Imgerusersoak 4:11 - Labrador Inuttitut Heritage Bible

¹¹ Kangasinâkik, nulliaksâk, kusserpûk igupsaujârtut orksungita ingninganik; igupsaujârtut orksungat imuglo oᴋavit attânêpûk. annorâkpillo tippingat Libanonib tippingatut ipok.

Imgerusersoak 4:11 Iomraidhean Croise

Genesis 27:27

Sâvigivâ tagva kuniklugolo. Annorângitalo tippingat naigamiuk, saimauserpâ oᴋarlunelo: Ahâk, ernima tippinga naternab tippingatun-ipoᴋ, Nâlekab ânanausijangata.

Imgerut 19:10

Pivianarnersauvut Goldemit, unuktunnillo Goldenit illaᴋangitunnit; mamarnersauvut igupsaujârtut orksunginnit, tâpkoalo orksungita ingningenit.

Imgerut 45:8

Annorâtit illunatik Mirreôvut, Alloeôlutiglo, Kezeaôlarmiglo; igloksuit illuanit, Elefantit tôganginnit sannamajut, attornermut noakseralingnik ᴋuviasuktitauvotit.

Imgerut 92:13

Illijaumajut Nâlekab iglungane, Gûdipta iglorusingine tungojoksijomârput.

Salomob Okâl 16:24

Oᴋâlanerit tussarnertut igupsaujartut orksuatut-iput, tarne manigorpât, saunillo nekkoksitipait.

Salomob Okâl 5:2

Issumaksarsiornermik ajungitomik ivlirserᴋovlutit, kangasinâkiglo illitarksinermik udsertorᴋovlugik.

Salomob Okâl 5:3

Anguniarpaktub kangasinâgik igupsaujartut orksuanik Kussertoᴋarpuk, ᴋilangalo piangnersauvok orksumit;

Imgerusersoak 4:10

Ananaudlarmêk naglingnît, najâk nulliaksâklo! Naglingnît nâmanersauvok Weinemit, mingoaruteᴋotivillo tippingata tauvluᴋutiksat tamaita pitikipait.

Imgerusersoak 4:3

Kangasinâkik ᴋellarutiksatut aupaluktotut ipûk, oᴋâlanîllo tussarnidlarpok. Ulluakik paungâlub Granatib ᴋoppangatut ipûk mattummiutapit tunuani.

Imgerusersoak 5:1

ᴋaivunga najâk nulliaksâklo, perorsêviᴋotimnut. Mirreᴋotikka, tauvluᴋutiksaᴋotikka illagallugit nappilaukpakka; orksuᴋotimalo ingninga, igupsaujârtunit orksuᴋotiga illagallugo nerrilaukpara, Weineᴋotigalo immuᴋotiga illagallugo immilaukpara. Nerrileritse nagligijakka, immerluselo illanârijakka nâmaksilerluselo.

Imgerusersoak 5:13

Ulloagik perorsêviârsuktitut, mingoarutiksanik tippitsiariktunik perorviojutitut ipûk. Kangasinâgik paunaujaujartotut Mirrinik kussertotut ipûk.

Imgerusersoak 7:9

ᴋillaillo ilerle Weinetut idluarnerpaujotut illanârijamnut imernerijaujotut, sinniktunniglo kangasinâᴋartitsijotut oᴋarungnartunik.

Jesaiase 7:15

Immub orᴋsuanik igupsaujârtullo orᴋsunginik nerrijomârpoᴋ, ajorungnailerune idluitoᴋ nachogivlugo, idluartoᴋ annerivlugo.

Hosea 14:2

Oᴋausikka neksarsigik, uteritselo Nâlekamut, oᴋautisiuk: Ajornerit tamaita pêjalaukit, saimarsartigullo; taimaglo tunitjijomavogut ᴋangasinâpta paunganginik.

Ebrêerinut 13:15

Sorairata tagva Gûde âtsivigilavut tunergutinik nertordleruinik tâpsomûna, tagva oᴋautsinik nertordlertunik ᴋangasinângnit pijunik, attinganik kigligiudsijunik.