II Samuel 18:9 - Labrador Inuttitut Heritage Bible

⁹ Absalomiblo Davidib kivgangit pârpait, ablangavlune horseojartub ᴋângane. Horseojartorlo nappartoksub silliktub Eichemik attiggub attânut tikkimat, niakunga nâpok Eicheme, nivingalunelo ᴋillaub nunablo akkorngangne, horseojarᴋotingale tapsoma attânit pangalidlarlune aularpok.

II Samuel 18:9 Iomraidhean Croise

II Samuel 13:29

Taimak Absalomib nukapiaᴋotingita Amnon pinniarvigivât, sorlo Absalomib perᴋolaungmagit. Tagva attanniub ᴋittorngangit nikkoviput, illunatiglo attunît ikkivut siuteᴋoᴋtôjoᴋotimingnut, ᴋemmâlutiglo.

II Samuel 14:26

Niaᴋungatalo nujangit kippijaulaukpatta, (tamannalo Jarine tamât pivalaukpok, nujangille oᴋumailuarlaukput kippijaujariaᴋarmatta) tagva niaᴋungata nujangit Sekeletut 200 ditut oᴋumaitigijôvalaukput, attanniub Sekelingita oᴋumainingit malliklugit.

II Samuel 17:23

Ahitofele takkogame attannertuinine malliktaulungimat siuteᴋoᴋtôjoᴋotine iksivaviktârpa, parngnailunelo, angerarlunelo iglugaseksoarnut igloᴋarvigijaminut, iglunelo âkikpa, ᴋimiklunelo toᴋᴋolarmelo, illijartortauvorlo atâtame illuveᴋotinganut.

II Samuel 18:10

Angutit illangata tamanna takkogamiuk, oᴋautigiva Joabemut, oᴋarlunelo: Ahâk Absalome takkolaukpara nivingatillugo Eicheme.

II Samuel 18:14

Joabe oᴋarpok: Taimak akkunêrtigijomik nokᴋarungnangilanga illingne. Tagva Joabib ᴋallugitset pingasut tiguvait aggangminut, kapputilaitalo Absalomib omattinganut innotillugo sulle Eicheme.

II Samuel 18:8

Sorsungnerlo siamarsimalaukpok tagvane nuname illunâne; nappartulle nungutsinersaulaukput innungnik uvlorme taipsomane, saviksoarmit.

Hiobe 31:3

Idluangitok taimaitomik ᴋanoêtoᴋangârtuksaungilâk, idluitullijorlo taimâk ajaktortaungârlunelo?

Salomob Okâl 20:20

Atâtaminik anânaminiglo oᴋarnerluktub, tapsoma ᴋaumautinga târmaringnerme ᴋaminiarpok.

Salomob Okâl 30:17

Ije atâtaminik alleᴋuteᴋartok, Nâlengnermiglo anânaminik nachojok, tâmna tullukat kongme pêraksarivât, nektoraliarkallo nerrijaksarivât.

Jeremia 48:44

Kemâjoᴋ erᴋsinartomit katagomârpoᴋ itersâlungmut, ᴋaᴋᴋijorlo itersâlungmit pijaulârpoᴋ nigamut; Moabemut tikiutjijomârama nalipsartauvingata jâringanik, oᴋarpoᴋ Nâlagaᴋ.

Mattêuse 27:5

Oᴋarput: Tamanna pingilavut, igvit pivat. Kênaujallo ipkoa Gûdib iglunganut egipait, aularporlo ᴋimitsartorlune.

Markuse 7:10

Môsese oᴋarmat: Atâtangniglo anânangniglo nâlektuksauvotit; atâtaminulle anânaminullo oᴋarnerluktoᴋ toᴋotaksauvoᴋ.

Galâtsiamiunut 3:13

Kristusible piulilauᴋpâtigut perᴋojat ômigijautitsininganit, nangmineᴋ ôminartitaulaungmat pivluta, aglaksimangmat: Ominarsile neliat ᴋejungme nivingajoᴋ.

Deuteronomy 21:23

Timinga tokungajok unnuak nâvlugo napârtomêtuksaungilak, iluveraksarivalle uvlorme tâpsomanetsainak; nivingatitaujok ôminarsingmat Gûdemut; nunat Nâlekab Gûdivît tunijanga perᴋutauᴋovlugo ilingnut ivsornartitauᴋonago.

Deuteronomy 27:16

Ominarsile atâtaminik anânaminiglônêt oᴋarniluktok. Inuillo ilûnatik oᴋartuksauvut: Taimaile.

Deuteronomy 27:20

Ominarsile tutingniktok atâtame nulianganik; atâtame ᴋepinga makpermago. Inuillo ilûnatik oᴋartuksauvut: Taimaile.