II Samuel 19:13 - Labrador Inuttitut Heritage Bible

¹³ Amasamullo oᴋaleritik: Sauneᴋarᴋattigingilagit uvineᴋarᴋattigingilagillo? Gudib imâglo imâglo pinniarvigilinga, angajoᴋaksoangojuksaungikuvit sorsuktuksaᴋattigêksoarnut sâmne, Joabib iningane, innôtsit nâlugo.

II Samuel 19:13 Iomraidhean Croise

Genesis 29:14

Labanible oᴋautivâ; Ahale, sauningma uviningmalo illagivâtit. Taᴋᴋerlo nâvlugo tagvanêngmat,

II Samuel 17:25

Absalomiblo Amasa Joabib inningane angajoᴋangortilaukpa sorsuktuksaᴋattigêksoarnut. Amasale erniolaukpok angumut Jethramik attelingmut, Israeliteôjomut, taipsoma Abigail Nahasib pannia, Zerujab Joabib anânangata nukanga aipariva.

II Samuel 18:11

Joabiblo angut tamna oᴋautjine tamattominga oᴋautiva: Ahâk, tamattominga takkolaukît? Sôg annaulaungikiuk, nunamut ochotilugo? Tagva pivlunga Silberlinginik 10 nik, tapserumiglo tunnitsivigijomanajarpagit.

II Samuel 20:4

Attannerlo Amasamut oᴋarpok: Angutit Judame, illunaita ᴋaiᴋokit, ᴋaiᴋovlugit uvluk pingajuane; igvillotauk tamâne nangertuksauvotit.

II Samuel 3:27

Abnerelo manna tikkipsarmat Hebronemut, Joabib tessiorpa ittertarviksub ᴋerᴋânut, angigutsivlune oᴋarᴋattigijomavlugo; kappivâlo tagvane nângagut, toᴋᴋolerᴋovlugo, nukame Asahelib aunga pivlugo.

II Samuel 5:1

Kinguvarêllo Israelitit illunatik tikkilerput Davidemut Hebronemut, oᴋarlutiglo: Ahâk, sauneᴋattigivaptigit, uvineᴋattigilutillo.

II Samuel 8:16

Joabe, Zerujab erninga angajoᴋaulakpok sorsuktuksaksoakattigênut; Josafatele, Ahiludib erninga aglakteôlaukpok attanioviub pijoᴋarninginik.

I Atannit 19:2

Tagva Isebele tillijaksamik tilliklerpok Eliamut, oᴋautsauᴋovalo: Gûdit immâglonêt, immâglonêt, pinniarvigilinga, ᴋaupat nelliutome tamattomane inôtsit pinniarvigilungikupko, taipkoa attunît inôsingititut.

I Kronika 12:18

Annerneruble angajoᴋaunerôjok Capitanit kajungersarpa, oᴋarporlo: Igvit pigivaptigut Davide, igvillo Isaib erninga illigivaptigit! Ullapirsauteᴋarit, ullapirsauteᴋarit! Ullapirsauteᴋarlit ikkajortitit! Gûdivit ikkajormatit. Tagva Davidib ilaliorpait, angajoᴋangortipaillo sorsuktuksanut.

Ruth 1:17

Tokᴋoniarvingne, tagvane tokᴋoniarivunga, tagvanelo illijartortaujomagivunga. Nâlekab imâk imâglônêt pinniarvigilinga, tokᴋûb avititaksarivâtiguk.