II Samuel 1:2 - Labrador Inuttitut Heritage Bible

² Ahâk, tagva uvluk pingajuangne angut Saulib sorsuᴋattigêksoaᴋotinginit tikkilerpok, annoraᴋarlune alliksimajunik, ivjoᴋalunelo niaᴋomine. Davidemullo tikkiname pamakterpok nunamut, opigosuklunelo.

II Samuel 1:2 Iomraidhean Croise

Genesis 22:4

Uvlûk pingajuangne Abrahab ârlorlune aiviksane takovâ ᴋaningitomit.

Genesis 37:29

Rubenele itersaliamut tikkiname, sunaubva, Josefeᴋangilaᴋ itersaliame, tagva annorâne alikpait.

Genesis 37:34

Jakoblo annorâne alikpait pôksajaniglo tapserusêvlune sibviamigut ernine oggurivâ uvlunik unuktunik.

Genesis 43:28

Kiovât: Kivgat atâtavut ᴋanoengitsiarpoᴋ, sulle inôvoᴋ. Okkovlutiglo pâmangavigivât.

II Samuel 1:3

Davidible oᴋautiva: Nakit pivît? Tapsoma oᴋarvigiva: Israelib sorsuᴋattigêksoaᴋotinginit ᴋemâlaukpunga.

II Samuel 13:19

Thamarib argsat egipait niaᴋominut, pattigotelo tarsepatâk attortane alliktorpa, agganelo illivait niaᴋominut, pissuklunelo ᴋêavok.

II Samuel 14:4

Arnablo Tekoamiub attannek oᴋarᴋattigijomagamiuk, pamakterpok nattermut kênane pûvlugo, opigosulunelo, oᴋalarmelo: Attannek ikkajorlaunga!

II Samuel 15:32

Davidelo ᴋakᴋab ᴋânganut tikkimat, tagvunga, Gudemik tuksiarviovaktomut, ahâk tagva Husaib Arachemiub pârpa, ulliglijarlune alliksimajomik; ivjoᴋarlunelo niaᴋomine.

II Samuel 24:20

Arafnalo ᴋeviarame, attannek kivgane illagilugit ᴋaitillugo takkova, kênanelo pûlugo nunamut opigosukpok,

II Samuel 4:10

Taimna tigulaukpara nellonairsijok uvamnik, oᴋartorlo: Saule toᴋᴋungavok, issumaᴋalauktorlo pijoᴋartunik ajungitunik unipkarame, toᴋᴋolaukparalo Ziklageme, akkilertauniarasugitillugo uvamnut, unipkautsine pivlugit.

Ester 4:16

Ailerit Jûdillo Susanemêtut ilûnaita katterᴋokit nerritailijutigissingalo, nerriᴋonase immerᴋonaselo uvlune pingasune, uvlotillugolonêt unnuarmelonêt; uvanga uigasukotikkalo, nerritailijomavoguttauk taimâk. Taimâglo atannermut itteromavunga, perᴋojak akkerartorlugo; tokᴋotauniaruma, tagva tokᴋotauvunga.

Ester 5:1

Uvlullo pingajuane Estere attitipok atannersiutinik, nangeriartorlunelo avaluliorsimajub atanniub iglunganêtub illuanut, atanniub iglungata akkianut. Atannerlo iksivavok iksivautaksoarmine atannersiume atanniub iglungane, iglûb upkoangata akkiane.

Imgerut 66:3

Gûde oᴋautissiuk: Ila tattamnadlarput pinniarnitit! Omigijivit ᴋennuviginiarpâtit pitsartunersoarnit pivlugo.

Hesekiel 27:30

Nippitiglo tusartautitsomârpait pivlutit, ᴋeadlaromârput, egitsijomârput saningnik niaᴋomingnut, aksapaloajomârput arᴋjanut;

Hosea 6:2

Uvluk magguk ᴋângerpanik tâpsoma ômartilârpâtigut, uvluglo pingajuangne makitilârpâtigut, inôlârpogullo tâpsoma sângane.

Joel 2:13

Omatiselo aliksigik annorâse pinagit, sâgiaritselo Nâlekamut Gudipsingnut; tâmna saimarosudlarmat, ilapsugosuktoᴋsôvlunelo, ningarsarailungitoᴋ, nâpkiniktoᴋsôvlunelo, ajortomiglo anusingorsarpoᴋ.

Mattêuse 12:40

Sorlo Jônase uvlune pingasune unnuanalo pingasune arviub nânganêlaungmat; taimâktauk Inûb Erninga uvlune pingasune unnuanalo pingasune nunab iluanêtsomârpok.

Mattêuse 16:21

Mattoma kingorngagut Jêsusib ilinniartine oᴋautivait Jerusalemut aijariaᴋarnerminik, angajoᴋânullo, ajoᴋertuijoksoarnullo, aglangnik ilisimajunullo âniatitaujariaᴋarnerminik angijomik, toᴋotaujariaᴋarnerminiglo, makitjariaᴋarnerminiglo uvluk pingajuangne.

Josua 7:6

Josuab annorâne alliktorpait pamakterlunelo kênaminik pûlune nunamut Nalekab iklervingata sânganut, unnuk tikkidlugo Israelitit angajoᴋangit illagilugit, sannillo egipait niaᴋomingnut.

Takotitaunermik 3:9

Ahâk, Sâtanasib ajoᴋertuivianit illangit pitiniarpakka, oᴋartut Jûdionermingnik taimainatiglo, saglovlutigle pijut. Ahâk, iliorvigijomavakka tikerᴋovlugit, itikavît sânganut tuksiarlutik, illitarsiniarlutiglo, igvit nagligigapkit.

I Samuel 20:41

Nukapiak aulartuarmat, Davide nikkovipok innigijaminit seᴋᴋernganêtomit, kênanelo pûvlugo pamakterpok nunamut, pingasuêrtorlunelo opigosukpok, kunniktigêklutiglo, kugviorᴋattigêlarmiglo; Davidele piluarlune.

I Samuel 25:23

Abigailiblo manna Davide takkogamiuk akᴋasârpok siuteᴋoktôjomit, pamakterlunelo Davidib sângane, kênane pûvlugo, opigosuklunelo nuname.

I Samuel 4:12

Tagva Benjaminekut illangat sorsuktoᴋattigêksoarnit akpangerpok, tikkilunelo Silomut uvlome taipsomane, annorânelo alliktorlaukpait, ivjorlo katterarsimavlugo niaᴋominut.

I Samuel 4:16

Angullo tamna Elimut oᴋarpok: Tikkipunga ᴋemâlungalo uvlome sorsuktoᴋattigêksoarnit. Tamnale oᴋarpok: Kannok tamanna illingava ernîk?