Imgerusersoak 5:13 - Labrador Inuttitut Heritage Bible

¹³ Ulloagik perorsêviârsuktitut, mingoarutiksanik tippitsiariktunik perorviojutitut ipûk. Kangasinâgik paunaujaujartotut Mirrinik kussertotut ipûk.

Imgerusersoak 5:13 Iomraidhean Croise

Imgerut 27:4

Attausek ᴋennuarivara Nâlekamit, pijomadlartara; Nâlekab iglunganêtsainarungnarᴋovlunga, Nâlekab innerᴋonarninga tautuklugo, Tempeleᴋotingalo ᴋemergolugo.

Imgerut 45:2

Igvit ânanaunerpangôjotit Inuit ᴋittorngangita akkorngane, pitsiarnek kovijaumavok kangasinângnut; tamanna pivlugo Gûdib saimartipâtit issoᴋangitomut.

Imgerut 45:3

Saviksuit tapseruserutigiuk makkitikut angutaudlartotit, pinnanarsitilutillo ânanâmik;

Imgerut 89:15

Pillorikput innuᴋattigêksuit igiaᴋomijarungnartut. Nâlegak, arvertarniarput kênavit ᴋaumaningane.

Imgerusersoak 1:10

Ulloakik takkoranidlarpuk ujaralijarlutik pivianartunik, ᴋongesillo ᴋellaumgujalijarlune Goldeojunik.

Imgerusersoak 1:16

Ahâk illanâra ânanauvotit takkoranidlarlutillo. Inangavivut tungojoksilerpok.

Imgerusersoak 2:1

Nuvugulangovunga Saroneme, paunaujaujartôlungalo naksarme.

Imgerusersoak 3:6

Kinauva tâmna (arnak) majorartok sunaᴋajuitomit, isserluktut ᴋongmualuatsiartotut, isserluktut Mirrinit Weirauchemillo âniasiusiortiblo serᴋallijanginnit sunatuinarnit pijotut?

Imgerusersoak 4:11

Kangasinâkik, nulliaksâk, kusserpûk igupsaujârtut orksungita ingninganik; igupsaujârtut orksungat imuglo oᴋavit attânêpûk. annorâkpillo tippingat Libanonib tippingatut ipok.

Imgerusersoak 5:5

Tagva makkilaukpunga illanârijara upkoêrutijomavlugo; aggakka kussilaukput Mirrinik, Mirrillo kôlerput aggamnit pallangairuserviub sanneroanganut.

Imgerusersoak 6:2

Illanarijara pigivara, tâpsomalo pigivânga, paunaujaujartut akkornganne nerrijub.

Jesaiase 50:4

Nâlekab Gûdib tunitjivigivânga oᴋamik illisimajomik, ᴋaujerᴋovlunga merngortortut maksoatillugit oᴋautsitigut. Kaut tamât angmartipânga, siutiga angmartillugo, illiniartotut tussarᴋovlunga.

Jesaiase 50:6

Tunnuga manivara annaulerniktunut, ulluâkkalo umingnik nussuksijunut, kênara ijertorlungilara mittautautillunga ᴋetserartautillungalo.

Lukase 4:22

Ilûnatiglo kigligiutjivut tâpsominga, oᴋausingillo tussarnertut ᴋaninganit anijut tataminiarivait, oᴋarlutiglo: Jôsefib tâmna erneringilaûk?

Takotitaunermik 21:23

Iglugasaksuillo seᴋinermut takᴋermullônêt ᴋaumarsartaujariaᴋangilat; Gûdib ânanauningata ᴋaumartingmagit, Saugârsuglo ᴋaumautigivât.