Imgerusersoak 7:13 - Labrador Inuttitut Heritage Bible

¹³ Dudait tippeᴋarput, upkoaptalo sângane perortoᴋarpok pivianartunik sunatuinarnik. Illanâk tamangnik komerguservigilaukpagit, mannanitanik sivurnganenitanniglo.

Imgerusersoak 7:13 Iomraidhean Croise

Genesis 30:14

Kaᴋᴋojaksat kattersortauviata nalliuningane Ruben pissukkame, aᴋpiujat nagvârpait natername, angerautivlugillo anânaminut Leamut. Rahelelo oᴋarpoᴋ Leamut: Ernerpit aᴋpiujaᴋotingita illanginik peᴋarlangatôᴋ.

Imgerusersoak 2:3

Nappârtotut paungâluliktut nappartotuinait akkorngane, taimaipok illanârijara, ernerit akkorngane. Iksivavunga tâpsoma tachaliningane kêmitivigijama, paungâlungillo ᴋillamnut mamakput.

Imgerusersoak 4:13

Perortitatit perorsêviktut ᴋuvianadlartotut paungâluliktut Granatinik perortuniglo pivianartunik Ciperinik Nardinniglo iput;

Imgerusersoak 4:16

Makkitarit attuarnek, ᴋailutillo uarngnerluak annordlerlutillo perorsêveᴋotipkut, tauvluᴋutingit kusserᴋovlugit.

Imgerusersoak 6:11

Kaujimalaungitunga ᴋillanârnima ikkitingmanga inugasaksuit angajoᴋangita aksalloaleᴋotinginnut.

Imgerusersoak 8:1

ᴋannoktok anniginajarlagit, anânama iviangêgingnik amâmalauktok! Sillame naipinajarupkit, kunniklutit pijungnarajarᴋovlunga, kinamullo mittautigijauᴋonanga.

Jesaiase 23:18

Niuviangille piksarsiangillo tunergutaujomârput Nâlekamut; ᴋematullivingmut illijaujomângilat torᴋortaunatiglo, Nâlekable sângane inôjut pijomârput niuvianginik, nerᴋiksaᴋarᴋovlugit nãmaktomik annorâtsiaᴋarᴋovlugillo.

Mattêuse 13:52

Tagva oᴋautivait: Tamanna pivlugo aglangnik ilisimajut naliat, nâlegauvingmik ᴋilangmêtomik ilisimajoᴋ, angajoᴋâtut, perᴋuteᴋarvingminit nutâniglo nutaungituniglo sakᴋertitsijotun-ipok.

Mattêuse 25:40

Nâlekablo kioniarpait oᴋautivlugillo: Âhamarik oᴋaupapse: Ukkua ᴋatangutima mikinerojut ilangat sumik pitinapsiuk, tamattominga uvanga pilaukpapsinga.

Johannese 15:8

Tamakutigûna Atâtaga nertortauniarpok, paungaᴋarnialerupse unuktunik, ilinniarteolerluselo uvamnut.

I Korintemiunut 16:2

Sabbatine tamaine ilûnase atunit ilijititse ilipsingne, ᴋapsinik katersoiniarluse issumapsingnik tujûtiksanik; katersortaujariaᴋarᴋonagit tikikuma.

I Korintemiunut 2:9

Sorlole aglaksimangmat: Ijib atautsiblônêt takolaungitanga, siutiblo atautsiblônêt tussalaungitanga, inûblo atautsiblônêt ômatingata issumagilaungitanga, tamanna Gûdib âkiksulaukpâ nagliktiminut.

Efêsusemiunut 5:9

Arvertaritse ᴋaumajub ᴋitorngangititut. Anernerub perortitangit tamadsa: Sunatuinarnik ajungituliniarneᴋ, idluarnerlo, mikseᴋârnerlo.

Filippimiunut 1:11

Idluarnerub perortitanginik ilumertauluse, Jêsuse Kristusikut (ilupsingne) pijunik, Gûde nertortauᴋovlugo nakoridlartauᴋovlugolo.

Kolossamiunut 3:17

Tamaitalo piniarnise, oᴋarangapselônêt piniarangapselônêt, ilûnaita piniarsigik Nâlekab Jêsusib atingane, ᴋujalivluselo Gûdemik Atâtamiglo tâpsomûna.

I Pêtrusib 4:11

Oᴋâlajoᴋarpat, Gûdib oᴋausingititut oᴋâlatigivlugit pile. Kivgartortoᴋarpat, Gûdib tunijanga ajungijutigilugo piniarle. Gûde piniarnernut ilûnainut nertortauᴋovlugo Jêsuse Kristusikut; tâmna nertortaule pitsartunerôlunelo issoᴋangitomit issoᴋangitomut. Amen.