II Samuel 7:22 - Labrador Inuttitut Heritage Bible

²² Tamanna pivlugo angijônasugijauvotit; illiktut itoᴋangimat, Gudeᴋangilarlo illiktun îtomik; tamaita siutiptingnut tussarlauktavut malliklugit.

II Samuel 7:22 Iomraidhean Croise

II Samuel 22:32

Nanele Gudeᴋarᴋa Nalegak pinago? Nanelo torᴋorviksaᴋauteᴋarᴋa Gudivut pinago?

I Atannit 8:23

Oᴋarlunelo: Nâlegak Israelib Gûdinga, illiktut Gûdeᴋangilak, takpânelonêt ᴋillangme, atânelonêt nuname soᴋosijuititsijomik angernermik napkiningnermiglo kivgaᴋotingnut agvertarlauktunut sângne omamut tamânut.

I Kronika 16:25

Nalegak angijoksôngmat, nertornartoksôlarmelo sivuranaluarporlo Gûdinit tamainit.

II Kronika 2:5

Iglolo iglolioromajara angijojuksauvok; Gudivut anginersaungmat Gudinit tamainit.

Imgerut 135:5

Kaujimagama, Nâlegak angijôngmat, Nâlegaungmallo uvaptingnut, Gûdinit tamainit.

Imgerut 145:3

Nâlegak angijôvok, nertornadlarlunelo, anginingalo nautsertortaujungnangilak.

Imgerut 44:1

Gude siutiptigut tussalaukpavut, atâtagijapta unipkautigilaukpait uvaptingnut, pinniarnerilauktâttit taipkoa nalliuningine itsaksoarme.

Imgerut 48:1

Nalegak angijôvok, oᴋausiongînadlarlunelo Gûdipta iglugasaksoaᴋotinginne, ᴋaᴋᴋakotingane.

Imgerut 86:10

Angijoksôgavit taimak tattamnartullilutillo, Gûdeojotôgavillo.

Imgerut 86:8

Nâlegak illiktut-assiᴋangilak Gûdit akkorngane, pittaᴋangilarlo illiktut piniarungnartomik.

Imgerut 89:6

Kiale nuvujanne Nâlegak adsigivaûk? kinalo Nâlegaktun itsungnarᴋa Gûdit ᴋittorngangita akkorngane?

Imgerut 89:8

Nâlegak Gûde Zebaot, kina illiktut Gûdeôva ajugaᴋangitok? mikseᴋârnîllo avatiptingnêpok.

Imgerut 96:4

Nâlegak angijôngmat, angijomiglo nertortaujuksauvok; sivuranarnersauvlune Gûdinnit tamainit.

Exodus 10:2

Igvillo unipkârungnarᴋovlutit ernivit erngutavillo siutinginut piniarnernik piniarnerijamnik Egipteneme, nalunaikutaliarimajamniglo tâpkoa akorngane; ᴋaujimarᴋovluse uvangaugama Nâlegak.

Exodus 15:11

Kina Gûdit akorngane iliktut-ikâ, Nâlegak? Kina iliktut-ikâ, inornadlarlune ivsornainerme, sivôranadlarlune nertoraksauvlune, tatamnartulivlunelo?

Exodus 8:10

Oᴋarpok: ᴋaupat. Kiovorlo: Sorlo oᴋaravit (taimainiarpok), tukisilerᴋovlutit Nâlegak Gûdivut naleᴋangimat.

Exodus 8:6

Aroniblo aggane isaktingmagit Egiptenib imangita ᴋollâtigut, narrâjit timuarput Egiptenemiut nunangat nâmavlugo.

Exodus 9:14

(Kunuleruvit) tamattomane kapiasûtaurᴋojakka tamaita tilijomavakka ilingnuluatsiak kivgarnullo inuᴋotingnullo, tukisilerᴋovlutit uvaptun-itoᴋangimat nuname ilûnâne.

Jesaiase 40:18

Kinamik tagva Gûde adseᴋartitsomavisiûk? Sumiglo adsiojuksamik tâpsomunga sanajomavisê?

Jesaiase 40:25

Kinamik adseᴋartitsomavisingâ, adsigivlugo perᴋovlunga? oᴋarpoᴋ ivlernartitoᴋ.

Jesaiase 45:18

Imâk oᴋarpoᴋ Nâlegaᴋ, ᴋilangmik pingortitsijoᴋ, Gûdeojoᴋ, nunamik sanajoᴋ âᴋiksorlugolo tunganelivlugolo; — tamannalo pingortilungilâ inuᴋartailivlugo, inuᴋarᴋovlugole âᴋiksorpâ — : Uvanga Nâlegauvunga assimniglo Nâlegaᴋangilaᴋ.

Jesaiase 45:22

Sâgialeritse uvamnut, piulijaujomârpose tagva, sillaᴋsoarmiôjose tamapse; uvanga Gûdeogama, assimniglo Gûdeᴋangimat.

Jesaiase 45:5

Uvanga Nâlegauvunga, assimniglo Nâlagaᴋangilaᴋ, assimniglo Gûdeᴋangilaᴋ. Uvanga ᴋetteruserpagit, illitarᴋserᴋârtinak uvamnik,

Hesekiel 36:22

Tamanna pivlugo Israêlib ᴋitorngangit oᴋautikit: Imâk oᴋarpoᴋ Nâlegaᴋ Nâlegaujoᴋ: Ilipse pivluse, Israêlib ᴋitorngangit, tamanna pinialungilara, aterale ivsornaitoᴋ pivlugo, ivsornartitase inôᴋatigêksuit aivigijapse akorngane.

Hesekiel 36:32

Ilipse pivluse taimailiolungilanga, oᴋarpoᴋ Nâlegaᴋ Nâlegaujoᴋ, tamanna ᴋaujijaksarivase; iktôdlaritse kangusukluselo iluserijase pivlugit, ilipse Israêlib ᴋitorngangit.

Daniel 2:45

Sorlolo takolauravit ujaraᴋ saviujartortaulaungmat ᴋaᴋᴋamit aggangnu-ungitoᴋ, siᴋalilaungmagillo kikiak, ᴋaᴋorlilo, maggarlo, silbirilo, goldilo, Gudib angijoᴋsôjub ataniᴋ nalonaijaivigivâ sunamik mattoma kingorngani pijomârtuksanik: sinnartômanilo nalautsimarikpoᴋ tukkigijangalo nalonangimarikpoᴋ.

Migga 7:18

Kina iliktut Gudeovâ, issumagijungnainiktoᴋ idluitunik, kingormgutijamelo amiakungita idluitulininginik anigoijôᴋ? Soraijuitomik ningarnine tigumianginalungilâ, nâpkiningneᴋ ᴋuviagigamiuk.

Deuteronomy 3:24

Nâlegak Gûde, angijoksônit, aggatillo pitsartujut nelonaijalerpatit kivgarnut; kina Gûdeovâ ᴋilangmelônêt nunamelônêt piniarungnartok piniarnitit suliarijatillo pitsartudlartut adsilivlugît?

Deuteronomy 32:39

Missigileritsele mâna uvanga kissima tâmnaugama, senimnelo Gûdeᴋangilak; uvanga toᴋotsivunga, ômartitsilungalo; ikilelauᴋpunga, inûliklerpungalo; piuliklertokarungnangilarlo aggamnit.

Deuteronomy 4:35

Ilingnut unertutigijaulauᴋpok, ᴋaujiᴋovlutit Nâlegak, tâmnaungmat Gûde, nelleᴋangimallo.

Deuteronomy 4:39

Taimaimat nelojungnailerit uvlome, ômamiutarilugolo, Nâlegak tâmnaungmat ᴋilangme pâne, nunamelo atâne Gûdeojok; nelleᴋangilak.

I Samuel 2:2

Ivsornaitoᴋangilak Nalekab assianik; illingnit asseᴋangilak; sapputsauviksaᴋalungilarlo Gudipta assianik.