II Samuel 2:23 - Labrador Inuttitut Heritage Bible

²³ Kunnulaukporle nûvigilugo. Tagva Abnerib kingumut ᴋallugiaminut kappiva nângagut, ᴋallugiak tunnuagut annilermat; ochovorlo tagvane, toᴋᴋolerlunelo tapsoma sângane, nalliallo tikkitok tagvunga Asahalib toᴋᴋungavlune nallavigijanganut nokᴋarpok.

II Samuel 2:23 Iomraidhean Croise

II Samuel 2:24

Joabible Abisaiblo Abner udlavâk seᴋᴋerngub nippininga tikkilugo. Tikkinamiglo Amab kakkarulânganut Giab sânganêtomut, apᴋome sangmijome Gibeonib sunaᴋajuitunganut;

II Samuel 20:10

Amasablo saviksoak Joabib agganginêtok kamatsoliorpa; tapsomalo tamattomunga kappiva nângagut, erchavingit kattangmatta nunamut, kappipsarlaungilâlo, toᴋᴋolaukporlo. Joabible angajuatalo Abisaib Seba Bichrib erninga udlalaukpâk.

II Samuel 3:27

Abnerelo manna tikkipsarmat Hebronemut, Joabib tessiorpa ittertarviksub ᴋerᴋânut, angigutsivlune oᴋarᴋattigijomavlugo; kappivâlo tagvane nângagut, toᴋᴋolerᴋovlugo, nukame Asahelib aunga pivlugo.

II Samuel 3:30

Taimak Joabib angajuatalo Abisaib Abner toᴋᴋopâk, tamanna pivlugo nukagik Asahele toᴋᴋolaungmago unatadlarnerme Gibeoneme.

II Samuel 4:6

Tikkipuglo iglub illuanut, ᴋakᴋojaksanik Waizenik aiklejûjâjumavlutik, kappivâglo nângagut ᴋemâlutiglo.

II Samuel 5:6

Attannerlo anguteᴋotine illagellugit aularpok Jerusalemut, Jebusiterit nunaᴋalauktut tagvane sorsugvigijomavlugit. Tapkoale Davide oᴋautivât: Ovunga itterniangilatit; tautungitulle tussiatullo agviarniarpâtit. Issumaᴋalaukpulle Davide tagvunga itterungnarniangimat.