II Samuel 15:10 - Labrador Inuttitut Heritage Bible

¹⁰ Absalomele nautsertortuksanik tilliklilaukpok Israelitit kinguvarênginut illunainut, oᴋautsauᴋojilunelo: Tiptulautib nippinganik tussarniarupse, tagva nipliaritse: Absalome attanningortitaumavok Hebroneme.

II Samuel 15:10 Iomraidhean Croise

II Samuel 13:28

Absalomible nukapiaᴋotine perᴋovait, oᴋarlunelo: Kamatsiaritse, Amnon Weinemut ᴋuviasulerpat, uvangalo oᴋautigupse: Amnone annaulersiuk, toᴋᴋolugolo, sivuraᴋonnase, perᴋolaurapse; sivurajuileritse omaridlarluselo.

II Samuel 14:30

Tagva kivgaminut oᴋarpok: Ahâk, Joabib perorsêvikotinga perorsêviᴋotima senianêpok, perortoᴋarporlo Gerstenik; taimak aileritse ikkilugillo ikkomamut pititse. Tagva Absalomib kivgangita perorsêvik tamna ikkipât.

II Samuel 15:9

Attanniub oᴋautiva: Ullapirsauteᴋarlutit aularit. Parngnailerporlo, ailunelo Hebronemut.

II Samuel 19:10

Absalomelo mingoarlauktavut attannioᴋovlugo uvaptingnut toᴋᴋolaukpok unatadlarnerme. Sôg manna ᴋikkarᴋise taimak, attannek aitaililugo pigapse?

II Samuel 2:1

Pijoᴋalauktut tamakkoa kingorngane Davidib Nalegak apperiva, oᴋarlunelo: Majorartuksauvîk paunga Judab iglugasaksoangita illanganut? Nalekablo oᴋautiva: Majorarit paunga. Davide oᴋarpok: Namut? Tamna oᴋarpok: Hebronemut.

II Samuel 2:11

Nalliutorlo Davide attanniotillugo Hebroneme Judakunut, Jariôvut 7 it takkillo pingasojortut.

II Samuel 5:5

Hebroneme attanniotilaukpok Jarit 7 it takkillo 6 it nâvlugit Judakunut; Jerusalemele attanniotilaukpok Jarit 33 git nâvlugit, Israelitit illunamasianginut Judakunullo.

I Atannit 1:11

Tagva Nathan oᴋarpok Bathsebamut Salomob anânanganut: Tusarlaungilatit Adonia Hagithib erninga, ataningorsimangmat, Nâlegavullo Davide nellomarikpok tamattominga?

I Atannit 1:34

Ajuᴋertuijublo Zadoᴋib, aipaᴋarlune nellautaîjomik Nathanemik, mingoarliuk tagvane ataningortilugo Israelitinut. Tiptulausijaritselo tiptulautinut, oᴋarluselo: Pilloringnartoᴋarle atannermut Salomomut!

II Atannit 9:13

Tagva tuavidlarput, attunnillo annoratik tiguvât illilugillo tapsoma attânut tumerangnut, tiptulautelo tiptulausijautigivat, oᴋarlutiglo: Jehu atanningorpok!

I Kronika 11:3

Israelitillo angajoᴋaunerôjungit ilûnatik tikkilerput atannermut Hebronemut. Davidiblo angerᴋattigivait Nalekab sângane Hebroneme. Mingoarlugolo Davide atanningortipât Israelitinut, Nalekab oᴋausingit Samuelekut malliklugit.

I Kronika 12:23

Tamadsale niaᴋôjut unurningit oppalungêrsimavlutik sorsungnermut, tikkitut Davidemut Hebronemut Saulib atanniovinga sâtilugo tapsomunga, Nalekab oᴋausingit malliklugit.

I Kronika 12:38

Sorsuktuksat tapkoa ilûnatik sorsungnermik sungiusimajut, tikkiput omamut tamanut Hebronemut, Davide atanningortitsomavlugo Israelitinut ilûnamasianginut. Israelitillo, tapkoa asingittauk atautsemik omateᴋarᴋattigêlaukput Davide atanningortitaujuksaungmat.