II Samuel 20:2 - Labrador Inuttitut Heritage Bible

² Tagva Israelitit illunamasiatik Davide allarpât, mallikpâllo Seba Bichrib erninga. Judable angutingita attanneᴋotitik attâvigivât Jordanemit Jerusaleme tikkilugo.

II Samuel 20:2 Iomraidhean Croise

II Samuel 19:15

Taimak attannek utterivok, Jordanemullo tikkimat, Judab angutingit Gilgalemut tikkisimalaukput, attersaromavlutik, attannek pachrearomavlugo, attannerlo ikârtilugo Jordanib akkianut.

II Samuel 20:1

Anguteᴋalaukporlo tagvane illitarijaujomik kuksalaitomik, Sebamik attelingmik, Bichirib, angutib Jeminib kinguvânginit pijub erninganik; tapsoma tiptulaut tiptulausijautigiva oᴋarlunelo: Illangiutiviᴋalungilagut Davidemik, kingormgutijaksaᴋaratalonêt Isaib erningane. Israelitiôjut illunamasiatik attunît ailerlit igloᴋotimingnut!

II Samuel 20:21

Angutible Efraimib ᴋaᴋᴋanginit pijub, Sebamik attiggub, Bichrib erningata, attannek Davide pikablavigilugo akkerartorlaukpa. Tamna kissimiovlune tunnilersiuk, tagva iglugasaksoarnint nûtsomavunga. Arnab Joabe oᴋautiva: Ahâk niaᴋoa egitaujuksauvok illingnut avalut ᴋollâtigut.

II Samuel 20:3

Attanerle Davide angerarsimalerame Jerusalemut, pannervget tallimaujortut ᴋemmalauktane iglomik paiᴋovlugit tiguvait, pitilaitalo pairijauvingmut, pattangaitilugillo, sinniᴋattigilungilaille. Taimaglo parngnanairsortaulaukput toᴋᴋotik tikkilugit, innôlutiglo uigarniojutitut.

I Atannit 12:20

Israelitit illuêngarlutik tusaramik mânna Jerobeame uttersimangmat, tikkilerput, ᴋaikᴋojauᴋolâlo illagêktunut, atanningortilâlo Israelitit ilûnnamasianginut; kinguvarêllo Judakut asinginik, malliktoᴋalaungilak atautsemiglonêt Davidib iglunganik.

II Kronika 10:17

Israelib ᴋittornganginut Judakut iglugasaksoangine igloᴋartunut Rehabeame attanniotivok.

Imgerut 62:9

Innuille ᴋittorngangit sunaungimarikput; Inuit pijariaᴋortojut saglopakputtauk; kiktitautingne oᴋinersauvut sunaungitomit unnuktôgalloarlutik.

Salomob Okâl 17:14

Akkerartornermik pigialertok, imeksub kipputanik Serᴋomitsijotun-ipok. Akkerartornek ᴋemaguk Pigiarᴋârtinago.

Apostelit Piniarningit 11:23

Tâmna tagvunga pigame, Gûdiblo saimanersoanga misigileramiuk, ᴋuviasulerpok kaiblarlugillo tamaita pivait, ômamut ilûnânut nipingatsainarᴋovlugit Nâlekamut.