullo ailunga.

Johannese 3:13

ᴋilangmullo ᴋongmuartoᴋangilak, ᴋilangmit akᴋartok kisime, tagva Inûb Erninga ᴋilangmêtok.

Johannese 8:42

Jêsusib oᴋautivait: Gûde atâtagigupsiuk, nagliginajarpapsinga; anilaurama, Gûdemillo pilunga; uvamnik ᴋailaunginama, tâpsoma tilivânga.

I Korintemiunut 1:28

Nachonartullo silaksûb inunginut, nachogijaujullo piungitullo Gûdib anerivait, piojungnaititsomavlugit piojorijut:

Galâtsiamiunut 4:26

Jerusalemele pânêtoᴋ, tâmna kivgaungitoᴋ; tamapta tâmna anânagivavut.

Galâtsiamiunut 6:14

Uvamnille ungasigle nertôtiniarlunga assianik, Nâlegapta Jêsusib Kristusib kikiaktortauvianik kissianik; tâpsomûna silaᴋsoaᴋ kikiaktorsimajotun-ipoᴋ uvamnut, uvangalo silaᴋsoarmut.

Filippimiunut 3:3

Uvagut kipimaniogapta, Gûdemik kivgartortogut anernerme, nertôtivlutalo Kristuse Jêsusemik, uvinik tatiginago.

I Timôteusemut 3:16

Akkerartortaujungnangitomik angijôvoᴋ Gûdemut okpernerub nalonarninga: Gûde uvingme sakᴋijârsimavok, idluartitauvlune anernermigut, takotilune Engelinut, oᴋautigijauvlune nelojunut, okperijauvlune nuname, ᴋongmuartitauvlune ânanaunivingmut.