Imgerusersoak 4:3 - Labrador Inuttitut Heritage Bible

³ Kangasinâkik ᴋellarutiksatut aupaluktotut ipûk, oᴋâlanîllo tussarnidlarpok. Ulluakik paungâlub Granatib ᴋoppangatut ipûk mattummiutapit tunuani.

Imgerusersoak 4:3 Iomraidhean Croise

Genesis 32:10

Nalopᴋotijutigivakka pitsiarnerit tamaita nertornarnerillo tamaita kivgarnut saᴋᴋertitatit. Jordane una ikârapko, ajaupiara pituarivara, mânale kattimajut magguit pivakka.

Esra 9:6

Oᴋarlungalo: Gudiga, kangusukpunga, illerasuklungalo uilunga illingnut Gudiga; idluitullinivut aglisimangmatta niaᴋupta ᴋollangittigut, passijaksaunivullo angijovaksôvok ᴋillangmut toklune.

Imgerut 119:13

Kangasinâmnut ᴋannerpit idluarijangit tamaita unipkautigijomavakka.

Imgerut 37:30

Idluartub ᴋaningata illissimanek oᴋarutigivâ, oᴋangatalo idluarnek ajochertutigivâ.

Imgerut 45:2

Igvit ânanaunerpangôjotit Inuit ᴋittorngangita akkorngane, pitsiarnek kovijaumavok kangasinângnut; tamanna pivlugo Gûdib saimartipâtit issoᴋangitomut.

Salomob Okâl 10:13

Silatôjub kangasinâgingne ilisimanek naipitauvok; silaituble ᴋemerdlunganut issakaut ilingajuksauvok.

Salomob Okâl 31:26

ᴋanine angmarpa ilisimaneᴋarlune, ôkanganelo ajuᴋertuseᴋarpok tussarnidlartunnik.

Imgerusersoak 1:5

ᴋernertauvunga, innerᴋonadlarlungale, illipse Jerusalemib paningit, Kedaremiut tuppingititut, Salomob tullerarangititut.

Imgerusersoak 4:11

Kangasinâkik, nulliaksâk, kusserpûk igupsaujârtut orksungita ingninganik; igupsaujârtut orksungat imuglo oᴋavit attânêpûk. annorâkpillo tippingat Libanonib tippingatut ipok.

Imgerusersoak 5:13

Ulloagik perorsêviârsuktitut, mingoarutiksanik tippitsiariktunik perorviojutitut ipûk. Kangasinâgik paunaujaujartotut Mirrinik kussertotut ipûk.

Imgerusersoak 5:16

Kaninga mamaksauteôvok innerᴋonamariklune. Taimaitôvok nagliktanâra, illanâra taimaitôvok, Jerusalemib paningit illipse.

Imgerusersoak 6:7

Arnat attanniojut 60-iuvut, pannervgallo 80-iuvut, uigasuillo kittiksaungilat.

Imgerusersoak 7:9

ᴋillaillo ilerle Weinetut idluarnerpaujotut illanârijamnut imernerijaujotut, sinniktunniglo kangasinâᴋartitsijotut oᴋarungnartunik.

Hesekiel 16:63

Erᴋaiᴋovlutit kangusuᴋovlutillo, oᴋausiksairutiᴋovlutit kangusungnit pivlugo; issumagijungnaivigigupkit tamainik piniarnerijarnik, oᴋarpoᴋ Nâlegaᴋ Nâlegaujoᴋ.

Leviticus 14:4

Ajoᴋertuijok tigusiᴋojijuksauvok sujungaititaksak pivlugo tingmiângnik maggûngnik ômajûngnik ivsornaitûngnik, ᴋejungmiglo Sideremik, aupaluktamiglo (merᴋolingmik), isupeniglo (ᴋesertutinik);

Leviticus 14:6

Tingmiarlo ômajok tigujaksarivâ, ᴋejuglo Sidere, aupaluktorlo, isupelo, misuklugillo, tingmiak ômajok ilagilugo, tingmiab toᴋotaulauktûb imiub ômanartûb ᴋolâne, aunganut;

Numbers 19:6

Ajoᴋertuijorlo tigusijuksauvoᴋ ᴋejungmik Sideremik, isupiniglo (ᴋesertutinik), aupaluktamiglo (merᴋolingmik), egilugillo tuktuvangmut ôtitaulertomut.

Numbers 4:8

Tâpkoalo ᴋânganut issivitsijuksauvut ulingmik ᴋablunâᴋtajamik aupaloriktomik, tâmnalo ulingmilugo ulingmut ᴋabvit aminginit senasimajomut; akkigautîgiglo ilijaksarivakit.

Mattêuse 12:35

Inuk ajungitok ajungitunik sakᴋertitsivok ômatime tattatjutinginit ajungitunit; inuglo piungitok piungitunik sakᴋertitsivok ômatime tattatjutinginit piungitunit.

Lukase 4:22

Ilûnatiglo kigligiutjivut tâpsominga, oᴋausingillo tussarnertut ᴋaninganit anijut tataminiarivait, oᴋarlutiglo: Jôsefib tâmna erneringilaûk?

Efêsusemiunut 4:29

Oᴋausilungmik ᴋanipsigut anitsitailileritse, idluartomigle oᴋauseᴋarniaritse âᴋiksûtiksamik pijariaᴋartune, tussartune tussarominartomik.

Kolossamiunut 4:6

Tussarominartunik oᴋauseᴋatsainaritse tarêrsimajunik; ilûnainut kiojariaᴋarnipsingnik nalunginiarᴋovluse.

Ebrêerinut 9:19

Môsesib perᴋojat perᴋojijut tamaita atuarêramigit inungnut ilûnainut, nochaublo angusallublo aunginik tigusilerpoᴋ, imermiglo, merᴋuniglo aupaluktanik, serᴋerautimiglo tamakkonungalo aglait inuillo tamaita serparsarpait;

Josua 2:18

Kainiarupta nunamut, aklunaglo aupaluktak una ningitijutigijet uvaptingnik kellaksorlungikungne igalangmut, kattitilungikungnelo iglungnut, atâtat anânallo, ᴋattangutitillo, atâtavillo iglomiokottingit illunaita.