II Samuel 11:1 - Labrador Inuttitut Heritage Bible

¹ Jarelo annigormat, nalliutome attannît aularvigivaktangane, Davidib Joabe kivganelo illagellugit, Israelitillo illuêngarlutik tillivait, asseroiᴋovlugit Ammonib ᴋittornganginik, Rabbalo illuvait. Davidele Jerusalemetuarpok.

II Samuel 11:1 Iomraidhean Croise

II Samuel 10:14

Ammoniblo ᴋittorngangit takkogamik Siriamiut ᴋemângmatta, nangminektauk Abisai ᴋemâvât, itterlutiglo iglugaseksoarnut. Taimak Joabe uttilerpok Ammonib ᴋittornganginit, tikkilunelo Jerusalemut.

I Atannit 20:22

Tagva nellautaijub Israelib atanningat aivigiva oᴋautilâlo: Ailerit pitsartutilutillo, kamatsiarlarpillo, takkolutillo pinniaraksarnik. Siriamiut atanningat majoraromârivok sorsugvigivlutit, jâre tamânna nâkpat.

I Atannit 20:26

Jârelo tamânna nâsimangmat Benhadadib Siriamiut oppalungaijarpait, majorarlunelo Afekemut Israelitit sorsugvigijomavlugit.

I Kronika 20:1

Jârelo ᴋângermat, nalliutome atannit aularvigivaktangane, Joabib sorsuktuksaksoaᴋattigêt aularutivait, asserorlâlo Amonib ᴋitorngangita nunangat, tikkilunelo Rabba illumavait; Davidele Jerusalemetuarpok. Joabible Rabba sâlagivait, serᴋomilaitalo.

II Kronika 36:10

Jarelo ᴋângermat, Nebukadnezar tilliklerpok aijauᴋolâlo Babelemut, illulerᴋutit pivianartut Nalekab iglunganêtut illagilugit, Zedekialo ᴋattanguta attanningortipa Judakunut Jerusalemiunullo.

Imgerut 60:9

Kia tassioromavânga iglugasaksoarnut sôngojunnut? Kia aiparivânga Edomemut?

Okaluktok 3:8

Naglingnek, ômisungnek nelliuneᴋarpok; unatarnek, ullapirsauteᴋarnek nelliuneᴋarpok.

Jeremia 49:2

Taimaimat, ahâk, uvlut naliutijomârput, oᴋarpoᴋ Nâlagaᴋ, kamasârineᴋ unatarnermut Rabbamut Ammonib kinguvângita ilanganut tusartautitsomârapko; aᴋtarlukungoromârporlo sunaᴋangitoᴋ, paningillo ikitaujomârput ikomamut; Israêliblo tagva kingormgutijigilauᴋtane kingormgujiutigilârpait, oᴋarpoᴋ Nâlagaᴋ.

Jeremia 49:3

Keadlarit, Hesbone, Ai asserortaungmat, nipliadlaritse, Rabbab paningit, pôᴋsajavinerniglo attisileritse; ogguadlaritse, avalut akorngane utertarluse; atanise aularutijaujomârmat, ajoᴋertuijune angajoᴋânalo ilagivlugit.

Hesekiel 21:20

Titeruk apᴋosineᴋ saviksûb apᴋotigijaksanga Rabbamut Ammonib ᴋitorngangita pinganut, Judamullo Jerusalemut sôngotitaujomut.

Amos 1:14

Ikitsijomavungale ikomamik Rabbab ᴋarmaᴋsoangane, nungutsilârporlo igloksoanginik, ᴋaggudlartoᴋartilugo unatarnerub uvlungane, suluksuksoaᴋartilugolo akᴋunaksûb uvlungane;

Saggaria 14:3

Nâlegak tagva anijomârpok inôᴋatigêksuillo tâpkoa sorᴋsukvigilugit, taimak sorlo sorᴋsulaurame unatadlarnerub uvlungane.

Deuteronomy 3:11

(Og, Bâsanib ataninga, kissime amiakotôvok inukpangnit; ahâk, iglinga kikiangovok; Rabamêngilâk, Amorikunê? Tallertut 9tut takitigivok, tallertullo sittamatut senimut, angutib tallinga ôktûtigilugo.)

I Samuel 18:30

Filisterillo angajoᴋangit aularmatta, Davide sillatunersauvlune pinniarlaukpok Saulib kivganginit tamainit, aularangatta; taimak attinga nertortaudlalaungmat.