II Timôteusemut 1:8 - Labrador Inuttitut Heritage Bible

⁸ Taimaimat kangusungniarnak kigligiutsinek Nâlegaptingnik pivlugo, pivlungalônêt ᴋelaksugaujunga tâmna pivlugo; uvaptulle kappiasuktitauneᴋ oᴋautsit tussarnertut pivlugit ᴋunuginago pît Gûdib pitsartuninganut.

II Timôteusemut 1:8 Iomraidhean Croise

Imgerut 119:46

Kigligiutsinitit oᴋautigivakka attanît sângine, sillasiungilangalo;

Imgerut 19:7

Nâlekab malligaksauᴋojangit ᴋanoêtoᴋatsangilat, tarnelo nakkoksitipât. Nâlekab kigligiudsiningit nallâgôrput, sillatutipaillo sillaitut.

Jesaiase 51:7

Tussalersinga illipse idluarnermik illitarᴋsijose, nunaᴋatigêktose perᴋojamnik õmamiutaᴋartose. Sivoraniarase, inuit suangadlarpasse, ᴋoaᴋsârniaraselo oᴋauserludlarningit pitjutigivlugit.

Jesaiase 8:20

Perᴋojanik nallunaijaijutiksaniglo (malligitse!) Taimak oᴋaromângilât ᴋaumajoᴋangitut illumingne?

Markuse 8:38

Uvamnigle oᴋautsimniglo kangusuktoᴋ kinguvângoᴋatigêne tâpkonane assiniartune ajortulijunelo, tâmna Inûb Erningatatauᴋ kangugijomârpâ, tikikune atâtame ânanauningane, Engelit hailigit illagilugit.

Lukase 9:26

Uvamnigle oᴋausimniglo kangusuktok, tâmna Inûb Erningatatauk kangugijomârpâ, tikikune ânanaunermine, Atâtamelo Engelillo ajungitut (ânanauningine).

Johannese 15:27

Ilipselo kigligiutsiniarivose; pigiarnermit najulaurapsinga.

Johannese 19:35

Tamattomingalo tautuktub kigligiutjutigilaukpâ, kigligiutjiningalo mikseᴋârtôvok, tâmnalo ᴋaujimavok, mikseᴋârnermik oᴋarame, okpilerᴋovluse.

Apostelit Piniarningit 5:41

Kuviasuklutigle tagva kiglisiniartut kênanginit aularput, nikagijaunginamik mitautigijauvlutik Jêsusib atinga pivlugo.

Rômiunut 1:16

Oᴋautsit tussarnertut Kristusemik kangusûtiginginapkit; pitsartuniongmatta Gûdemit piloriktilugit ilûnaita okpertut tâpkununga, Jûdit sivorliovlutik Grîᴋillotauᴋ.

Rômiunut 16:25

Ilipsingnigle sôngotitsijungnartoᴋ, oᴋautsinut tussarnertunut oᴋautigijamnut Jêsuse Kristusemik, (tamakkutigûna nalonalauᴋtoᴋ nalonairpoᴋ, silaᴋsûb pigiarninganit oᴋautaulaungitoᴋ;

Rômiunut 8:36

Sorlo aglaksimangmat: Pivlutit toᴋotitaumavogut uvloᴋ nâvlugo, sauᴋatitut toᴋotaksatitut pênartauvogut.

Rômiunut 9:33

Sorlo aglaksimangmat: Ahâk tagga ujarᴋamik tunganartovingmik ilijivunga Zioneme, ôktutiksaujomik, naliallo okpertoᴋ ᴋemâjariaᴋaromângilaᴋ.

I Korintemiunut 1:6

Sorlo Kristûsib ajoᴋertûsingit tungaveᴋadlarmatta ilupsingne.

II Korintemiunut 6:7

Mikseᴋârtomik oᴋauseᴋarluta, Gûdemit pitsartuneᴋarluta idluarnerub pingit sakkogivlugit talerpiptigut saumiptigullo;

Efêsusemiunut 3:1

Tamanna pivlugo uvanga Pauluse ᴋelaksugaujunga, Kristusib Jêsusib kivgaringmanga ilipse nalojose pivlugit.

Efêsusemiunut 3:13

Taimaimat inaksorpapse; merngortorniarase siorniortitaunimnik, pivluse pijamnik, tamanna nertornautigivase.

Efêsusemiunut 4:1

Tagva mâna kaiblarpapse, uvanga ᴋelaksugaujunga Nâlegaᴋ pivlugo, ᴋaiᴋojaumanise malitsiarlugo arvertarᴋovluse, taimak ᴋaiᴋojaugapse,

Efêsusemiunut 4:17

Tamanna pivlugo oᴋarpunga; kigligiutigivlugolo Nâlekame, arvertarungnairᴋovluse nalojutitut assipsitut, piungitunik issumaᴋarlutik arvertartutitut;

Filippimiunut 1:7

Taimâk idluarmat, tamattominga issumaᴋariaᴋarpunga ilûnase pivluse, ômatimninapse ovane parngnanairsorsimanimne, akiornimnelo oᴋautsit tussarnertut kigligiutigilugit aulajungnangertinapkit, ilipse ilûnase saimarsauteᴋaᴋatigigapse.

Filippimiunut 3:10

Illitarijomavlugo tâmna, makiningatalo pitsartuninga, siorniorningalo illangiubvigijomavlugo, toᴋunga adsiginiarlugo uvanga,

Filippimiunut 4:13

Tamainik pijungnarpunga Kristuseme pitsartutitsijimne.

Kolossamiunut 1:11

Ilitarsivalliarᴋovluselo Gûdemik nakoksijauᴋovluselo pitsartunernut illûnainut, tâpsoma pitsartuninganut ânanaujomut, ᴋenuersârluse, kamangitsertorluselo tamaine ᴋuviasukluse;

Kolossamiunut 1:24

Mâna ᴋuviasukpunga kappianartome atortamne pivluse; kappianarnerillo Kristûseme sulle pijariaᴋartut uvinimne nâmaksitiniarpakka timinga pivlugo, tagva ilagêt pivlugit;

I Tessalônikamiunut 3:4

Najordluselo pigapta, oᴋautilaurivapse sivorngagut kappiasuktitaujomârniptingnik; sôrlo nelautsimangmattauᴋ, sôrlolo ᴋaujimagapse.

I Timôteusemut 2:6

Ingminik tunilauktok piulijiksaujomavlune ilûnainut, tamanna oᴋâlatigijauᴋovlugo neliuningane.

II Timôteusemut 1:10

Mânale nalonairtisimavok piulijipta Jêsusib Kristûsib sakᴋijârninganut; tâpsoma toᴋo nukkingerutingmago, inôtsemiglo asserojuinermiglo ᴋaumajomut pititsingmat oᴋautsinut tussarnertunut;

II Timôteusemut 1:12

Tamannatauk pivlugo taimâk kappiasuktitauvunga; kangusûtigingilarale tamanna; okpervigijara ᴋaujimagapko, nalutsanginivaralo, tâpsoma pigumitâk piksara saputijungnarmago uvluksak imna tikidlugo.

II Timôteusemut 1:16

Onesiforusikut Nâlekab nâpkigiligittôk: tapsoma nakoksiteᴋattalaungmanga, kangusûtigilaurnagillo ᴋelaumgujarijakka;

II Timôteusemut 2:3

Kappianartunik ᴋununak, Jêsusib Kristûsib sorsuktuksangatut ajungitotut.

II Timôteusemut 2:8

Jêsuse Kristûse erᴋarniaruk, toᴋungajunit makitok, Dâvidib kinguvânga, oᴋautsit tussarnertut oᴋautigijakka maliklugit.

II Timôteusemut 2:9

Tamakkoa pivlugit kappiasuktitauvunga ᴋelaksugauvlunga aglât, idluitulijotut; Gûdible oᴋausingit ᴋelaksugaungilat.

II Timôteusemut 4:17

Nâlekable nangeᴋatigivânga nakoksitilungalo, oᴋausek tamanna nâmaktomik oᴋautigijauᴋovlugo uvapkut, nalojullo ilûnatik tussaumavât. Piulijauvungalo Loevib sigguanit.

II Timôteusemut 4:5

Igville pigârit ilûnâne, kappianartut ᴋunutiginagit, oᴋautsinik tussarnertunik oᴋâlajotut, nâmaksitiniaruk kivgartortuksaunît.

I Pêtrusib 1:5

Ilipsingnut, Gûdib pitsartuninganut saputigauniartose okpernermut piulijaulerdluse, tamanna pijarêrtisimajoᴋ, saᴋᴋerᴋovlugo uvlut kingorliksangine.

I Johannesib 4:14

Takolauᴋpogut kigligiutsivogullo, Atâtab Erneᴋ tililaungmago piuliklitioᴋovlugo silaᴋsoarmiunik.

Jûdasib 1:24

Tâmnale ilipsingnik sapputsijungnartoᴋ passijaksaunase, pidlaraksaunaselo saᴋᴋertitsijungnartoᴋ ilipsingnik ᴋuviasukluse;

Takotitaunermik 1:2

Tâmna kigliutsilaukpok Gûdib oᴋausinganik, kigligiutsinermiglo Jêsuse Kristûsemik, tamainiglo takojaminik.

Takotitaunermik 1:9

Uvanga Johannese, ᴋatangutisetauk illangiuteᴋatauvlunga kappiasungnermiglo nâlegauvingmiglo Jêsusiblo Kristûsib ᴋenuersârninganik, ᴋikertamêpunga Patmusemik atelingme, Gûdib oᴋausinga pitjutigilugo, kigligiutsinerlo Jêsuse Kristûsemik pitjutigilugo.

Takotitaunermik 12:11

Sâlagidlarpâlle Saugârsûb aunganut, kigligiutsinerijamiglo oᴋausinginut, inôtsitiglo ivlerilaunginamigit toᴋo tikidlugo aglât.

Takotitaunermik 19:10

Itiganginullo pâmakterpunga tuksiarvigijomavlugo. Oᴋautivângalo: Udsertorit, taimailiornak! kivgauᴋatigivarma, ᴋatangutivîllo, Jêsusemik kigligiutjuteᴋartut (kivgauᴋatigivânga). Gûde tuksiarvigiuk. (Jêsusemigle kigligiutsinek tagva nelautainerub anerninga.)