II Samuel 6:13 - Labrador Inuttitut Heritage Bible

¹³ Tapkoalo Nalekab iklervinganik akkigartut sivumualauᴋârlutik ablornernik pingasojortunik, tunnergumik tunnijijoᴋarpok tuktuvangmik attautsemik, saukamiglo ᴋoinijomik attautsemik.

II Samuel 6:13 Iomraidhean Croise

I Atannit 8:5

Atannerlo Salomo, illagêllo Israelitit, ᴋatimalerlauktut tapsomunga, aiᴋatigilaukpât iklerviub sivorngane, tunnijilutiglo tunnergutinik, sauganik tuktuvangniglo, taimâk unuktigijunik kittiksaulaungimatta, kittitaujungnangimattalo.

I Kronika 15:15

Leviblo ᴋitorngangita Gûdib Nalekab iklervinga akkigarpât ikkautingnut erksuklugo, sorlo Mosese perᴋojilaungmat Nalekab oᴋausingit malliklugit.

I Kronika 15:2

Taipsomane Davide oᴋarpok: Gûdib iklervinga Levitit asinginut akkigartaujuksaungilak; tapkoa Nalekab annerilaungmagit Nalekab iklervinga akkigarlugo piᴋovlugit, kivgartorᴋovlugillo tapsominga soraijuitomik.

II Kronika 5:6

Attannerlo Salomo, illagêllo Israelitit kattimalauktut tapsomunga, iklerviub sânganelaukput tunnijilutiglo tunergutiksanut saukanik, tuktuvangniglo, taimak unnuktigijunik, kittitaujungnarlaungimatta unnumut.

Numbers 4:15

Aroniblo erningitalo ivsornaitovik ivsornaitoviublo perᴋutingit immugêrpatigik, tangmârtertut nûtuksaulertilugit; Kohatib erningit ᴋaijuksauvut akkigaromavlugit; aktuijuksaungilalle ivsornaidlartunik, toᴋoᴋonagit. Tamadja Kohatib erningita akkigaraksarijangit ilagêktut tupingane.

Numbers 7:9

Kohatekulle tunitjivigilaungilait sumik, ivlernartoviub kivgartortauninga tâpkonunga ilingamat, erᴋsugiaᴋarpâllo.

Mattêuse 22:4

Ama kivgat assingit tiligivait, oᴋarlunalo: Nerrijartortuksat oᴋautsartorsigik: Ahâk, nerrimâraksavut pijarêrpakka, tukuvaᴋotikkalo ᴋoinijut toᴋopakka, ilûnatiglo pijarêrput; ᴋaileritse, nuliarêngnialertuk nerreᴋatigilaulavut.

Josua 3:3

Perᴋolugillo inugasaksuit, oᴋarpullo: Takkoniarupsiuk Nalekab Gudipse angersimaningata iklervinga akkigartautillugo ajochertuijunnut Levitinnit pijunnut, tagva aularitse innigijapsingnit malliklugolo: