II Samuel 3:1 - Labrador Inuttitut Heritage Bible

¹ Akkunêrtomigle sorsungneᴋalaukpok Saulib iglomioᴋotingita Davidiblo iglomioᴋotingita akkorngane. Davidele agvertarpok pivallialunelo; Saulible iglomioᴋotingit agvertarput ikiglivallialutiglo.

II Samuel 3:1 Iomraidhean Croise

Genesis 3:15

Akkerartortigêktitsomavapse igvillo arnarlo, kinguvâksat kinguvângalo; tâpsoma niaᴋut tullidlaromârpâ igville kingmingagut kêjomârpat.

II Samuel 2:17

Sorsungneᴋalerporlo uvlorme taipsomane sôngojomik. Abnerele Israeliblo angutingit sâlagijaulaukput Davidib angutinginut.

II Samuel 2:28

Joabiblo tiptulaut tiptulausijautigiva, innugatsuillo illunatik nokᴋarput, udlanigungnailutiglo Israelitinik, sorsugungnailutiglotauk.

II Samuel 22:44

Piulilaukparma innuᴋotima annartorninginit, sapputilungalo angajoᴋangorᴋovlunga nellojut akkorngane; innugatsuit illitarilaungitama kivgartorpânga.

II Samuel 3:6

Sorsungneᴋartillugo manna Saulib iglomioᴋotingita Davidiblo iglomioᴋotingita akkorngane, Abnerib Saulib iglomioᴋotingit pitsartutipait.

II Samuel 5:10

Davidelo agvertarpok pivallialunelo, Nalekablo, Gudib Zebaothib illagiva.

I Atannit 14:30

Unatadlarneᴋatsainarlaukporle Rehabeamib Jerobeamiblo akkorngangne inôsitik nâlugik.

I Atannit 15:16

Unatadlarnekatsainarlaukporlo Assablo Baesablo Israelitit ataningata akkorngangne inôsermingne tamât.

I Atannit 15:32

Unatadlarnekatsainarlaukporlo Assab Baesablo Israelitit atanningata akkorngangne inôsermingne tamât.

I Kronika 11:9

Davidelo piganerpok pivallialunelo, Nalekablo Zebaothib aipariva.

I Kronika 3:1

Tamadsa Davidib erningit erniangolauktut tapsomunga Hebroneme: Sivorlek, Amnon, Ahinoamit Jesreelemiovinermit; tuglek Daniel Abigailemit Karmelemiojomit;

Ester 6:13

Unipkautivâlo nulliane Seres, ilanârijanelo, tamainik tikkitautigijaminik. Tagva illisimajoᴋotingita nulliangatalo Seresib oᴋautivat: Mardachai ocholerutigijat Jûdit kinguvânginit pikpat, tagva sulliniatsengilatit tamna pivlugo, ochojutiginiarpalle.

Ester 9:4

Mardachai angijolaungmat atanniub iglungane, tussaumajauningalo tussaksaulaukpok nunanut ilûnainut, ᴋanok aglivalliangmat angijorormallo.

Hiobe 17:9

Idluartuble sulle apᴋoserijane ungagitsainarniarpâ, ivsornaitunniglo aggalik sôngutsainarniarpok.

Hiobe 8:7

Sivurngane pigilauktatit ikkitôtillugit, kingorngane pivalliadlarniarput.

Imgerut 18:43

Ikajorparma inugasaksuit annârtorninginit, angajoᴋângortiparma nallojut akkorngane, innuᴋattigêksuit illitarilaungitama kivgartorpânga.

Imgerut 46:9

Unnatadlarnernik nokᴋartitsijub nuname illûnane; pittiksinnik naviksijub, kallugiarniglo serᴋomitsijub, aksalloalingniglo ikkitsijub.

Imgerut 84:7

Arvertarput pitsartunermit pitsartunermut, illûnatik attunît saᴋᴋerᴋâratik Gûbib sângane Zioneme.

Galâtsiamiunut 5:17

Uvingûb ikliguningata Anerneᴋ akkerartormago, Anernerûblo kajungersainingata uvinik akkerartorivâ. Tâpkoa taimak akkerartortigêngmanik, pijomajapsingnik aglât piniarungnangilase.

Efêsusemiunut 6:12

Uviningmullo aungmullo sorsugiaᴋanginapta, ataniviksoarnulle pitsartujoᴋsoarnullo, silaᴋsûb ataninginut, silaᴋsûb mattoma tâᴋtôningane ataniotijunut, anernernut ajortunut ᴋilaub atânêtunut.

Takotitaunermik 6:2

Takogivunga, ahâglo horsemik ᴋaᴋortamik; tâpsomalo ᴋângane iksivajok pitiksilijartok, niaᴋôtemiglo tunitsiviolertok, ajugaᴋaranelo ailerpok sâlaᴋarniardlune.