II Samuel 22:7 - Labrador Inuttitut Heritage Bible

⁷ Kappiasuleraiguma, tagva Nalegak nipliarvigivara, ᴋaigarsuklungalo Gudimnut; tagva Tempeleᴋotiminit nippiga tussarpa, ᴋaigarsungneralo sânganut pivok siutikingnut.

II Samuel 22:7 Iomraidhean Croise

Imgerut 107:6

Nâlekamullo niplialauktut kappiagijamingne, tâpsomalo piulilauktangit kappiasungninginnit;

Imgerut 116:4

Nâlekable attinga nipliavigilaukpara: Nâlegak, tarniga piulilauruktôk!

Imgerut 120:1

Siorniornimne ᴋaigarsukpunga Nâlekamut, tâpsomalo tussarpânga.

Imgerut 18:6

Kappiasungnimne Nâlegak nipliavigivara, ᴋaigarsuklungalo Gudimnut; tagva nippiga tussarpâ Tempeleᴋotiminit, ᴋaigarsungneralo sânganut siutikingnut, pivok.

Imgerut 27:4

Attausek ᴋennuarivara Nâlekamit, pijomadlartara; Nâlekab iglunganêtsainarungnarᴋovlunga, Nâlekab innerᴋonarninga tautuklugo, Tempeleᴋotingalo ᴋemergolugo.

Imgerut 34:6

Ajulertok una niplialauktillugo, Nâlegak tussalaukpok, ikajorlâlo ᴋannoêninginnit tamainit.

Exodus 3:7

Nalegarlo oᴋarpok: Inuᴋotima siorniorningit Egipteneme takovakka tusarpakkalo, angajoᴋâtik kivgartorlukatitsijut nipliajutigingmagit, kapiasungningit nalungilakka.

Jona 2:4

Oᴋarpungalo: Pingujartauvunga ijîkpît sângangnit; takosaromârpungale sulle katimavingnut ivsornaitomut.

Jona 2:7

Tarniga mungolermat ilumne, Nâlegaᴋ erᴋarpara; ᴋenuneralo kiblêvoᴋ ilingnut, ivsornaitovingnut.

Habakûb 2:20

Nâlegarle inigijaminêpoᴋ ivsornaitome; silaᴋsoaᴋ ilûnnane nipangerle tâpsoma sângane.

Lukase 22:44

Toᴋomullo aulaumajartitaugame tuksialualerpok. Kiagungningille kutititut auktun-itut nunamut katalerput.

Ebrêerinut 5:7

Tâmna uviningme inôtilugo tuksiarnermiglo ᴋenunermiglo tunerguserpoᴋ angijomik nipliadlarlune ᴋugviudlarlarmelo tâpsomunga piulijungnartiminut toᴋomit; tussâjaugivorlo, Gûde nâlekamiuk.

Jâkobusib 5:4

Ahâk sanajut, perorsêvipsingnit katersoijut, akkiksangita ilipsingnut mikinersautitauningit nipliadlarput; katersoijullo (tâpkoa) nipliadlarningit Nâlekab Zebaotib siutîgingnut pimanerput.