II Samuel 24:22 - Labrador Inuttitut Heritage Bible

²² Arafnale Davidemut oᴋarpok: Nalegara attannek tigusilerle, tunnergumiglo tunnijile namagijaminut; ahâk tagva tuktuvakarpok tunnergutiksamut ôtaksamut, tuktuvaublo annungita ᴋejuktangit ikkomaksamut.

II Samuel 24:22 Iomraidhean Croise

Genesis 23:11

Aukak, Nâlegaᴋ, tussarlaungmingale! Perorsêvik illingnut tunivara, ᴋairosungalo illingnut tunivara, inôᴋatima takoanne tunivâkka illingnut; toᴋungajoᴋotit illijartoruk.

I Atannit 19:21

Utterporlo tapsomangat; tuktuvâglo iglugêk tiguvâk toᴋolugiglo, nerᴋingillo ikkoalavait ᴋejungnut tuktuvâk annunginêtunut, tunnivaillo inungnut, nerriᴋovlugit. Parngnailerporlo mallikpâlo Elia, kivgartorlâlo.

I Kronika 21:22

Davidiblo Arnan oᴋautiva: Inniksamik tunnitsivigilaunga ᴋakᴋojaksalliorvingme, Altaremik Nalekamut sanajungnarᴋovlunga tagvunga; namaktomik akkeᴋartillugo tunnijaksarivat uvamnut, pagvisartoâluk soraiᴋovlugo.

Idluarsaijut 6:26

Sanalutillo Altaremik ᴋairtub ᴋângane Nâlekamut Gûdingnut, âkᴋiksorlugolo, tigusilutillo angusâllub aipanganik, tunnijilutillo tunnergutiksamik ôtaksamik ᴋejungmut nappartunit Gûdingoatalingnit nakᴋarlauktarnit.

I Samuel 6:14

Aksôlloaligle tikkipok Josuab Bethsemesemiub perorsêviᴋotinganut, nokᴋarlunelo tagvane. Ujarasuksoaᴋalaukporlo tagvane. Tapkoalo aksalloaliub ᴋejuktanginik ᴋoppisivut, tuktuvâglo tunnergutiksautipakit Nalekamut, tunnergutiksamut ôtaksamut.