15 Aglakporle aglangne tapkonane imâk: Uria pitisiuk sorsungnerub sugaluluarvianut, tunnulugolo allarsiuk, ullimartauᴋovlugo, toᴋᴋoᴋovlugolo.
Joabiblo manna iglugasaksuit illumangmagit, Uria inneᴋartipa ᴋaujimajaminut anguteᴋarmat tagvane sorsugungnartunik.
Iglugasaksuillo angutingit annidlarmatta Joabelo sorsugvigingmatsuk, innugatsuit Davidib kivgangita illangit ochovut, Urialo Hetitere toᴋᴋogivok.
Sôgle tagva Nalekab oᴋausingit nachogilaukpigit, idluitoâlungmik taimaitomik pinniaravit tapsoma ijikita sângangne? Uria Hetitere ullimarlaukpat saviksoarmut; nullianga tigulaukpat nulliarilugo, taimnale toᴋᴋolaukpat Ammonib ᴋittorngangita saviksoangagut.
Davide pinniarlaungmat Nâlekab idluarijanganik, allailaungimallo tamainit perᴋolauktanginit tapsomunga, inôsermine tamât, pijoᴋartok Uriamut Hethitereôjomut pivlugo kisianeungitok.
Piulilaunga akkiliksaᴋarnermit aungmik, Gûde, Gûdigijagit, piulijigijagillo, oᴋara idluarnernik nakorsarᴋovlugo.
Illingnut kissiane ajortullilaukpunga, idluitullilarmalo sângne, igvit idluatsainarᴋovlutit oᴋauserne ivsornaitsiarᴋovlutillo erᴋartortauguvit.
Piniarnerit idluitut sugiartausarailungimatta, tamattomunga inuit ᴋitorngangita ômatingit tattalerput idluitullijomanermik.
Omate nalangaitoᴋsôluarpoᴋ assinginit tamainit, ᴋanimadlartoᴋsôvorlo; kia ilitarijungnarᴋaûk?
Nâlagaᴋ imgervigisiuk, Nâlagaᴋ nertorsiuk; tâpsoma patangajub tarninga piulingmago idluitulijut agganginit.
Saulelo Davidemut oᴋarpok: Ahâk, panniga angajudlek Merobe tunnijomavara illingnut, nulliangôᴋovlugo illingnut; sivurajuituinarit, aulatsilerlutillo Nalekab unatadlarninginik. Saule issumaᴋalaurame: Aggama âktoraksaringilât, Filisterille aggangita.
Tunnijomavara tapsomunga, kattaktitaujutiksanganut illingakovlugo, Filisterit agganginut tikkitauᴋovlugo. Oᴋarlunelo Davidemut: Uvlome taipsoma tuglianut ningaungolertuksauvotit uvamnut.
Saule oᴋarpok: Imâk Davidemut oᴋaritse: Attanek tunnergusiamik pilliusiamik tussulungilak, kissiane Filisterit 100 dit amingita nuvunginik, attaniub omigijingit akkiniartauᴋovlugit. Saulib Davide kattaktinasuarmago Filisterit aggangitigut.