II Timôteusemut 3:1 - Labrador Inuttitut Heritage Bible

¹ Tamannale nalojungnairuk, uvluksane kingorlerne nangianartoksoarnik neliutoᴋaromârmat.

II Timôteusemut 3:1 Iomraidhean Croise

Genesis 49:1

Jakuble ernine ᴋairᴋovait oᴋarlune: Katimatitse, nalojungnairtitsomagapse tikkitautigijomârtapsingnik nalliutome pijomârtome.

Jesaiase 2:2

Uvluksat kingorlingine pijoᴋaromârpoᴋ imâk: Kaᴋᴋaᴋ, Nâlekab iglungata tungavia, ᴋaᴋᴋat ᴋângannẽtsomârpoᴋ poᴋtonersauvlune ᴋaᴋᴋârulangnit tamainit, nallojullo illunamasiatik akpangervigijomârpât.

Jeremia 48:47

Uvlunele kingorliojune Moabib aularutijauningat utertitsomârpara, oᴋarpoᴋ Nâlagaᴋ. Moabib erᴋartortauninga kigleᴋarpoᴋ tamâne.

Jeremia 49:39

Kissianele uvlune kingorlerne Elamib aularutijauningat utertitsomârpara, oᴋarpoᴋ Nâlagaᴋ.

Hesekiel 38:16

Tikitsomârpotillo inuᴋotimnut Israêlikunut, nuvujatut nuna mattuvlugo; uvluksane kingorliojune tikiutijomârpagit nunamnut, inôᴋatigêksuit ᴋaujimaᴋovlugit ivsornaititaugama ilingne, Goge, tâpkoa ijingita sângine.

Daniel 10:14

Tikipungali mâna ajoᴋitoromavlutit naliutijomârtunik inuᴋotingnut uvluni kingorliojuni: takotitjut uvlut unuktut ᴋângipatta kissiani nalaulârpoᴋ.

Daniel 11:36

Atanilo pijomajani maliklugo piniaromârpoᴋ; pimariutitsomârporlo nangminiminik, anginisautitsomârporlo nangminiminik gudinit tamainit, gudillo Gudingat oᴋarnilutigijomârpâ tatamnartunik; sulidlaromârporlo ningaumajârnirub naliuninga nâmaksiᴋârtinago; kajusijutaujoᴋ nalautsilârmat.

Daniel 12:11

Naliunimillo tunigutit ôtaksat nokajuiᴋojaujut soraititauvianit, nungutsiviublo maggojungnartut âᴋiksortauninganit, uvlut 1,290 nâlârput.

Daniel 12:7

Angullo miᴋoᴋangitomik ᴋaᴋortamik annorâlik, kôb imanganik ᴋolangiartoᴋ, tusarpara, aggani talipîllo saumîllo issângmagit ᴋilangmut, angimariklunilo inôtsainartoᴋ issoᴋangitomut taivlugo, oᴋartoᴋ: tamanna naliuniᴋ atausiᴋ, naliunîglo maggûk, naliunirublo abvanga nâvlugit sivitutigijomârpoᴋ; noᴋarpattalo inuit ivsornaitut pitsartuningit siᴋalilugit, tamakkoa tamaita nâmaksititaujomârput.

Daniel 7:8

Nakjuillo ᴋimigovakka, ahâglo, tâpkoa akorngani nakjuit tâpkoa assia, mikijoᴋ, nuivoᴋ, tâpsomalo nuijûb ininganit nakjuit pingasut sivorlit nusuktauvut; ahâglo, nakjungmi ijiᴋarpoᴋ inûb ijingititut, ᴋaniᴋarlunilo oᴋausisoarnik oᴋâlajomik.

Hosea 3:5

Kingorngane Israêlib ᴋitorngangit sâgiaromârput, Nâlegarlo Guditik Davidelo atanitik ᴋenerlugik; uvluksanelo kingorlerne sivôravlutik tikitsomârput Nâlekamut pitsiarninganullo.

Migga 4:1

Pijomarporle uvlune kingorliojune Nâlekab iglungata ᴋaᴋanga palangititaujomârmat pijariaᴋortonerpauvlune ᴋaᴋanit, ᴋagvertitauvlunelo ᴋaᴋanit; inôᴋatigêllo tagvunga ᴋerdlerutijomârput.

II Timôteusemut 4:3

Naliutsomârmat ajoᴋertûtsemik atsuilinartomik ômisugvingat; kajungilârnermingnulle ingmingnut ajoᴋertuijuksatârniarput, siutimik ungilautigijangit (tussarnerijangit) maliklugit;

II Pêtrusib 3:3

Tamannalo ᴋaujilerᴋârsiuk, uvlut kingorlingine mitauteᴋartoᴋaromârmat, ikligunermingnut inôniartunik,

I Johannesib 2:18

Kitorngârsuit, uvlut naggatât naliutilipoᴋ, sorlolo tussaumagapsi Antikristusemik tikitsomârtomik, mânalo Antikristusit unuliput; tamattomangat ᴋaujimavogut, uvlut naggatât naliutilimmat.

Jûdasib 1:17

Ilipsele, erdlingnartose, oᴋautsit ipkua erᴋarsigik, Nâlegapta Jêsusib Kristûsib Apôstelingita sivorngagut oᴋauserijangit;

Jûdasib 1:18

Oᴋarvigingmase, uvlut kingorliksangine mitauteᴋartoᴋaromârmat, ikligunitik maliklugit inôniartunik, Gûde iperarlugo.