II Samuel 20:1 - Labrador Inuttitut Heritage Bible

¹ Anguteᴋalaukporlo tagvane illitarijaujomik kuksalaitomik, Sebamik attelingmik, Bichirib, angutib Jeminib kinguvânginit pijub erninganik; tapsoma tiptulaut tiptulausijautigiva oᴋarlunelo: Illangiutiviᴋalungilagut Davidemik, kingormgutijaksaᴋaratalonêt Isaib erningane. Israelitiôjut illunamasiatik attunît ailerlit igloᴋotimingnut!

II Samuel 20:1 Iomraidhean Croise

Genesis 46:21

Benjaminib erningit: Bela, Beker, Asbel, Gera, Naman, Eigi, Ros, Mupim, Hupim, Arde.

II Samuel 15:10

Absalomele nautsertortuksanik tilliklilaukpok Israelitit kinguvarênginut illunainut, oᴋautsauᴋojilunelo: Tiptulautib nippinganik tussarniarupse, tagva nipliaritse: Absalome attanningortitaumavok Hebroneme.

II Samuel 16:11

Davidelo Abisaimut kivgaminullo illunainut oᴋarpok: Ahâk, ernima, timimnit pimajub, pijugakpânga, suna pivlugo Jeminib erninga una manna taimailiortuksaunginiva? Agviarnago taimailiorle, oᴋarnerluᴋovlugo, Nalekab perᴋolaungmago.

II Samuel 16:7

Imâgle Simei oᴋarpok, oᴋarnerlutjilune: Annit, annit, kingmiôjotit aungmik nerrijok, anguteâlôjotit!

II Samuel 18:17

Absalomelo tiguvât, egilugolo nappartut akkornganut ittersâlungmut, ujarᴋello unnuktut perorliutivait ᴋânganut. Israelitillo illuêngarlutik attunît ᴋemâvut igloᴋotimingnut.

II Samuel 20:2

Tagva Israelitit illunamasiatik Davide allarpât, mallikpâllo Seba Bichrib erninga. Judable angutingita attanneᴋotitik attâvigivât Jordanemit Jerusaleme tikkilugo.

II Samuel 20:22

Arnarlo ᴋamunga tikkipok innugatoksoarnut illunainut sillatunerminut. Tapkoalo Sebab Bichrib erningata niaᴋunga nakkarpât, egilugolo Joabemut. Tagva tapsoma tiptulaut tiptulausijautigiva, tapkoalo siamalerput iglugasaksoarnint, illunatik attunit iglomingnut. Joabele uttilerivok Jerusalemut attanermut.

II Samuel 23:6

Belialille illunatik Dornititut nutsuksimajutitut îput, aggangnut tigujaujungnangitutitut;

I Atannit 12:16

Israelitille ilûnnamasiangit takkogamik atanniub tusaromangimagit, inugasaksuit atannek kiovât oᴋarlutiglo: Sunamik illangiutiviᴋarᴋita Davidemik? Isaiblo erninga pigingilavut, Israelitiôjose aileritse tuppeᴋotipsingnut! Taimâk mânna igvit Davideᴋotivît iglunga takkonâruk. Taimâk Israelitit aivut tupperᴋotimingnut,

I Atannit 21:10

Angutiglo uivêtuk ingitisigik tapsoma sânganut, pasiklerᴋovlugik tapsominga, oᴋarlutiglo: Gûdelo atannerlo oᴋarnerlotigilaukpâkik. Annitissiuglo millorlugolo toᴋolugo.

II Kronika 10:16

Israelitille illunamasiangit takkogamik attanniub nalangimagit, innugasaksuit attannek kiovât oᴋarlutiglo: Sunamik illangiutiviᴋarkita Davidemik? kingormgutijaksaᴋangilagullo Isaib erningane! Israelitiôjose, aileritse tuppeᴋotipsingnut! Taimak manna igvit igloᴋotit takkonâruk Davide. Israelitillo illunamasiatik tupperᴋotimingnut aivut.

II Kronika 10:6

Attanniublo Rehabeamib angajoᴋaunerôjut atâtame Salomob sângane innôtillugo nangerlauktut kachimiolerᴋattigivait, oᴋarlunelo: ᴋannok attannertuivise innugasaksuit taipkoa kiolugit?

Imgerut 17:13

Nâlegak oppalungairit, ingiariartoruk, manigotitilugolo Nâlegâk; tarniga piulilauruk Gûdeᴋangitunnit saviksoaᴋotingnut.

Imgerut 34:19

Idluartok kappiagijaᴋarpok unnuktunnik, Nâlekable ikajorpâ tamakkonangat tamainit.

Salomob Okâl 25:8

Aivasarainiarnak; sumigle kingorngane piniaromavit, inûᴋattingnut kangusuktitaumaguvit.

Salomob Okâl 26:21

Sôrlo aumat ilijaukpatta aumakunut, ᴋejuillo ikkomamut, taimak inuk aivanigok akkerartornermik pigialerpok.

Markuse 3:24

Atanioviub inungit ingmingnut illagêgungnairunik, nunguniarput.

Lukase 19:14

Inuᴋatingitale ômigigamitsuk, oᴋautjaugartorᴋovât: tâmna atanioterᴋongilavut uvaptingnut.

Lukase 19:27

Ipkoale uvamnut akkerartortut, uvamnullo ataniotiviojomangitut ᴋaisigik toᴋosigiglo sakᴋamne.

Johannese 13:8

Tagva Pêtrusibo ᴋautivâ: Itigakka ubvaraksaritsangilatit. Jêsusib kiovâ: Ubvarniangikupkit, illangiuteᴋatiginiangilarma.

Deuteronomy 13:13

Angutit inorluktut ilangit akunapsingnit pisimavut, uerisailutiglo iglugasaksoaᴋotimik inungita ilanginik, oᴋarlutik: Gûdib assingit, ilitarilaungitase, kivgartoriartulerlavut;

Idluarsaijut 19:22

Ommatingille serridlartillugit mânna, ahâk, tagva iglugasaksuit inungit uivêtoâluit tikkiput, iglulo illumavât, avilortarlutiglo upkoamut, oᴋarlutiglo îtomut, iglub angajoᴋanganut: Angut iglungnut tikkitok annitileruk, illitarksilerᴋovluta tapsominga.

Idluarsaijut 3:27

Tagvungalo pigame, tiptulaut tiptulausijautigivâ Efraimib ᴋakᴋangine. Israeliblo ᴋitorngangita aularᴋattigivât Efraimib ᴋakᴋanginit, tamnalo sivorlerivât.

Ruth 2:3

Tamna aivok, tikkilune kattersivok perorsêvingme kibluijut malliklugit. Nellautsivorlo perorsêvik tamna perkutaulaungmat Boasemut Elimelechib illanginit pijomut.

I Samuel 13:2

Israelitinit angutit 3,000 dit annerivait. Angutit 2,000 dit Saule illagilugo Michmasemêlaukput, Betheliblo ᴋakᴋangane, 1,000 dillo Jonathane illagivât Gibeame Benjaminib nunanganêtome; innuksuille assingit aularᴋovait, illunatik attunit iglomingnut.

I Samuel 2:12

Elible ernigik uivêtoksôlaukpuk: tapkoa Nalegak ᴋujanarutigilaukpak;

I Samuel 30:22

Tagva innuit kassêtut kuksalaitullo, Davidib illagilauktangita akkornganêtut, kiovut oᴋarlutiglo: Aularᴋattigilaungimattigut, tunitsiviojuksaungilit aksarnigaujunit piulilauktaptingnit. Nalliatale nulliane ᴋittornganelo tassiorligit aularlunelo.