II Samuel 13:19 - Labrador Inuttitut Heritage Bible

¹⁹ Thamarib argsat egipait niaᴋominut, pattigotelo tarsepatâk attortane alliktorpa, agganelo illivait niaᴋominut, pissuklunelo ᴋêavok.

II Samuel 13:19 Iomraidhean Croise

Genesis 37:29

Rubenele itersaliamut tikkiname, sunaubva, Josefeᴋangilaᴋ itersaliame, tagva annorâne alikpait.

II Samuel 1:11

Tagva Davidib annorâne tiguvait, alliklaitalo, angutillo tapsomanêlauktut illunatik taimailiorput.

II Samuel 1:2

Ahâk, tagva uvluk pingajuangne angut Saulib sorsuᴋattigêksoaᴋotinginit tikkilerpok, annoraᴋarlune alliksimajunik, ivjoᴋalunelo niaᴋomine. Davidemullo tikkiname pamakterpok nunamut, opigosuklunelo.

II Samuel 13:20

Anningatalo Absalomib oᴋautiva: Annît Amnon illingnelauᴋa? Unêt najâk, nippangerit, annigivat, tamanna taimak omamiutariniarnago. Taimak Thamar uigasovlune Absalomib annigijame iglunganêtuarpok.

Ester 4:1

Mardachaib tamaita pijoᴋalauktut tukkisigamigit, annorâne allikpait, attitilunelo pôksaijamik arksamiglo, annilunelo iglugaseksuit ᴋerkânut, nipliaᴋortôvlunelo ârusuklune.

Hiobe 2:12

ᴋaningitomillo takkosaramik, illitaringilât, nippitiglo annipât ᴋêalutiglo; attunnillo annorâtik allikpait egitsilutiglo saningnik niaᴋomingnut ᴋongmuartilugit ᴋillangmut;

Hiobe 42:6

Tamanna pivlugo passijaksaunerarpunga, ᴋakᴋialerlungalo sannerne arsannelo.

Jeremia 2:37

Tâpsomungatauᴋ anijomârpotit, aggatit pâᴋtigêktisimatilugit niaᴋovît Kângane; Nâlakab tatigijatit ajaktolaungmagit, igvillo suliniatsangilatit tâpkonane.

Josua 7:6

Josuab annorâne alliktorpait pamakterlunelo kênaminik pûlune nunamut Nalekab iklervingata sânganut, unnuk tikkidlugo Israelitit angajoᴋangit illagilugit, sannillo egipait niaᴋomingnut.

I Samuel 4:12

Tagva Benjaminekut illangat sorsuktoᴋattigêksoarnit akpangerpok, tikkilunelo Silomut uvlome taipsomane, annorânelo alliktorlaukpait, ivjorlo katterarsimavlugo niaᴋominut.