II Samuel 16:23 - Labrador Inuttitut Heritage Bible

²³ Nalliutome taipsomane, Ahitofele attannertuilaurangat, tamanna illingalaukpok sorlo Gude apperijaunajalaukpat; taimailaukput Ahitofelib attannertuiningit illunaita, tamangne Davideme Absalomemelo.

II Samuel 16:23 Iomraidhean Croise

II Samuel 15:12

Absalomele tilliklilerivoktauk Ahitofelemut Gilomiomut, Davidib attannertuijoᴋotinganut, iglogasaksoanganit Gilomik attelingnit pijomut. Manna tunnergutinik tunnijingmat, angerᴋattigênek pitsartulerpalliavok, innugatoksuillo kailutik unnuksivalliavut Absalomeme.

II Samuel 15:31

Davidelo oᴋautsaulerame, Ahitofelib Absalome illagingmago, oᴋarpok: Nalegak, Ahitofelib attanertuininga sillainingortilauruk.

II Samuel 17:1

Ahitofelo Absalomemut oᴋarpok: Angutit 12,000dit annerijomavakka, parngnaileromalungalo, Davidelo udlajomavara unnuangotillugo,

II Samuel 17:14

Tagva Absalome Israelitillo illunamasiatik oᴋarput: Husaib Arachimiub attannertuininga namanersauvok Ahitofelib attannertuininganit. Nalekable taimailingatipa Ahitofelib attanertuininga sillatôjok agviartauᴋovlugo, Nalegak ᴋanoêtomik pititsiᴋovlugo Absalomemut.

II Samuel 17:23

Ahitofele takkogame attannertuinine malliktaulungimat siuteᴋoᴋtôjoᴋotine iksivaviktârpa, parngnailunelo, angerarlunelo iglugaseksoarnut igloᴋarvigijaminut, iglunelo âkikpa, ᴋimiklunelo toᴋᴋolarmelo, illijartortauvorlo atâtame illuveᴋotinganut.

Hiobe 28:28

Oᴋarlunelo inungnut: Ahâk, sivôranek Gûdemik, tamanna ilisimaniovok; attortailinerlo idluitomik, tamanna sillatuniovok.

Hiobe 5:12

Tâpsoma pingitsertortut isumangit sullingitipait, aggangit kajusimanermik nellautsititsijungnarᴋonagit.

Imgerut 19:7

Nâlekab malligaksauᴋojangit ᴋanoêtoᴋatsangilat, tarnelo nakkoksitipât. Nâlekab kigligiudsiningit nallâgôrput, sillatutipaillo sillaitut.

Imgerut 28:2

ᴋennunima nippinga tussaruk, ᴋaigarsugvigigupkit, aggakka ᴋongmuartileraigupkit ivsornaitoveᴋotingnut takkamanênerpâmut.

Okaluktok 10:1

Niviuvaujartub tokᴋonartûb atautsib âniasiusiortit mingoarutingit tippeluktipait puvjuktilugillo; taimâk sillaineârsûb ilisimanerûb opinarnerublo ânanauningak tippeluktipâ.

Jeremia 4:22

Inuᴋotikka silaidlarmatta, ilitaringilânga; ᴋitorngauvut sujuksimajut, silatuneᴋangilallo mikijomiglônêt; silatudlarput idluitulinermik, idluartulinermigle ilisimaneᴋangilat.

Jeremia 8:9

Ilisimajut kangusudlartuksauvut, ᴋoaᴋsârtuksauvut, parngnanairsortaujuksauvullo; ahâk, Nâlakab oᴋausingit naggogivait; ᴋanoelingajomiglo ilisimaneᴋarᴋâ tâpkonanê?

Numbers 27:21

Eliasariblo ajoᴋertuijûb sângane nangertuksauvoᴋ, tâpsomalo ᴋaumaᴋutib idluarsaininga atorlugo Nâlekab sângane aperᴋutigijaksarivâ; tâpsoma oᴋausinga maliklugo anijuksauvut, tâpsomalo oᴋausinga maliklugo itertuksauvut, tâmna, Israêlikullo ilûnatik tâmna ilagilugo, tagva ilagêktoᴋsuit iluengartut.

Mattêuse 11:25

Taipsomane Jêsuse oᴋalerpok: Atâtak, ᴋilaublo nunablo nâlegangak, nakorivagit, ilisimajunut silatujunullo tamanna angigutjutigigangne, nutaᴋᴋatitun-itunullo nalojungnaitijutigigangne.

Lukase 16:8

Angajoᴋâblo pimaklertok tâmna idluitok nertorpâ, silatujotut piniarmat. Mattoma silaksûb ᴋitorngangit ilusimingnik silatunersaungmatta ᴋaumajub ᴋitornganginit.

Rômiunut 1:22

Silatunasugigamik, silaitoᴋsôlerput;

I Pêtrusib 4:11

Oᴋâlajoᴋarpat, Gûdib oᴋausingititut oᴋâlatigivlugit pile. Kivgartortoᴋarpat, Gûdib tunijanga ajungijutigilugo piniarle. Gûde piniarnernut ilûnainut nertortauᴋovlugo Jêsuse Kristusikut; tâmna nertortaule pitsartunerôlunelo issoᴋangitomit issoᴋangitomut. Amen.

I Samuel 30:8

Davidib Nalegak appertsorpa, oᴋarlunelo: Sorsuktuksat udlajaksarivakka, anguniarpakkalo? Oᴋarpok: Udlakit, anguniarpattit, piuliklerniarlutillo.