Imgerusersoak 5:1 - Labrador Inuttitut Heritage Bible

¹ ᴋaivunga najâk nulliaksâklo, perorsêviᴋotimnut. Mirreᴋotikka, tauvluᴋutiksaᴋotikka illagallugit nappilaukpakka; orksuᴋotimalo ingninga, igupsaujârtunit orksuᴋotiga illagallugo nerrilaukpara, Weineᴋotigalo immuᴋotiga illagallugo immilaukpara. Nerrileritse nagligijakka, immerluselo illanârijakka nâmaksilerluselo.

Imgerusersoak 5:1 Iomraidhean Croise

Genesis 37:25

Ingilerpullo nerriniarlutik. Takosaramik, takovait inugasait Ismaêliterit Gileademit tikkitut kamêleᴋotingillo tauvluᴋutinik mingoarutiniglo kutsuniglo nangmartut; ingergavut Egiptenemut akjartorlugit.

Imgerut 147:11

Nâlekab sivôragijine ᴋuviagivait, pitsiarninganik sungertuteartut.

Imgerut 16:3

Ivsornaitut nunamêtut, ânanausijaujullo, tâpkoa illunaita ᴋuviagivakka.

Salomob Okâl 24:13

Ernîk igupsaujartut orksuanik nerrilerit, ajungimat, igupsaujartullo orksoat ingninga mamadlarpok ᴋanerpit ᴋilanganut.

Salomob Okâl 9:5

ᴋaileritse, ᴋakᴋojaᴋotimnillo nerrileritse, Weinemillo nâmaksitilauktamnit immileritse.

Okaluktok 2:5

Perorsêvingnik sennalaukpunga uvamnut, perorsêvingnik ᴋuvianartunik, illijilungalo tagvunga napârtunik pitsornartunik sunatuinarnik;

Imgerusersoak 1:13

Illanârijara kippitatut Mirriojotut, iviangêngma akkornganêtsainartotut ipok uvamnut.

Imgerusersoak 4:16

Makkitarit attuarnek, ᴋailutillo uarngnerluak annordlerlutillo perorsêveᴋotipkut, tauvluᴋutingit kusserᴋovlugit.

Imgerusersoak 4:8

ᴋailutit aiparilaunga nulliaksara, Libanonemit, aiparilaunga Libanonemit. Tamaunga nangeriartorit poktojomit Amanamit, poktojomit Seniremit, Hermonemillo, Loevit iglunginnit, Leopardit ᴋakᴋanginnit.

Imgerusersoak 6:11

Kaujimalaungitunga ᴋillanârnima ikkitingmanga inugasaksuit angajoᴋangita aksalloaleᴋotinginnut.

Imgerusersoak 6:2

Illanarijara pigivara, tâpsomalo pigivânga, paunaujaujartut akkornganne nerrijub.

Imgerusersoak 8:1

ᴋannoktok anniginajarlagit, anânama iviangêgingnik amâmalauktok! Sillame naipinajarupkit, kunniklutit pijungnarajarᴋovlunga, kinamullo mittautigijauᴋonanga.

Imgerusersoak 8:13

Nunaᴋartotit (nulliaksara) perorsêvingne, illaujut nippît tussarnârpât, tussalaulago!

Jesaiase 23:18

Niuviangille piksarsiangillo tunergutaujomârput Nâlekamut; ᴋematullivingmut illijaujomângilat torᴋortaunatiglo, Nâlekable sângane inôjut pijomârput niuvianginik, nerᴋiksaᴋarᴋovlugit nãmaktomik annorâtsiaᴋarᴋovlugillo.

Jesaiase 5:1

Imgerut mãna attorlago illannâra pivlugo, illannâma imgerutinga perorsêvinga vaineliksatalik pivlugo! Illannâra perorsêviᴋarpoᴋ vaineliksatalingmik ᴋaᴋᴋame ivjoriktome.

Jesaiase 51:3

Nâlekab Zione manigormago, nunangit asserorsimajut tamaita âᴋiklugit, perortoᴋangitoᴋ Edenetut illingatillugo naternarlo Gûdib perorsêviatut; tagvane serrijoᴋaromârpoᴋ ᴋuviasuktuniglo, ᴋujalitiksaniglo nertordlerutiksaniglo imgertunik.

Jesaiase 53:11

Tarnime siorniorninga pivlugo nãmaksititaunerminik takojomârpoᴋ, illitarᴋsinerminullo kivgama tâpsoma idluartotôjub unuktoᴋsuit idluarsititsomârpait, ajorningit pêjaramigit.

Jesaiase 58:11

Nâlekablo tassiutsainaromârpâtit, tarnit nerritillugo nuname kângnartolingme saunitillo nakoᴋsitillugit, perorsêviktullo ᴋausertitaumajotut puilaviktullo imeᴋatsainartotut illingajomârpotit.

Jesaiase 61:11

Sôrlo nunab perorsiaksat perortingmagit, sôrlolo perorsêviub karngasortaumajut nuilertingmagit, taimaktauᴋ Nâlegaᴋ Gûde nuilertitsijomârpoᴋ idluarnermik nertornautiksamiglo nallojut illûnamatsiatik takkoanne.

Jesaiase 65:13

Tamanna pivlugo Nâlegaᴋ Gûde oᴋarpoᴋ imâk: Ahâk, kivgakka nerrijuksauvut, illipsele kâktuksauvose; ahâk, kivgakka imertuksauvut, illipsele imeruktuksauvose; ahâk, kivgakka ᴋuviasuktuksauvut, illipsele kangusuᴋtuᴋsauvose.

Jesaiase 66:14

Takojomârpose ômatiselo ᴋuviasugomârput, sauniselo iviksukatitut nutângortitaujomârput. Tagva Nâlekab aggangit mallungnarsijomârput tâpsoma kivgangine, ningaumajârningale tâpsoma ômigijingine.

Mattêuse 25:40

Nâlekablo kioniarpait oᴋautivlugillo: Âhamarik oᴋaupapse: Ukkua ᴋatangutima mikinerojut ilangat sumik pitinapsiuk, tamattominga uvanga pilaukpapsinga.

Lukase 12:4

Oᴋaupapsele ilannârijakka: Erᴋsiginiarasigik timinik toᴋotsijut, kingornganelo sumik piniarungnarungnaitut.

Johannese 3:29

Nuliaksalik uiksauvoᴋ, uiksable ilannârijingata nangerdlunelo naipertorpâ, ᴋuviasudlarporlo uiksab nipinganik. Tamanna ᴋuviasungnera nâmaksilerpok mâna.

Apostelit Piniarningit 11:29

Iliniartulle ilûnatik kajusivut, pimingnit tujoromavlugit ajungitamingnik ᴋatangutigêt Jûdêamêtut.

Efêsusemiunut 5:18

Tallaniaraselo vainetornermut; tamanna idluangilutaungmat, Anernermigle ilumertauleritse;

Takotitaunermik 22:17

Anernerlo nuliaksarlo oᴋarpuk: ᴋait! Tamatttomingalo tussartok oᴋarle: ᴋait! Imeruktorlo ᴋaile, pijomajorlo imermik ômanartomik pile akkeᴋangitomik.

Idluarsaijut 14:11

Takogamitsuglo illaᴋartipât tapsomanetuksanik 30 ginik.

Idluarsaijut 14:20

Simsonible nulianga tunnijaulaukpok tapsoma aiparilauktangita illanganut, ilannârijatut attorlauktaminut.