II Samuel 2:1 - Labrador Inuttitut Heritage Bible

¹ Pijoᴋalauktut tamakkoa kingorngane Davidib Nalegak apperiva, oᴋarlunelo: Majorartuksauvîk paunga Judab iglugasaksoangita illanganut? Nalekablo oᴋautiva: Majorarit paunga. Davide oᴋarpok: Namut? Tamna oᴋarpok: Hebronemut.

II Samuel 2:1 Iomraidhean Croise

Genesis 13:18

Tagva Abrab tuppine nûtipait, tikkiutivlunelo nunaᴋalerpoᴋ Mamrib napârtungine Hebronemêtune, tagvanelo Nâlekamut tunerguserviliorpoᴋ.

Genesis 32:2

Takoleramigillo, oᴋarpoᴋ: Tamadja Gûdib kattimgajoᴋsoaᴋotingit; nunalo tamanna taivâ Mahanaimik.

II Samuel 15:7

Jarit 40 git kingorngane Absalome attannermut oᴋarpok: Aijomavunga angerneralo nallautsititsomavara Hebroneme, Nalekamut angernerilauktara.

II Samuel 2:11

Nalliutorlo Davide attanniotillugo Hebroneme Judakunut, Jariôvut 7 it takkillo pingasojortut.

II Samuel 5:19

Davidiblo Nalegak appertsorpa, oᴋarlunelo: Paunga majorartuksauvîk Filisterit akkerartorlugit? Aggamnullo tunnijomavigit? Nalegak Davidemut oᴋarpok: Majorarit takpaunga, Filisterit tunnijomavakka aggangnut.

II Samuel 5:23

Davidiblo Nalegak apperiva; tamna oᴋarpok: Majorartuksaungilatit paunga; kingorngattigulle tikkikit, tikkiᴋovlutit tapkonunga nappartut Maulberiggit sâdlugit.

I Atannit 2:11

Nelliutorle Davidib atanniovia Israelitinut Jâreôvut 40 git. Jârit 7 it nâlugit atanniolaukpok Hebroneme, Jârit 33 nâlugit Jerusaleme.

I Kronika 29:7

Tunnijilutiglo attoraksanik Gûdib iglunganut, Talentinik 5,000 dinik, 10,000 diniglo kênaujanik Goldeôjunik, Talentiniglo 10,000 dinik Silberemik, Talentiniglo 18,000 dinik ᴋannujanik, Talentiniglo 10,000 dinik kikkiengmik.

II Kronika 11:10

Zarega, Ajalon, Hebronelo, tapᴋoa iglugasaksoangolaukput songotitaksat Judame Benjaminemelo.

Imgerut 143:8

Uvlarârsukut tussarᴋovlunga saimarveᴋarnernik, tattigigapkit. Nallojungnaitilaunga apᴋosinermik arvertarviksamnik; ᴋajungervigigapkit.

Imgerut 27:4

Attausek ᴋennuarivara Nâlekamit, pijomadlartara; Nâlekab iglunganêtsainarungnarᴋovlunga, Nâlekab innerᴋonarninga tautuklugo, Tempeleᴋotingalo ᴋemergolugo.

Hesekiel 36:37

Imâk oᴋarpoᴋ Nâlegaᴋ Nâlegaujoᴋ: Mattominga sulle ᴋenuviojomârpunga Israêlib ᴋitornganginut, taimailiorvigivlugit piᴋovlunga; inungit unuksititsomârpakka sorlo saukat.

Numbers 13:22

Tâvungarput seᴋernganit tikilutiglo Hebronemut; Ahimanelo, Sesailo, Talmailo Enakib erningit tagvanêput. (Hebronelo igloliortaulauᴋpoᴋ jârit sevenit Zoanib Egiptenemêtûb sivorngane.)

Numbers 27:21

Eliasariblo ajoᴋertuijûb sângane nangertuksauvoᴋ, tâpsomalo ᴋaumaᴋutib idluarsaininga atorlugo Nâlekab sângane aperᴋutigijaksarivâ; tâpsoma oᴋausinga maliklugo anijuksauvut, tâpsomalo oᴋausinga maliklugo itertuksauvut, tâmna, Israêlikullo ilûnatik tâmna ilagilugo, tagva ilagêktoᴋsuit iluengartut.

Josua 15:13

Kalele Jefunib erninga tunnitsiviolaukpok ikkupianganik Judab ᴋittorngangita akkorngane, sorlo Nalegak perᴋojilaungmat, imaitomigle, Kiriat-Arbamik, Enakib atâtangata, tagva Hebronemik.

Idluarsaijut 1:1

Josuab toᴋongata kingorngane Israelib ᴋitorngangita Nâlegak appertsorpât, oᴋarlutiglo: Kina akkunaptingne unatadlarnermik Kanaaniterinut aulatsijuksauva?

I Samuel 10:22

Tagva Nalegak apperipsarpât: Ovungarniaralloarka? Nalegak kiovok: Ahâk, ijerlaukpok ᴋattaujat akkornganut.

I Samuel 23:2

Tagva Davidib Nalegak apperiva oᴋarlunelo: Aijuksauvîk tagvunga, Filisterillo taipkoa ullimârlugit? Nalegarlo Davidemut oᴋarpok: Ailerit tagvunga, Filisterillo ullimârniarpattit, Kegilamiullo piuliniarpattit.

I Samuel 23:4

Tagva Davidib Nalegak ama apperiva; Nalekablo kiova oᴋarlunelo: Atte, attersarit Kegilamut, Filisterit tunnijomagapkit aggangnut.

I Samuel 30:31

Taipkoa Hebronemêtut, illunanêtullo Davidib agvertarvigilauktangine anguteᴋotine illagilugit.