Imgerusersoak 1:2 - Labrador Inuttitut Heritage Bible

² Tapsoma kuniklinga ᴋaningata kunningninganut; naglingnît nâmanersaungmat Weinemit.

Imgerusersoak 1:2 Iomraidhean Croise

Genesis 29:11

Jakoblo Rahele kunikpâ, niplerlunelo ᴋeavoᴋ.

Genesis 45:15

Katangutinelo tamaita kunikpait ᴋeavigivlugillo, kingornganelo ᴋatangutingita oᴋarᴋatigivât.

Imgerut 2:12

Ernek kunnissiuk, ningarᴋonago, nungutauᴋonaselo apᴋome; ningarninga ikkoalasarainiarmat; pilloridlarpulle illunatik tatteartut tapsominga.

Imgerut 36:7

Pitsiarnît ila ivlernartoksôvok Gude, Inuit ᴋittorngangit esarokpît tachaliningane inilangangmatta!

Imgerusersoak 1:4

Amualaunga illingnut, tagva akpangerpogut. Attanniub tassiorpânga aiparuseᴋotiminut. ᴋuviasukpogut serrilutalo pivlutit; naglingnît issumaginersarivavut Weinemit. Idluitailijut nagligivâtit.

Imgerusersoak 2:4

Tâpsoma tassiorpânga iglomut Weinetalingmut, naglingnerlo saimatiovok ᴋollimne.

Imgerusersoak 4:10

Ananaudlarmêk naglingnît, najâk nulliaksâklo! Naglingnît nâmanersauvok Weinemit, mingoaruteᴋotivillo tippingata tauvluᴋutiksat tamaita pitikipait.

Imgerusersoak 5:16

Kaninga mamaksauteôvok innerᴋonamariklune. Taimaitôvok nagliktanâra, illanâra taimaitôvok, Jerusalemib paningit illipse.

Imgerusersoak 7:12

Uvlarârsukut makkerᴋovlunuk, perorsêvingnut Weineliksanut, takkoᴋovlunuk nappârtok Weineliksak siggilermangât, ᴋuglungajungit, kârsimangmangâtta, nappârtut Granatiliksat nuvugulâktârmangâtta; tagvane naglingnimnik tunnitsivigijomavagit.

Imgerusersoak 7:6

Ananaudlarmêk, innerᴋonadlarlutillo, nagligijaujotit erᴋisimiarnerme!

Imgerusersoak 7:9

ᴋillaillo ilerle Weinetut idluarnerpaujotut illanârijamnut imernerijaujotut, sinniktunniglo kangasinâᴋartitsijotut oᴋarungnartunik.

Jesaiase 25:6

Kilangmiugasaksuillo Nâlegangat âᴋiksoijomârpoᴋ ᴋaᴋᴋame tamattomane nerrimârviksoamik orᴋsulingmik nunaᴋatigêksoarnut tamainut, nerrimârviksoamik vainelingmik issungitomik, orᴋsulingmiglo pattermik vainelingmiglo issungitomik sannêjarsimajomik.

Mattêuse 26:26

Nerrivlutigle, Jêsusib ᴋakᴋôjaᴋ tiguvâ, ᴋujalivlunalo avgorpâ, ilinniartiminullo tunivâ, oᴋarlunalo: Tigulugo nerrisiuk, tagva timiga.

Lukase 15:20

Aulalerporlo atâtaminullo tikilune. Sullele ungasiktomêtilugo, atâtangata takovâ, nâpkuarivlugolo, aᴋpangerdlunelo ᴋongasingagut erᴋipâ kuniklâlo.

Apostelit Piniarningit 21:7

Uvagulle umiaktornivut nâniardlugo Tîrusemit Putolemaisemut pivogut, ᴋatangutigêllo salutipavut, uvlormiglo atautsemik uvlivogut tâpkonane.

I Pêtrusib 5:14

Saluteᴋatigêgitse kunikluse naglingnerme. Ullapirsaumik illaᴋarlîttôᴋ ilûnatik Kristuse Jêsusemêtut. Amen.