II Timôteusemut 1:7 - Labrador Inuttitut Heritage Bible

⁷ Anernermik sivôrajomik Gûdib tunitsivigilaungimatigut, pitsartunelingmigle, naglingniktomiglo, idluartomiglo.

II Timôteusemut 1:7 Iomraidhean Croise

Imgerut 119:80

Omattiga nallâgôrlune idluarijarnêtsainarle kangusuktitauᴋonanga.

Salomob Okâl 2:7

Tapsoma nalâgortut sullitsiartipait, idluitailinermelo arvertartut serngnigivait;

Salomob Okâl 8:14

Ajuᴋertusek, (atanertuinek) piniarnerlo tamarmik nangminerivâka; silatuneᴋarpunga, pitsartuneᴋalarmalo.

Jesaiase 11:2

Tâmnalo Nâlekab anerningata tupvigijomârpâ: anernerub sillatunartub illisimanartublo, anernerub issumagiktitsijub pitsartutitsijublo, anernerub illitarsititsijub sivoratitsijublo Nâlekamik.

Migga 3:8

Uvangale ilumertaudlarpunga pitsartunermik Nâlekab anerninganut, idluarsainermiglo, sôngonermiglo, Jâkomut nalonaijaiᴋovlunga tapaninganik, Israêlemullo idluitulininganik.

Saggaria 4:6

Kiovlunelo oᴋautivânga: Tamadja Nâlekab oᴋausinga Serûbabelemut, oᴋartok: Sorᴋsuktuksaᴋatigêksoarnu-ungitok pitsartunersoarmu-ungitorlônêt, Anernimnulle, oᴋarpok Nâlegak Zebaot.

Lukase 10:19

Ahâk, pitsartunermik tunitjivigilaukpapse, ᴋuglugiarâluit kingupaujârtulllo tullerarlugit, akkerartortiblo pitsartuninganut ilûnânut nâlegautipapse, sumullônêt akᴋunartauniangilase.

Lukase 15:17

Tagva issumamigut erᴋailerpok oᴋarlunelo: Unuktunik atâtaga ikajorteᴋarpok nerᴋiksamik ajoksangitunik, uvangale ᴋângmut perlilerpunga.

Lukase 24:49

Ahâglo, atâtama oᴋautigilauktanga ilipsingnut tilijomavara. Ilipsele iglugasaksoarne Jerusalemêtuksauvose, pângat pitsartunermik tunitsivioᴋârase.

Lukase 8:35

Tagva takojartoramitsuk tamanna, Jêsuse tikipât, inuglo sâtanasêrutjaujok naipipât, annorâlijalertok silatovlune iksivajok Jêsusib itigangita sângane; erᴋsivlutiglo.

Johannese 14:27

Ulapirsaumik ᴋemaivigivapse, ulapirsautimnik tunitjivigivapse. Tunitjivigingilapse silaksoarmiut tunijiningititut. Omatise ᴋoaksârniaratik erᴋsiniaratiglo!

Apostelit Piniarningit 1:8

Pitsartunermigle pilârpose, Anernerub ajunginerub tikilârpase; kigligiutsijigilârpapselo Jerusalemiunut Jûdêamiunullo ilûnainut, Samâriamiunullo, silaksûblo issua tikidlugo.

Apostelit Piniarningit 10:38

Jêsuse Nazaremiok pivlugo, Gûdib mingoalaungmago Anernermik ajunginermik pitsartunermiglo; tâmna arvertalaungmat ajungituliartorlune, inûlilaitalo ilûnaita Sâtanasemut sâlaulauktut, Gûdib najormago.

Apostelit Piniarningit 20:24

Tamakkoale tamaita sivôragingilakka, inôseralo nangminek ivleringilara, ᴋuviasuklunga nunamênera nâniaromavlugo, kivgartorneralo Nâlekamut Jêsusemut perᴋojaumanera, oᴋautigivlugo Gûdib saimarsautâ oᴋautsinut tusarnertunut.

Apostelit Piniarningit 21:13

Paulusele kiovok: Kanok iliorᴋisê, ᴋugviudlarapse, ômatiga sêklugô? pijarêrsimagama ᴋelaksortauniarlunga kissianeungitok, toᴋotaulungale Jerusaleme Nâlekab Jêsusib atinga pivlugo.

Apostelit Piniarningit 26:11

Katimavingnelo ilûnaine kappiasuktiᴋattalaukpakka, mitautigijaunartomiglo oᴋarᴋovlugit aksorôtilauktakka, isumairutijotut pinasuarlugit, takorngartattauk iglugasaksoanginut unangmilaukpakka.

Apostelit Piniarningit 26:25

Oᴋarporle: Erdlingnartok Festuse, isumairutingilanga; oᴋarpungale oᴋautsinik okpernartunik silatujuniglo.

Apostelit Piniarningit 6:8

Stefanusele okpernermik pitsartunermiglo angijomik ilumertauvlune tatamnartulivok nalunaikutaksoarniglo pivoᴋ inungne.

Apostelit Piniarningit 9:22

Saulusele sôngosivalliavok, Jûdillo Damaskusemiut nippangertipait, Jêsuselo Kristuseojoᴋ oᴋautigitsiarlugo.

Rômiunut 5:5

Nerriungnerle kangusuktitsiniangilaᴋ. Gûdib naglingninga kovimangmat ômatiptingnut, Anernermut ajunginermut tunergusiarijaptingnut.

Rômiunut 8:15

Kivgaujotut anerneᴋartitaunginapse, ama sivôrariaᴋarluse, ᴋitorngaujotulle Anernermik tunitsiviovose, tapsomûna nipliavogut: Abba, Atâtak!

I Korintemiunut 2:4

Oᴋautsimalo ajoᴋertûsimalo inuit illisimajut oᴋausingit kajungersarnartut atulaungilait, Anernermigle pitsartunermiglo sakᴋijârtitsilaukput.

Galâtsiamiunut 5:22

Anernerub perortisangangit tamadja: Naglingneᴋ, ᴋuviasungneᴋ, ullapirsaineᴋ, ᴋenuersârneᴋ, inôtsiarneᴋ, pitsiarneᴋ, okperneᴋ, piojoringineᴋ, ikliguktailineᴋ.

Kolossamiunut 1:8

Uvaptingnik ᴋaujititsilaungmijok naglingnipsingnik Anernermit pijomik.

Ebrêerinut 2:15

Kivgaujungnaitilugillo tamaita kivgaksainaujut inôsermingne tamât, toᴋo erᴋsigivlugo.

I Pêtrusib 1:22

Tarniselo sujungaitisigik mikseᴋârneᴋ nâleklugo Anernermut, ᴋatangutinik nagligosoᴋovluse takkormôjuidluse; ômamullo ivjornaitomut nagliktigêvigitse!

I Johannesib 4:18

Naglingniᴋ erᴋsinimik illaᴋangilaᴋ, naglingniruble nâmaksijub erᴋsiniᴋ anitipâ; erᴋsiniᴋ ânianartomik illaᴋarmat. Erᴋsijubli naglingniᴋ nâmaksitingilâ.