Imgerusersoak 5:4 - Labrador Inuttitut Heritage Bible

⁴ Illanârijamale aggane nuitatipait killakut, timimalo sajugutigivait.

Imgerusersoak 5:4 Iomraidhean Croise

Genesis 43:30

Josefelo anisârpoᴋ, illumigut nukane nagligidlaramiuk, ᴋeaviksarsiorlunelo sinigvingminut iterpoᴋ ᴋealarmelo tagvane.

Genesis 7:11

Noa jâreᴋarmat 600nik, taᴋᴋerub aipangata uvlungita sepasenangane, uvlorme tamattomane ittinersûb puilavingit ilûnatik aitangalerput ᴋilaublo igalângit ilûnatik angmalerput.

I Atannit 3:26

Tagva arnak tamna ernelik inôjomik, oᴋarpok atannermut, (omatinga ilûnngertudlalermat ernine pivlugo): Nâlegâk sorruksek inôvlune tunnisiuk tapsomunga, toᴋoniarasiuglo. Arnâgle aipanga oᴋarpok: Uvamnullonêt illingnullonêt illinganiarnago, aviktaule.

Imgerut 110:3

Sâlaᴋarnivît uvloksoangane inuᴋotivit malligomârpâtit ᴋunnutuidlutik, ânanausijaunelijarlutik ivsornaitomik. Inûtsûᴋotitit tikkilerput illingnut mitsuksoaktut ᴋaub aupalungningata sânganit sorlo.

Imgerusersoak 1:4

Amualaunga illingnut, tagva akpangerpogut. Attanniub tassiorpânga aiparuseᴋotiminut. ᴋuviasukpogut serrilutalo pivlutit; naglingnît issumaginersarivavut Weinemit. Idluitailijut nagligivâtit.

Jeremia 31:20

Efraim ernerivigo erdlingnartôᴋ? Kitorngauvâ ᴋuvianartôᴋ? Suadlarlugo oᴋarvigijarangapko, sulle nagligilugo erᴋaumavara; tamanna pivlugo iluga aulavoᴋ tâmna pivlugo; nâpkigijomadlarpara ila, oᴋarpoᴋ Nâlagaᴋ.

Apostelit Piniarningit 16:14

Arnarlo Gûdemik opigosuktok, Lîdiamik atilik, niuverte aupaluktanik (annorânik), Tiatîramiut iglugasaksoanginit pijok, nâletsiarpok; tâpsoma ômatâ Nâlekab angmarpâ, Paulusib oᴋausingit kamagitsiarlugit.

II Korintemiunut 8:16

Gûdele ᴋujagiviktaule, Titûsib ômatâ taimâk ilungertortingmago pivluse.

Filippimiunut 2:13

Gûde tagva pititsijoᴋ ilupsingne pijomanermiglo nâmaksititsinermiglo, idluarijane pitjutigilugo.