II Pêtrusib 1:3 - Labrador Inuttitut Heritage Bible

³ Tâpsoma Gûdib pitsartuningata tunitsivigingmâtigut tamainik inôtsiarnermut arvertarnermullo Gûdib idluarijanganut ilingajunik, illitarsinermut tâpsominga uvaptingnik ᴋairᴋojijomik ânanaunerminut ajunginerminullo;

II Pêtrusib 1:3 Iomraidhean Croise

Imgerut 110:3

Sâlaᴋarnivît uvloksoangane inuᴋotivit malligomârpâtit ᴋunnutuidlutik, ânanausijaunelijarlutik ivsornaitomik. Inûtsûᴋotitit tikkilerput illingnut mitsuksoaktut ᴋaub aupalungningata sânganit sorlo.

Imgerut 84:11

Gûde Nâlegak seᴋᴋiniôngmat, sappulutaungmallo; Nâlegak saimarveᴋarnermik, nertornarnermiglo tunnijivok; idluitailijut ajoksarᴋoniangilait ajungitomik.

Salomob Okâl 12:4

Nulle ilusitsiariktok, niaᴋoteovok uiminut; illuserluktorle marnetun-ipok tapsoma sauninginne.

Salomob Okâl 31:10

Kina nuliamik illusitsiariktomik nachvârniarᴋa? Tâmna ivlernarnersauvok angijomik sappangannit pivianartoksôjunnit.

Salomob Okâl 31:29

Pannît unuktut idluartunnik illuseᴋalaukput; igville ilûnaita pitikipattit.

Mattêuse 28:18

Jêsusible tikipait oᴋautivlugit oᴋarlunalo: Tunitjiviovunga pitsartunernik tamainik ᴋilangmelo nunamelo.

Rômiunut 8:32

Tâpsoma Ernine aglât ivlerinago tamaptale pivluta tunidlalauramiuk, tâmna illagilugo tamainik tunitsiviginajangilâtigût?

Rômiunut 9:24

Taimaitogut uvaguttauᴋ ᴋaiᴋovâtigut, Jûdinit kissiani-ungitoᴋ, nalojunittauᴋ.

I Korintemiunut 1:9

Gûde okpernarmat, tâpsomunga ᴋaiᴋojaumavose Erningata Nâlegapta Jêsusib Kristûsib ilagêngninganut.

II Korintemiunut 12:9

Oᴋautilauᴋpângalo: Nâpkiningnera nâmagiuk, pitsartunera ajugaᴋangitôngmat sangêtune. Taimaimat sangênera nertôtigijomanersarivara, Kristûsib pitsartuninga ineᴋarᴋovlugo uvamne.

Efêsusemiunut 4:1

Tagva mâna kaiblarpapse, uvanga ᴋelaksugaujunga Nâlegaᴋ pivlugo, ᴋaiᴋojaumanise malitsiarlugo arvertarᴋovluse, taimak ᴋaiᴋojaugapse,

Efêsusemiunut 4:4

Time atauseᴋ, anerneᴋ atauseᴋ, sorlotauᴋ ᴋaiᴋojaumagapse nerriugijaksaᴋarluse atautsemik ᴋaiᴋojaumanipsingnut.

Filippimiunut 3:8

Ila angijomik piungilutarivakka tamaita, pijomavlugo idluarᴋejangat, illitarsineᴋ Kristuse Jêsusemik Nâlekamik; tâmna pivlugo tamaita piungilutarilauᴋtakka, aktarlukugivakkalo, Kristuse pijomavlugo.

Filippimiunut 4:8

Tagvale ᴋatangutikka, mikseᴋârnerillo ilusitsiaringnerillo, idluarnerillo, ivjornainerillo, naglingnarnerillo, illanârêngnerillo, ilûnaita inutsiaᴋutaunerit, ᴋujanartoᴋarpallônêt, nertornartoᴋatamakkoa issumaksarsiorutigisigik.

Kolossamiunut 1:16

Tâpsomûna ilûnaita pingortitaungmatta, ᴋilangmêtullo nunamêtullo, takuksaujullo takuksaungitullo, iksivautaksuillo, nâlegauvîllo ataniotinerillo, pitsartujoᴋsuillo; ilûnamatsiatik pingortitaulaukput tâpsomûna tâpsomungalo.

I Tessalônikamiunut 2:12

Kigligiutjigaptalo Gûdib nâmagijanganut arvertarᴋovluse, ᴋaiᴋojilauᴋtub ilipsingnik nâlegauvingminullo ânanauvingminullo.

I Tessalônikamiunut 4:7

Ivsornartomut Gûdib ᴋaiᴋolaungimatigut issornaitomulle.

II Tessalônikamiunut 2:14

Taimaitomut ᴋaiᴋolaungmase oᴋautsinut tussarnertunut atortaptingnut, ânanaudlartomik perᴋutiksaulerᴋovluse Nâlegaptingnut Jêsuse Kristusemut.

I Timôteusemut 4:8

Timib pinginik sungiutigannernek atornarniᴋingmat; Gûdemigle nâlengnek atornarpok tamainut, angerviomajoktauk inôtsemik mânêtomik neliutuksamiglo.

II Timôteusemut 1:9

Tâpsoma piulilaungmatigut, ᴋaiᴋolutalo ᴋaiᴋojinermut ivsornaitomut, piniarnivut pitjutiginagit, issumasimanerminulle saimanerminullo tunitsivioniptingnut Kristûseme Jêsuseme silaksoak pigiarᴋârtinago;

Ebrêerinut 1:3

Tâmna, (Gûdib) ânanauningata ᴋeblariutinga, ilinganingatalo adsiluanga, tamainiglo pairsijoᴋ oᴋautsiminut pitsartudlartomut, ajorniptingniglo pêjailauᴋtoᴋ nangminermigut, iksivavoᴋ Nâlegaviksûb talerpiata tungâne ᴋotsingnerme.

I Pêtrusib 1:15

Tâmnale ivjornaitoᴋsôjoᴋ ilipsingnik ᴋairᴋojijoᴋ maliklugo ilipsetauᴋ ivjornaititse arvertarnipsingne ilûnâne.

I Pêtrusib 1:5

Ilipsingnut, Gûdib pitsartuninganut saputigauniartose okpernermut piulijaulerdluse, tamanna pijarêrtisimajoᴋ, saᴋᴋerᴋovlugo uvlut kingorliksangine.

I Pêtrusib 2:21

Tamattomunga ᴋairᴋojaugapse. Kristusetauᴋ âniadlalaungmat pivluta, igjaraksamik ᴋemaivlune uvaptingnut, tâpsoma tuminginik malerᴋovluta.

I Pêtrusib 2:9

Ilipsele inuᴋatigêngovose anerimajut, ajoᴋertuijut ataniviksôlutik inuit ivsornaitut, tâpsoma inuᴋotingit; ilipsingnik ᴋairᴋojijub piniarningit ajungitut oᴋautigilugit pijuksauvose, tâᴋtomit ᴋairᴋongmase ᴋaumanerminut tatamnartomut.

I Pêtrusib 3:9

Ajorneᴋ ajortomut akkiniartaililugo, suagosungnerillônêt suangnermut; ajungitulititsele, ᴋaujimagapse, ᴋairᴋojaumagapse, saimanartolingmik kingormgutijaksaᴋarᴋovluse.

I Pêtrusib 5:10

Gûdible saimanartunik tamainik perᴋutitaliksûb, uvaptingnik ᴋairᴋojijub ânanaunersoarminut issoᴋangitomut Kristuse Jêsusikut, tâpsoma nangmineᴋ âᴋiksorniarpâse nâmaktomik, nakoᴋsitiluselo, pitsartutiluselo tunganilitiluselo, ilipse anikitomik kappiasuktitaujose.

II Pêtrusib 1:10

Tamanna pivlugo, ᴋatangutikka, ataruililuaritse, ᴋairᴋojaumanise anerimaniselo aulajuitilugit. Taimailiorupse, sumullônêt aporniangilase.

II Pêtrusib 1:2

Gûdib tunitsivigilise saimanartoᴋsoarmik ullapᴋosernartoᴋsoarmiglo, illitarsinermut Gûdemik, Jêsuse Kristûsemiglo Nâlegaptingnik.

II Pêtrusib 1:5

Tagva ajungitapsingnut ataruilileritse, okpernipsingnullo saᴋᴋijârtitsileritse ajungitulinermik, ajungitulinermullo illisimanermik;

II Pêtrusib 1:6

Illisimanermullo nâmatuinartulinermik, nâmatuinartulinermullo ᴋenuersârnermik, ᴋenuersârnermullo nâlengnermik Gûdemik;

II Pêtrusib 1:8

Tamakkoa ilipsingnêkunik pigannêrdlutik, erᴋeasuktiniangilâse sulingitiniaraselônêt illitarsinerme Nâlegaptingnik Jêsuse Kristûsemik,

II Pêtrusib 2:20

Maᴋojungnartunit silaᴋsoarmêtunit ᴋemâmajut, illitarsinermut Nâlekamik Piulijiptingnik Jêsuse Kristûsemik, taimaitut ama napertitaugunik sâlagijauvlutik tamakkonunga, kingorngane tagva taipkoa ilinganingit ajulualerput sivorlermit.

II Pêtrusib 3:18

Nâlegaptale Piulijiptalo Jêsusib Kristûsib saimarsautâne illitarsinermelo tâpsominga aglivalliatitse. Tâmna nertortaule tamattomane issoᴋangitomullo. Amen.

Ruth 3:11

Mânna panîk, sivoraniarnak; tamainik oᴋauserijarnik pinniarvigijomavagit; iglugaseksoarmiut inûᴋatikka illûnamassiatik ᴋaujimangmatta, arnaugavit illusitsiariktok.