II Samuel 23:5 - Labrador Inuttitut Heritage Bible

⁵ Igluga taimailingalungigalloarmat Gudeme, angernermigle tunnitsivigilaukpânga soraijuitomik, aᴋiksoijomik tamainik, soᴋᴋosijuitomiglo, piulijaujutigijamniglo tamât, tussugijamniglo, sulle perorsaᴋolungigalloarmago.

II Samuel 23:5 Iomraidhean Croise

Genesis 9:16

Ajagutarlo nuvujanêtuksauvoᴋ, uvangalo takosarlugo erᴋaumajomârpara Gûdib angerninga soᴋᴋosijuitoᴋ ômajunut tarnelingnut tamainut, uvinilingnut nunamêtunut tamainut.

II Samuel 12:10

Manna saviksoak nûlertuksaungilak iglokotingnit soraijuitomik; nachogilauramga, Uriablo Hetitereôjub nullianga tigulaurangne, nulliangôᴋovlugo illingnut.

II Samuel 13:14

Tapsomale nalegomalaungila, sâlagivâlo, sangêtipâlo innangaᴋattigilugolo.

II Samuel 13:28

Absalomible nukapiaᴋotine perᴋovait, oᴋarlunelo: Kamatsiaritse, Amnon Weinemut ᴋuviasulerpat, uvangalo oᴋautigupse: Amnone annaulersiuk, toᴋᴋolugolo, sivuraᴋonnase, perᴋolaurapse; sivurajuileritse omaridlarluselo.

II Samuel 18:14

Joabe oᴋarpok: Taimak akkunêrtigijomik nokᴋarungnangilanga illingne. Tagva Joabib ᴋallugitset pingasut tiguvait aggangminut, kapputilaitalo Absalomib omattinganut innotillugo sulle Eicheme.

II Samuel 7:12

Manna nalliunît annigoromârpat, atâtagijattit illagallugit nallavlutit sinnigomâruvit, kinguvaksat, timingnit pijuksak kingunerne makkititsomavara, taimna attaniovinganik naᴋᴋitervigijomavara.

II Samuel 7:18

Tagva Davide attannek ᴋaivok, nokᴋangalunelo Nalekab sângane, oᴋarlunelo: Kinauvîk Nalegak Nalegak! iglomioᴋatikkalo sunauvât, manna tikkidlugo âlauramga?

I Atannit 1:5

Adoniale Hagithib erninga angijorortipok, oᴋarlunelo: Ataningoromavunga; sanaᴋojilunelo ingminut ᴋammutingnik aksalloalingnik, angutiniglo ablangajunik horsine, angutiniglo 50 ginik sivurlertunik tapsominga.

I Atannit 11:38

Nâletsiarniaruvillo mânna tamainik perᴋoniartamnik illingnut, agvertarniaruvillo apᴋosinimne, pinniarlutillo ᴋuviagijamnik, idluarijakka perᴋojakkalo malliklugit piguvit, sorlo kivgara Davide pinniarlaungmat; tagva aiparijomavagit, iglolioromavlutillo soᴋosijuitomik, sorlo Davide igloliorlaurapᴋo, tunnitsivigijomavlutillo Israelemik;

I Atannit 12:14

Oᴋarvigivaillo inosuktut atannertuiningat malliklugo, oᴋarlunelo: Atâtama nangmagaksase oᴋumaitilaukpait, uvangale illautitsijomavunga sulle; atâtama ipperautanut ipperartorlaukpase, uvangale Scorpioninut sugiaromavapse.

Imgerut 111:9

Piuliklernek tillikliutivâ innuᴋotiminut; angerpok angersimaninga îtsainartuksaungmat issoᴋangitomut, Attinga ivsornaitoksôvok, opinartoksôlarmelo.

Imgerut 119:81

Tarnima piuliklernît kêmitigvigivâ; oᴋautsitit tattigivakka.

Imgerut 27:4

Attausek ᴋennuarivara Nâlekamit, pijomadlartara; Nâlekab iglunganêtsainarungnarᴋovlunga, Nâlekab innerᴋonarninga tautuklugo, Tempeleᴋotingalo ᴋemergolugo.

Imgerut 62:2

Tâmna ᴋairtorivara, ikajortigilugolo, sapputsauvigilugolo, angijomik aulaniarᴋonanga.

Imgerut 89:3

Anerijara angerᴋattigilaukpara; Davide kivgara angermarilaukpara:

Jesaiase 11:1

Nutaijortomik nuijoᴋaromârpoᴋ Isaib kippanganit, akkeromiglo perortoᴋaromârpoᴋ amânganit.

Jesaiase 27:6

Uvlune pijomârtune Jâko amâᴋaleromârpoᴋ Israêlelo perortuksaᴋalerlune siggileromârpoᴋ, nunaᴋsûb ᴋânga perortunik ullipkillugo.

Jesaiase 4:2

Tamanna nalliutikpat, Nâlekab nuilertitanga ivlernautauvlunelo nertornautaujomârpoᴋ, nunablo (Kânaanib) perortunga annernautauvlunelo inerᴋonautaujomârpoᴋ Israêlitinut amiakôjunut.

Jesaiase 54:10

Kaᴋᴋat nuktilerpattalõnêt, ᴋaᴋᴋârulaillo aulajârpattalõnêt, nâpkigosungnera nukteromângilaᴋ illingnit, angerneralo ullapirsartaumanimnik aulajâromânginivoᴋ, oᴋarpoᴋ Nâlegaᴋ nâpkigijit.

Jesaiase 55:3

Siutise mannivlugit ᴋaititse uvamnut, tussaleritse, tarnise tagva ômajomârput, angervigijomârpapselo issoᴋangitomut illingajuksanik, saimanartunik pilliutigijamnik Dâvidemut soraijuitomik.

Jesaiase 61:8

Uvanga Nâlegaugama idluarnermik ivlersijoᴋ arᴋtainerdlungnermiglo ômisuktoᴋ. Akkileromârpakkalo nallâgut, angervigijomârlugillo issoᴋangitomut illingajuksanik.

Jesaiase 7:14

Taimaimat Nâlekab nangmineᴋ nallunaikutamik tunitjivigijomârpâse. Ahâk, uigasuk singaivoᴋ ernermiglo ernijomârpoᴋ, tâmna Imânuelemik (imaipoᴋ: Gûdib illagivâtigut) atseraromârpâ.

Jeremia 32:40

Tâpkonungalo angeᴋatigêngnelioromavunga soraijuituksaujomik, sorairomanginama ajungitulivigivlugit; ômamiutaᴋartitsomavakkalo sivôranermik uvamnik ᴋemaiᴋonagillo uvamnik.

Jeremia 33:21

Tagvatauᴋ angerutigijara kivgamnut Dâvidemut, erneᴋarungnaituksaungimat iksivautaksoangane ataniojuksamik, kivgamnullo Levikunut ajoᴋertuijunut, serᴋomitaujungnarivok.

Hesekiel 37:26

Uvangalo angeᴋatigijomârpakka ulapirᴋsauteᴋaᴋatigêngnermik: angeᴋatigêngneolârpoᴋ soraijuitoᴋ: ineᴋartitsomârpakkalo unuksitilugillo, ivsornaitoviᴋotigalo tâpkonanêtsainartitsomârpara soraijuitomik.

Amos 9:11

Uvlorme tâpsomane Dâvidib tupersoanga oggosimajok napartitsomârpara, angmarningillo matulugit; asserorningillo napartitsomârivakka, inertorlugillo itsartut;

Apostelit Piniarningit 13:34

Toᴋungajunillo tupaktinamiuk aserornartomut (iluverme) perᴋojungnairdlugo kingorngane, tamattominga imâk oᴋarpok: Dâvidib angervioninginik soᴋosijuitunik tunitjivigijomavapse.

Ebrêerinut 13:20

Gûdible ullapirsaijub, toᴋungajunit anititsijub Nâlegaptingnik Jêsusemik, saukat mianerijersoanganik, Testamentib issoᴋangitub aunganut,

Ebrêerinut 6:19

Tamanna tarnipta kissangat sôngovlune ᴋolarnangitoᴋ, upkoᴋsûb ungatânut aglât pijoᴋ;

I Samuel 2:35

Uvangale erniangotitsijomavunga ajochertuijomik nertornartomik, tamna pinniartuksauvok ᴋannok omattima tarnimalo namagijaunigingnik; tapsomungalo iglolioromavunga iglomik soᴋᴋosijuitomik, agvertarᴋovlugo sorairane saimartitama sângane.

I Samuel 25:28

Kivgait issumagijungnaivigiuk idluitullinermik tamattominga. Nalekab nalegara sannaviginiarmago iglomik soᴋᴋosijuitomik, Nalekab unatadlarninginik aulatsigavit; idluitomiglo nachvartoᴋarniarane illingne, innôtsit nâlugo.