Imgerusersoak 6:10 - Labrador Inuttitut Heritage Bible

¹⁰ Attersârsimavunga perorsêvingmut nappârtolingmut Nusseliksanik, takkojomavlugo tungojoktak kôb sanniane, takkojomavlunga nappârtok Weineliksak nuvugolâtârmangât, paungâluillo Granatit nuvugolâᴋarmangâtta.

Imgerusersoak 6:10 Iomraidhean Croise

II Samuel 23:4

Uvlâb ᴋaumaningatut itsomârpok, seᴋᴋinek uvlarme nuilertillugo nuvujakangipat, sillalungnerub kingorngane ᴋaumadlarnermut iviksukat nuilerpatta nunamit.

Hiobe 11:17

Inôtsivillo nelliuninga ᴋaumanersauvlune nuilerajarpok uvlub ᴋetterarninganit; târnerlo uvlângolerajarpok ᴋaumadlartok.

Hiobe 31:26

ᴋaumajok takkonârlaukpigo ᴋaumaidlalaurangat; takkerlo angmalokitaulaurangat?

Imgerut 14:5

Tagvane erksivut; Gûde idluartut kinguvarênginêmat.

Salomob Okâl 4:18

Idluartulle apᴋotingat ᴋaumanerub keblarningatut ipok, sivumuartotut, ᴋaumaksaijotullo uvlok soᴋosijuitok tikkilugo.

Imgerusersoak 1:15

Ahâk, illanâra (arnaujotit) ânanaudlarpotit; ilâ ânanauvotit, ijikik Taubit ijingititut îpuk.

Imgerusersoak 3:6

Kinauva tâmna (arnak) majorartok sunaᴋajuitomit, isserluktut ᴋongmualuatsiartotut, isserluktut Mirrinit Weirauchemillo âniasiusiortiblo serᴋallijanginnit sunatuinarnit pijotut?

Imgerusersoak 6:4

Ijikik allartikik uvamnit, tâpkoa sâlagingmanga. Nujatit tuktungajutitut kattimgajutitut, majoartutitut Gileademe iput.

Imgerusersoak 8:5

Kinauva tâmna majorartok sunaᴋajuitomit, egangajorlo illanârijaminut? Nâppartub paungâluliksab attâne tuppaksarlaukpagit, anânavit ernivigilauktangane illingnik, erniarilauktivit ernivigilauktangane illingnik.

Jesaiase 58:8

(Taimailioruvit), ᴋaumartiksat allakkaromârpoᴋ ᴋaub aupalungningatut, ikkillo mammisaraitsomârpoᴋ, idluarnit sivunikkut ingergajomârpoᴋ, Nâlekablo nertornartoᴋsôninga kingunikkut malligomârpoᴋ.

Jesaiase 63:1

Kina una Edomemit aggertoᴋ, aupaluktanik annorâlik, Bosramit pijoᴋ? una pinarnartoᴋsoarnik annorâlik, arvertartoᴋ ajugaᴋangitôjotut? Uvangauvunga idluarnermik oᴋâlajunga piuliklerungnartotôvlungalo.

Hosea 6:5

Tamanna pivlugo nalautaijutigut ulimârpakka, ᴋanermalo oᴋausinginut toᴋopakka; erᴋartuinikkalo nuivut ᴋaumajotut.

Mâlaki 4:2

Ilipsingnulle attimnik sivôrajunut nuijomârpoᴋ idluarnerub seᴋininga, inûlinartunik esarolik; anijomârposelo ᴋiggertarluselo noggaktitut tuktuvaᴋautimit pijutitut.

Mattêuse 13:43

Idluartulle seᴋinertut ᴋaumatigijomârput Atâtamik nâ. legauviane. Tussâjungnik siutelik tussarle.

Mattêuse 17:2

Ananausijauvorlo sângane, kênangalo seᴋinertut ᴋaumatigilerpok, annorângillo ᴋaᴋorsidlarput ᴋaumaneᴋtut.

Rômiunut 8:37

Tamakkoale tamaita atorlugit ajugauluarpogut uvaptingnik nagligosuktokut.

Efêsusemiunut 5:27

Ingminut pititsomavlugit illagêt ânanaujut, ivsornartoᴋangitut, imulloᴋangitullo, taimaitomiglônêt assianik peᴋangitut, ivsornaiᴋovlugille pidlaraksausuerlutik.

Takotitaunermik 1:16

Talerpingminullo uvloritjat 7 it tigumiarpait, ᴋaninganillo anijoᴋarpok saviksoarmik ipiktoksoarmik, igluktut kênalingmik, kênangalo seᴋinertut ᴋingarnartotut ᴋaumaridlarpok.

Takotitaunermik 10:1

Engelemiglo assianik sôngojoksoarmik takovunga, ᴋilangmit aᴋᴋartomik; tâmna nuvujamik annorârsimavok, ajagutaᴋaporlo niaᴋungane, kênanga seᴋinertun-ipok, itigangillo sukatitut ikomaliktitun-iput.

Takotitaunermik 12:1

Kilangmelo nelunaikutaᴋsoak sakᴋerpok: Arnak seᴋinermik annorârsimajok, takᴋerlo itigangita atânêtok, niaᴋominelo niaᴋôteᴋarlune uvloritjanik 12 nik.

Takotitaunermik 21:23

Iglugasaksuillo seᴋinermut takᴋermullônêt ᴋaumarsartaujariaᴋangilat; Gûdib ânanauningata ᴋaumartingmagit, Saugârsuglo ᴋaumautigivât.

Takotitaunermik 22:16

Uvanga Jêsuseojunga Engeliga tililaukpara tamakkoninga kigligiutsivigiluse perᴋovlugo illagêktunut (ilingajuksanik). Dâvidib amârivlungalo kinguvârivânga, uvloriangojunga ᴋausiut ᴋaumaridlartok.

Takotitaunermik 22:5

Tagvane unnuaᴋarniangilak, ᴋaumajutiksamiglo seᴋiniublônêt ᴋaumaninganik pijariaᴋarnianginivut, Gûdib Nâlekab ᴋaumarsarniarmagit, ataniotijomârpullo issoᴋangitomit issoᴋangitomut.