II Samuel 3:8 - Labrador Inuttitut Heritage Bible

⁸ Tagva Abnerib Isbosethib oᴋausingit tamakkoa ningaumajadlarutigivait, oᴋarlunelo: Kingmiub niaᴋungatut illingavîk, Judakut akkerartorlugit Saulib atâtavit iglomioᴋotinginut, tapsomalo ᴋattangutinginut, illanarijinginullo, napkigosungnermik sakᴋertitsijunga, pititsilaungitungalo illingnik Davidib agganginut? Igvillo uvlome passivarma idluitullinermik arnak pivlugo?

II Samuel 3:8 Iomraidhean Croise

II Samuel 16:9

Abisaile Zerujab erninga oᴋarpok attannermut: Kingmiub toᴋᴋungajub oma angajoᴋara attannek okarnerlotitaksarivaûk? Aivigijomavara, niaᴋunganiglo nussuijomavara.

II Samuel 2:8

Abnerible Nerib erningata, Saulib sorsuktuksaksoaᴋotingita angajoᴋangata, Isboseth Saulib erninga tiguva, âpâlo Mahanaimemut,

II Samuel 3:18

Taimailioleritse manna, Nalekab Davide oᴋautigilaungmago: Innuᴋotikka Israelitit piulijomavakka kivgama Davidib aggangittigut, Filisterit agganginit omigijingitalo illunatik agganginit.

II Samuel 3:9

Gudib Abner imâglo, imâglo pinniarvigiliuk, pinniarlungikuma, sorlo Nalekab Davide oᴋautimarilaungmago,

II Samuel 5:2

Taimaglotauk mattoma sivurngane Saule attanniotillugo uvaptingnut, igvit Israelitit aulartilugillo ittertilaukpattit. Nalekablo oᴋautilaukpâtit: Igvit innuᴋotikka Israelitit pairijaksarivattit attaniojuksaulutillo Israelitinut.

II Samuel 9:8

Tamnale opigosukpok, oᴋarlunelo: Kinauvîk uvanga kivgait, sâleravit kingmemut toᴋᴋungajomut, sorlo uvanga illingagama?

II Atannit 8:13

Hasaele oᴋarpok; Kivgait kingmek sunauva, taimaitunik pijariakortôjunik pinniartuksaunajarmat? Elisa oᴋarpok: Nâlekab nallojungnaitilaukpânga, igvit atannioniaravit Siriamiunut.

Imgerut 76:10

Inuit kenajungninginut igvit nertornartigavit, tapseruseruteᴋarpotillo ᴋanningajârnernub amiakunganik.

Jesaiase 37:23

Kina mittautigiviûk oᴋarnerlûtigivlugolo? kinamut nippeᴋadlarᴋêt? Arlorpotit, ivlernartitoᴋ Israêlikkune akkerartorlugo.

Deuteronomy 23:18

Anguniarpaktûb akkiliusiarijanga ilokeudlarnerublônêt akkinga âtaksarilungilat Nâlekab Gûdivît iglunganut sumiglônêt angeruteᴋaraloarmangârpit; tâpkoa tamarmik maᴋojungnarmanik Nâlekamut Gûdingnut.

I Samuel 15:28

Tagva Samuele oᴋarpok tapsomunga: Nalekab uvlome Israelib attaniovinga aksarnigarilaukpa illingnit, tunnimalugolo innuᴋattingnut idluanisanut.

I Samuel 17:43

Filisterelo Davidemut oᴋarpok: Kingmiôvîk ajaupialijarlutit ᴋaivigigamga? Oᴋarnerlutigivâlo Davide, Gudigijane tailugo.