II Samuel 16:11 - Labrador Inuttitut Heritage Bible

¹¹ Davidelo Abisaimut kivgaminullo illunainut oᴋarpok: Ahâk, ernima, timimnit pimajub, pijugakpânga, suna pivlugo Jeminib erninga una manna taimailiortuksaunginiva? Agviarnago taimailiorle, oᴋarnerluᴋovlugo, Nalekab perᴋolaungmago.

II Samuel 16:11 Iomraidhean Croise

Genesis 15:4

Sunaubvale, Nâlekab oᴋausinga tâpsomunga (pivoᴋ) oᴋartoᴋ: Tâmna kingormgujijuksaungilaᴋ illingnik, timingnille pijuksaᴋ kingormgujiniarpoᴋ illingnik.

Genesis 45:5

Kissiane issumajârniarase mâna, ningautiniaraselo niorvgutigigapsinga tamaunga; inûlijauniksapsingnut Gûdib sivunapsigut tilingmanga.

II Samuel 20:1

Anguteᴋalaukporlo tagvane illitarijaujomik kuksalaitomik, Sebamik attelingmik, Bichirib, angutib Jeminib kinguvânginit pijub erninganik; tapsoma tiptulaut tiptulausijautigiva oᴋarlunelo: Illangiutiviᴋalungilagut Davidemik, kingormgutijaksaᴋaratalonêt Isaib erningane. Israelitiôjut illunamasiatik attunît ailerlit igloᴋotimingnut!

II Samuel 7:2

Nallautaijomut Nathanemut oᴋarpok: Ahâk, uvanga iglo Cederinit sannamajok innigivara, Gudiblo iklervinga inneᴋarpok itsat attâne.

II Atannit 19:37

Gûdimelo Nisrochib iglungane tuksiartillugo ernekita Adramelechib Sarezeriblo ullimarpâk saviksoarmut, ᴋemâvuglo nunamut Araratemik atelingmut. Erningalo Asserhadon atanningorpok innangêrlugo.

II Kronika 32:21

Tagva Nalekab Engelit illangat tilliva, tapsoma sorsuktuksat sôngojungit illunaita, attannillo angajoᴋaunerôjullo illunaita Assiriamiut attanningata tangmarviane nungupait, kangusuklunelo utterpok nunaminut. Gudigijamelo iglunganut ittermat, ochotipâk tagvane saviksoarmut, timinganit nangminerijanganit pilauktuk.

Imgerut 109:28

Oᴋarnerlotjileraikpatta, tagva igvit saimartitsilaurit. Akkerartoraikpânga, tagva kangusuktitaulît; kivgaᴋotille ᴋuviasugle.

Hesekiel 14:9

Nelautaijorlo uivêrijaulerpat oᴋautsimiglo oᴋarune, tagva uvanga Nâlegaᴋ nelautaijoᴋ tâmna uivêrilaukpara, aggakkalo issagomavakka tâpsomunga, pêjaromavaralo inuᴋotima Israêlitit akornganit.

Hesekiel 20:25

Tunitjivigivakkatauᴋ maligaksanik idlualungitunik perᴋojaniglo inôgûtaungitunik;

Mattêuse 10:21

ᴋatangutible ᴋatangutine toᴋomut pititsomârpâ, atâtablo ernine, ᴋitorngallo angajoᴋâtik ileratsautijomârpait, toᴋoᴋovlugillo.

I Samuel 26:19

Taimak tussarittôk manna, nalegâk attanek, kivgame oᴋausinginik: Nalekab kajungertipattit akkerartorlunga, tagva tunnergutiksamik nerᴋiksamik naimalerle; innuble ᴋittorngangit taimailiorpatta, tagva ominarsijaulit Nalekab sângane, uvlome ajiktoraminga, Nalekab kingormgutijanganêtsungnanginama, oᴋarlutiglo: Ailerit kivgartorlutillo Gudib assinginik.