II Samuel 5:3 - Labrador Inuttitut Heritage Bible

³ Angajoᴋaunerôjullo Israelitine illunatik tikkilerput attanermut Hebronemut. Attaniublo Davidib angerᴋattigivait Nalekab sângane, tapkoalo Davide mingoarpât attanningortilugo Israelemut.

II Samuel 5:3 Iomraidhean Croise

II Samuel 2:4

Judablo angutingit tikkilerput, Davidelo mingoarpât tagvane, attaningortilugo Judakunut. Davidelo oᴋautsaulerame, Jabesemiut Gileademêtut Saule illijartorlaungmatsuk;

II Samuel 2:7

Taimaglo manna aggase pitsartutitaulit, sivoraniaraselo: angajoᴋase Saule innôjungnaimat, tagva Judakut mingoarlaukpânga attaningortilunga ingmingnut.

II Samuel 3:21

Abnerelo Davidemut oᴋarpok: Parngnaileromavunga aijomalungalo Israelitit illunamasiatik kattitilugit angajoᴋamnut attanermut, angerᴋattigivlutit piᴋovlugit, attanioᴋovlutit tarnivit tussugijanganut. Taimak Davidib Abner nûlerᴋova ingminit, aularᴋovlugo ullapirsauteᴋarlune.

I Atannit 1:34

Ajuᴋertuijublo Zadoᴋib, aipaᴋarlune nellautaîjomik Nathanemik, mingoarliuk tagvane ataningortilugo Israelitinut. Tiptulausijaritselo tiptulautinut, oᴋarluselo: Pilloringnartoᴋarle atannermut Salomomut!

II Atannit 11:17

Jodadalo angerᴋattigêngnekartitsivok Nâlekab atanniublo innugiartoksuillo akkorngane, Nâlekab inuᴋotigijaksaringmagit; taimaktauk atanniub innugiartoksuillo akkorngane.

I Kronika 11:1

Israelitillo illuêngarlutik kattilerput Davidemut Hebronemut, oᴋarlutiglo: Ahâk sauneᴋattigivaptigit, uvineᴋattigilutillo.

I Kronika 11:3

Israelitillo angajoᴋaunerôjungit ilûnatik tikkilerput atannermut Hebronemut. Davidiblo angerᴋattigivait Nalekab sângane Hebroneme. Mingoarlugolo Davide atanningortipât Israelitinut, Nalekab oᴋausingit Samuelekut malliklugit.

I Kronika 28:4

Taimaigalloarmat, Nalekab Israelib Gûdingata annerilaukpânga atâtama iglomioᴋatinginit tamainit atannioᴋovlunga Israelitinut soraijuitomik. Judakut annerilaungmagit atannioᴋovlugit, Judakunillo atâtakukka atâtamalo erningita akkorngane uvanga ᴋuviagilaukpânga atanningortilunga Israelitit ilûnamasianginut.

II Kronika 23:16

Jojadalo angerᴋattigêngneᴋartitsivok, tapsomane innugasaksoarnelo illunaine, attannermelo innuᴋutaujuksaugamik Nalekamut.

Nehemia 9:38

Taimailingagalloarlutalo Angerᴋattigêngneᴋartitsivogut soᴋosijuitomik, aglaklutalo, angajoᴋaunerôjuptingnullo, Levitinullo, ajoᴋertortiptingnullo nakkitertauᴋovavut.

Exodus 3:16

Tagva angajoᴋaujut Israêlikune katititsartorkit oᴋautivlugillo: Nâlekab atâtapse Gûdingata, Abrahab Gûdingata, Isaab Gûdingata, Jakob Gûdingata sakᴋervigivânga oᴋarlune: Takonârpapse, ᴋanorlo piniarviogapse Egipteneme:

Josua 10:36

Kingorngane Josua Israelitit illuêngarlutik illagilugit takpaungarpok Eglonemit Hebronemut, sorsugvigivaillo,

Idluarsaijut 11:11

Taimak Jeftab angajoᴋajat Gileademit ilagivait, inugasaksuillo niaᴋungortipât angajoᴋangortilugolo ingmingnut. Jeftablo tamânna tamât oᴋauseriva Nâlekab sângane Mizpame.

I Samuel 11:15

Tagva innugatsuit illunamasiatik Gilgalemut aivut, Saulelo attaningortipât tagvane Gilgaleme Nalekab sângane, tunnijilutiglo tunnergutiksanik ᴋujalijutiksanik Nalekab sângane. Saulelo, Israelib angutingit illunaita illagilugit, ᴋuviasudlalaukpok tagvane.

I Samuel 16:13

Tagva Samuelib naksuᴋotine orksuktalik tiguva, mingoarpâlo ᴋattangutingita akkorngane. Nalekablo Anerningata Davide tikkivigiva uvlormit taipsomangamit kingornganelo. Samuelele parngnailerpok, ailunelo Ramamut.

I Samuel 23:18

Angerᴋattigêkpuglo Nalekab sângane; Davidelo nappartunetuarpok, Jonathanele angerarivok.