II Samuel 11:11 - Labrador Inuttitut Heritage Bible

¹¹ Uriale Davidemut oᴋarpok: Iklervik, Israelitillo Judamiullo tuppernetualerput, angajoᴋaralo Joabe, angajoᴋamalo kivgangit unnatadlarnermeput; uvangalo iglumnut aijuksaunajarᴋik, nerriᴋovlunga, immerᴋovlungalo, nulliaralo innangaᴋattigilugo? Sorlo mikseᴋârtomik innôgavit, tarnîllo inôngmat, taimailiorlungilanga.

II Samuel 11:11 Iomraidhean Croise

II Samuel 11:10

Davidele oᴋautijaulerame: Uria attersarlungilak iglominut; Davidib oᴋautiva: Nunab assianit tikkisimangilatit? Sôg attersarlaungilatit iglokotingnut?

II Samuel 14:19

Attannek oᴋarpok: Joabib aggangita illagingilâtit tamakkonane tamaine? Arnak kiovok oᴋarlunelo: Sorlo mikseᴋârtomik tarnît inôngmat nalegara attannek, taipsoma asseᴋangilak tallerpingmêlonêt saumingmêlonêt, nalekama attanniub oᴋautigimajanganit. Kivgavit Joabib perkolaungmanga tamattominga, taipsomalo taimaitomik tamât kivgait arnak illumertilaukpa;

II Samuel 20:6

Tagva Davide Abisaimut oᴋarpok: Manna Seba Bichrib erningata anginersamik kiksartiniarpâtigut Absalomemit. Igvit angajoᴋavit kivgangit tigukit, udlalugolo, iglugasaksoarnik sôngojunik ingminut nachvarᴋonnago, ᴋemâᴋonnagolo ijiptingnit.

II Samuel 7:2

Nallautaijomut Nathanemut oᴋarpok: Ahâk, uvanga iglo Cederinit sannamajok innigivara, Gudiblo iklervinga inneᴋarpok itsat attâne.

II Samuel 7:6

Iglome inneᴋalaungitunga sulle uvlormit taipsomangat Israelitit Egiptenemit aularutilaurapkit, uvlok tamanna tikkilugo, agvertarlaukpungale tupperme, inneᴋartomelo.

Numbers 32:6

Mosesiblo Gadib kinguvângit Rubeniblo kinguvângit oᴋautivait: Katangutise unatarnermut aijuksauvât, ilipse ᴋikartiluse tamânê?

Johannese 13:14

Tamanna pivlugo uvanga, Nâlekapse ajoᴋertortipselo itikase ubvalaurapkit, taimâk ilipsetauk itikapsingnik ubvartigêktuksaugivose.

II Timôteusemut 2:12

Kenuersârupta, atanioteᴋattaujomârivogut; missiarutigiguptigo, missiarutigijomârivâtiguttauk.

I Samuel 1:26

Arnarlo oᴋarpok: Illa nalegâk, sorlo mikseᴋârtomik tarnît inôngmat, nalegâk, uvanga arnauvunga taimna, mâne nangerᴋattigilauktat, tuksiarlauktorlo Nalekamut,

I Samuel 14:18

Tagva Saule Ahiamut oᴋarpok: Gudib iklervinga ᴋaile tamaunga. (Gudib iklervinga nalliutome taipsomane Israelib ᴋsittornganginêmat.)

I Samuel 17:55

Saulib Davide Filisteremut aijok takkogamiuk, oᴋarpok sorsuktuksaksoaᴋotime angajoᴋanganut Abnermut: Kia ernerivaûk nukapiak tamna? Abnerele oᴋarpok: Sorlo mikseᴋârtomik tarnît inôngmat attanersoak, nallovunga.

I Samuel 20:3

Tagva Davide oᴋamarigannerpok, oᴋarlunelo: Atâtait ᴋaujimatsiarpok saimaneksigama ijikpit sângangne, tamanalo pivlugo issumavallukpok: Jonathan ᴋaujijuksaungilak tamattominga, issumajarutiginajarmago. Ahamarik sorlo mikseᴋârtomik Nalegak innôngmat, sorlolo mikseᴋârtomik tarnit innôngmat, ablorniôtuinarpok attautsemik uvangalo toᴋᴋublo akkonaptingne.

I Samuel 25:26

Mannale nalegâk, sorlo mikseᴋârtomik Nalegak inôngmat, sorlolo miksekârtomik tarnît inôngmat, Nalekab agviarlaukpâtit, tikkiᴋonak aungmut tamattomunga, aggaktillo piulilaukpait. Mannalo Nabaletut îlertuksauvut omigijitit, idluitullijomajullo nalekamnut.

I Samuel 4:4

Innugatsuillo tilliklerput Silomut, aijauᴋolugolo tagvangat Nalekab Zebaothib, Kerubimib ᴋollâne iksivajub, iklervinga angersimanetalik. Taikanelaukpuglo Elib ernigik Hofni Pinehaselo, Gudib angersimaningata iklervinga najorlugo.