II Samuel 1:20 - Labrador Inuttitut Heritage Bible

²⁰ Oᴋarniarase tamattominga Gatheme, unipᴋautiginiarassiuglo apᴋosinerme Askalonib iglungita akkorngane, Filisterit panningit ᴋuviasulerᴋonnagit, kippisimangitut panningit serridlarᴋonnagit.

II Samuel 1:20 Iomraidhean Croise

Hesekiel 16:27

Taimaimat, ahâk, aggakka issakpakka ilingnut, piksatillo ikitlitipakka, tunilutillo ômigijivit, Filisterit paningita, pijomajanginut, tâpkoa iluserijatit kangunartut kangusûtigivait.

Hesekiel 16:57

Idluitulinît nelonaijartauᴋârtinago, sorlo taipsomanetut Siriab paningita mitautigingmatit, avalingitalo ilûnatik, Filisterillo paningita naggogingmatit ilûnâne.

Migga 1:10

Gateme unipkautiginiarasiuk, ᴋeadlarniarase; Bet-le-aframe aksapaloarit sanningne.

Idluarsaijut 11:34

Jeftalo tikkilermat Mizpamut iglominut, tagva paninga annivok pachrearlugo, ᴋillautersoalijarlune imgerlunelo, ᴋitorngatualaukporlo, asianiglo erneᴋalaungilak paneᴋalaungilarlonêt.

Idluarsaijut 14:19

Nâlekablo Annerningata tikkipa, tamnalo atersarpok Askalonemut, angutillo 30 git annaulerpait, tigulaitalo annorângit, annoratsiallo tunnivait tapkonunga nallaupsaraksamik nallautsilauktunut. Ningarnerminelo ilûngertulerpok, takpaungârlunelo atâtame iglunganut.

I Samuel 14:6

Jonathanelo akjarsijoᴋotiminut sakkunginik oᴋarpok: Kait, ailauluk akkiptingnut, kippisimangitut tapkoa tangmarvinganut; imaᴋᴋâ Nalegak uvaptiguk sulliniarpallukpok; Nalekamut oᴋumailungimat unnuktutigut ikkitutigullonêt ikajorlune.

I Samuel 17:26

Tagva Davide angutinut nangerᴋattigijaminut oᴋarpok: Sunamik tamna pinniarvioniarᴋa Filisteremik ominga ullimarniktok, kangusuktitaunermiglo tamattominga pejaijok Israelemit? Kinauvâle Filistere kippisimangitok una, Gudib omatsainartub sorsuktuksaksoaᴋotingit mittautigingmagit?

I Samuel 17:36

Taimak kivgavit tamarmik Loewelo aklarlo annaulaukpak. Taimaglo manna Filistere tamna kippisimangitok îtuksauvok taipkoa illangatut; Gudib omatsainartub sorsuktuksaksoaᴋotingit mamailisarlaungmagit.

I Samuel 18:6

Pijoᴋalaukporle, uttermat unatadlarnermit Filisterinik, arnat Israelitit iglugaseksoanginit illunainit annisimalaungmatta attanek Saule pachreartorlugo, imgerlutik okigêserlutiglo, ᴋuviasuklutiglo, nipliajorlutiglo.

I Samuel 31:4

Tagva Saule akjarsijoᴋotiminut sakkunginik oᴋarpok: Saviksuit amuleruk, kappilungalo tapsomunga, kippisimangitut taipkoa ᴋaiᴋonnagit kappilungalo, mittautigilungalo. Aksarsijoᴋotingale sakkunik, pijomalungilak, angijomik sivuragame. Tagva Saulib saviksoak tiguva, ochovigivâlo.

I Samuel 6:17

Tamakkoangôvulle nullungoat Goldit, Filisterit tunnilauktangit Nalekamut, tunnergutiksamut akkiliksêrutiksamut: Asdod attautsemik, Gasa attautsemik, Askalon attautsemik, Gath attautsemik, Ekronelo attautsemik.