II Samuel 22:3 - Labrador Inuttitut Heritage Bible

³ Gude torᴋorviksaᴋautigivara tattigijara, sappulutaksarijara, piulijauviksamalo sakkotinga, sapputsijiga ᴋemâvigijaralo, piulijiga, piuliklertotit uvamnik idluitullivionermit.

II Samuel 22:3 Iomraidhean Croise

Genesis 15:1

Pijoᴋartut tamakkoa kingorngatigut Nâlekab oᴋausinga Abramut pivoᴋ takotitjutikut, oᴋarlune: Sivôraniarnak, Abra, uvanga tagva sapputjauvît, amigangitomiglo akkilertauvît.

II Samuel 22:31

Gudib apkosiningit ᴋanoêtoᴋatsengilet, Nalekab oᴋausingit illakangilet. Tamna sappulutauvok illunainut tatteᴋartunut tapsominga.

II Samuel 22:47

Nalegak omavok, ᴋairtoralo torᴋorviksaᴋautiga, Gudigalo nertortaule, piulijauviksama ᴋairtunga nakorijaule.

II Samuel 22:49

Tapsoma ikajorpânga omigijimnit. Igvit angijorortiparma taipkonangat akkerartortimnit; igvit ikajorparma koksalaitunit.

II Samuel 22:51

Attanneᴋotiminut sakᴋertitsijok, piulijaunermik angijoksoarmik, ajungitullijorlo saimartitaminut Davidemut, tapsomalo kinguvânginut soraijuitomik.

II Samuel 23:3

Israelib Gudinga oᴋalaukpok uvamnut, Israeliblo ᴋairtunga oᴋâlalaukpok, attanniôjok idluartok innuit akkorngane, attanniôjok sivuranerme Gudemik.

Imgerut 14:6

Aklujub ᴋajusimaningit mittautigivasse; Gûdele tattigivâ.

Imgerut 140:1

Piulilaunga Nâlegak innungnit idluitunnit; sapputilaunga innungnit pinnialuktunnit;

Imgerut 140:11

Kannelik idluitomik pilloringneᴋarniangilak nuname; innuk pinniarluktok idluitok aijaliktaujomârpok ochotitaujomârlunelo.

Imgerut 140:4

Sapputilaunga, Nâlegak, Gûdeᴋangitut agganginit; udsertulaunga, innungnit pinnialuktunnit, arvertarnimnik ochotitsinasuartunnit.

Imgerut 142:4

Tallerpingmut takkosarpunga, ahâglo, tagva kialonêt illitarijomangilânga. Namut ᴋemâjungnangilanga, kialonêt tarniga kamagingilâ.

Imgerut 144:2

Pitsiarvigijiga, serngnigijiksaᴋautigijaralo, sapputsijigalo, piulijigalo, sappulutarijara, tattigijara, innuᴋotimnik nâlaktitsijok uvamnik.

Imgerut 18:2

Nâlegak ᴋairtorijara, serngnigijiksaᴋautigijaralo, piulijigalo; Gûdiga torᴋorviksaᴋautigijara tattigijara, sappulutaksarijara, piulijauviksamalo sakkunga, sapputsijigalo.

Imgerut 27:5

Tâpsoma serngnigingmanga iglomine nalliunerluktome, ijerpângalo tuppingmine, ᴋagvertipângalo ᴋairtub ᴋânganut.

Imgerut 28:7

Nâlegak pitsartutigivara, sappulutarilugolo; ômattima tâmna tattigiva, ikajortaumalungalo; ômattigalo ᴋuviasukpok; kutsaservigijomavaralo imgerumut.

Imgerut 3:3

Igville Nâlegak sappulutaksauvotit uvamnut, nâlengnartitsijok uvamnik, niakumniglo kagvertitsijok.

Imgerut 32:7

Igvit serngnigijiksarivagit, sappumijartiniarparma kappiaktoarnermit, piulijauvlunga ᴋuviasuklunga nertordlerungnarᴋovlunga, Sêla.

Imgerut 46:1

Gude sungertutigivavut, pitsartutigilugolo; tukkisijaudlarpok ikajorteôngmat ᴋannoêtune.

Imgerut 46:11

Nâlekab Zêbaotib illagivâtigut, Jakob Gûdinga sapputjigivavut.

Imgerut 46:2

Tamanna pivlugo nangiarlungilagut, sillaksoak nungunajaralloarpât, ᴋaᴋᴋello kivigalloarpâtta imarbiub ᴋerᴋanut.

Imgerut 46:7

Nâlekab Zêbaotib illagivâtigut, Jakob Gûdinga sapputjigivavut. Sêla.

Imgerut 5:12

Igvit Nâlegak idluartut pitsartutigangne; niakoserpâttit saimarvionermik sappulutarmut sorlo.

Imgerut 55:9

Ekit Nâlegak, oᴋangillo adsigêgungnaitikit; pinniarlungnernik akkerartornermiglo takkogama iglugasaksoarne;

Imgerut 59:16

Uvangale pitsartunît imgerutigijomavara uvlâkullo pitsiarnît nertoromavara; igvit sapputsauvigigapkit, ᴋemâviksarilutillo kappiasungnimne.

Imgerut 61:3

Igvit sungertutigigapkit, nuvugosengovlutit sôngojok, ômisuktub sângane.

Imgerut 71:7

Unnuktunnut tattamnartotut îpunga; igville sungertutigivagit sôngojok.

Imgerut 72:14

Tâpkoa tarningit uivêrijaunermit namangitullivionermillo piulijomârpait; aungello akkitonasugijaujomârpok tâpsoma sângane.

Imgerut 84:11

Gûde Nâlegak seᴋᴋiniôngmat, sappulutaungmallo; Nâlegak saimarveᴋarnermik, nertornarnermiglo tunnijivok; idluitailijut ajoksarᴋoniangilait ajungitomik.

Imgerut 84:9

Gûde sappulutarijavut, takkosarittôk; mingoartavît kênanga takkonâlauruk.

Imgerut 86:14

Gûde piojorijut akkerartorpânga, attanniâluillo unnurningita tarniga unangmivât, illingniglo peᴋangilat ijimik sânginê.

Imgerut 9:10

Taimaimât tattigivâtit atternik illitarksijut; igvit ᴋemalunginangne illingnik Nâlegak ᴋennertut.

Imgerut 9:9

Nâlegarlo sappulutauvok aklujunnut, sappulutak nangiarnartomê.

Exodus 15:2

Nâlegak sôngonerivara imgerutigilugolo piulijigilâllo; tâmna tagga Gûdiga, iniksalioromavaralo; atâtama Gûdinga, nertudlaromavaralo.

Salomob Okâl 18:10

Nâlekab atinga sapputsauviksauvok songojok; idluartub akpangervigiva, sapputijaulunelo.

Salomob Okâl 30:5

Gûdib oᴋausingit ilûnatik ilaᴋangilat; tâmna sappulutauvok tettigijiminut ilûnainut.

Jesaiase 12:2

Ahâk Gûde piulijigijara! Tattiksaᴋarpunga sivoranangalo, Gûde Nâlegaᴋ pitsartutigigapko imgerutigivlugolo; tâmna piulijigivara.

Jesaiase 32:2

Angutit attunit illingajomârput sôrlo oᴋᴋoalineᴋ aᴋᴋunaᴋsoame, sôrlo sillaluilitaᴋ, sôrlo kôgvik imermik nuname ermgitome, sôrlo ᴋairtoᴋsûb tachalininga nuname pannertome.

Jesaiase 45:21

Oᴋâlatitse, tamaungarluselo ᴋaggimioleritse! Kia itsaᴋsoarnit tamanna tussartautipaûk ᴋaujijautillugolo sivornganenit? Uvanga Nâlegaujunga tamanna pinialungitarâ? Assimniglo Gûdeᴋangilaᴋ, idluartôjomik piuliklerteojomiglo Gûdeᴋangilaᴋ assimnik.

Jeremia 16:19

Nâlagaᴋ, sôngonerijara, serngnigijauviksaralo, ᴋemâvigijaralo kapiasungnima uvlungane, ilingnut inôᴋatigêksuit silaᴋsûb issunginit tikituksaulârput, oᴋarlutik: Atâtagilauᴋtavut kingormgutijatuaᴋalauᴋput saglonernik, ila, suksaungitunik, pingniglo idluarᴋutiksaulaungitunik.

Jeremia 16:9

Imâk Nâlagaᴋ Zebaot, Israêlib Gudinga, oᴋarmat: Ahâk, sorairtitsomavakka nuname tamattomane, ijipse sângine uvlupsingnalo, ᴋuviasuktut nippingit serrijullo nippingit; nulianiktut nippingit uiniktullo nippingit.

Lukase 1:47

Anernermalo Gûde Piulijiga ᴋuviasugvigivâ.

Lukase 1:69

Nuilertitsivigingmatigut nagjumik puiliklertiksamik kivgame Dâvidib iglungane,

Lukase 1:71

Piulijomavluta akkerartortiptingnit, ômigigijiptalo ilûnatik agganginit;

Deuteronomy 32:37

Oᴋaromârporlo: Gûdeᴋotingit naneᴋât, ᴋairtok unneᴋsiorvigijangât;

Deuteronomy 32:4

Kairtôvok, suliangit ᴋaᴋiarnangimarikput; apᴋotingit ilûnatik idluartôvut; Gûdeovok nelâgôrtok idluineᴋatsangitorlo, idluartôvok nertornarlunelo.

Deuteronomy 33:29

Piloridlarpotit, Israêle, kia adsigivâtît? Inôᴋatigêksuit piulijaujut Nâlekamut, sapûlutarijarnut, ikajortigijarnut, saviksoarmullo inornautigijarnut! Omigijitillo manigotijomârput ilingnut, igvillo tâpkoa poktoningit tullerajalârpatit.

Titusemut 3:4

Gûdible piulijipta ilannâᴋaringa nagligosungningalo Sakᴋijârmânik,

Titusemut 3:6

(Gûdib) kovilauktangata uvaptingnut amigangitomik Jêsuse Kristûsikut piulijiptigut;

Ebrêerinut 2:13

Amalo: Tâmna tattigijomavara. Amatauᴋ: Ahâk, mânêpunga ᴋitorngallo Gûdib tunijangit uvamnut.

I Samuel 2:1

Hannalo tuksiarpok oᴋarlunelo: Omattiga ᴋuviasukpok Nalekame, pitsartunera angijorortitaumavok Nalekame, ᴋannera angmarmarikpok omigijikka pivlugit; piuliklernît ᴋuviasutigigapko.

I Samuel 2:2

Ivsornaitoᴋangilak Nalekab assianik; illingnit asseᴋangilak; sapputsauviksaᴋalungilarlo Gudipta assianik.